Hosea 9:9 - Ohiatonhseratokénti

⁹ Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Hosea 9:9 ပူးပေါင်းရင်းမြစ်များ

Exodus 32:7

Ne Roiá꞉ner wahawénhase ne Mahís, “Tesasteríhen tánon thóh hionsáse, tsioríwa ne shonkwetashón꞉has, tsi nikáien ne thetesehiatinekénʼen ne Egypt, wahatiriwánerake tánon wahontkénron.

Isaiah 24:5

Ne tsi ionwenhtsá꞉te thóh káien iotaksénhen thóh ratiʼhiató꞉ron ne etʼienákere; asèken tekonwatawenhráti ne kaianerénhsera, tehotiʼiákon nateriwaseronʼniáhtsheras, tehotiʼhiákon ne tsi nènhwe akátake nʼaterihwaseronhniátshera.

Isaiah 31:6

Sasehwá꞉ket rahonhá꞉ke nionhsásehwe í꞉se ne kwáh í꞉ken tsi tehiahosehrénhon tsisewatsiaʼtonhtakwénhni, Ó tsiónhkwe Israerʼró꞉non.

Jeremiah 14:10

Ne Roiá꞉ner ráton tsi nòkwah kí꞉ken onhkweshón꞉a, “Rohnonhwésʼkwahni nahionkwahtékwahse, ó꞉ni kwáh iáh tahonthahontaʼtheniaróh꞉tahrohke. Káti kwáh iáh othènenh tewahkerientí꞉ios tsi nòkwah ne rohnónha. Kwáh enkehiárahke ne wahétken tsi nihonahtieráhnion tánon enkheréwahte tioríhwa tsi nihotirihwáhneren.”

Ezekiel 21:28

“Rónhkwe iaiénha, iasehriwáhken. Sehrihówahnat tsi nahó꞉ten Ní꞉i, ne Wakenonhtí꞉io Watiá꞉ner, kherorhiánions ne Ammonró꞉nons, né꞉ne sakotinikonhráksáhtha ne Israerʼró꞉nons. Sheiénhas: ‘Nasarekówah iotateweiennenhtáhon naiakóthonthe: Tekastaratʼthéton naiakononhwahrhiákon, tahontʼtsiráhreke tsi ní꞉ioht ne tahonniné꞉karahwe.

Hosea 10:9

Tsi ná꞉he sihothenhniseraténionskwe ne Gibeah shisewarihwaneraháties, O Israel; thóh nón꞉we iehonatasónhtere. Iáh onté꞉ken nateriiósera tsahiakononhterá꞉ne ne Gibeah?

Hosea 4:9

Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Hosea 5:8

Sewatátist nonákare ne Gibeah nón꞉we, ne iohonrawátsta Ramah ne nón꞉we nasewatátist. Sewatátsist ne watewenhnót꞉tha ne Beth-aven nón꞉we; ionsasewatkáto ne sewashón꞉ne, Benjamin!

Hosea 7:2

Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 9:8

Ne rotokénhse ne roterihwanikonrará꞉ni náke ní꞉io tsi nokwáh ne Ephraim, ethosà꞉ne notsì꞉ténha tesakonikararánis kwáh tió꞉konte rahoháhake rón꞉nes, tánon wateriwatsáton ne Raononsatokentikó꞉wane ne Raoní꞉io.

Zephaniah 3:7

Waʼken, “Orihwiiohón꞉we tsi kwáh ensetkweniénstake tánon enshéna naká꞉wenk ne tiakohaharáhtha. Káti iáh tahonatsiatʼse tsi nón꞉we nihatinákere akwé꞉kon nienhatiié꞉na tsi nahoʼténhsons káhi ne rononhà꞉ke.” Ók iostó꞉re tsi wathatí꞉taʼne tánon iahontashónteren wahatirihwahetkénte akwé꞉kon tsi nihonatiéren.

Judges 19:12

Ók né rahiatakweʼní꞉io wahénron, “Iáh thóh thatahitewáthaʼne ne tsi kanatowanénhke tsi nónhwe nonhkweshón꞉as iáh Israerʼró꞉nons tahatihiathóten. Entewathohétsthakwe tánon osthónha ísiʼnióre shé꞉kon nientsítewe tánon thóh nónhwe ientewasonhtí꞉iake né꞉ne Gibeah khés ne Ramah.”

Judges 19:16

Tsi nikaríhwes thóh iehónhnes, roksʼthénha thóh rothohesthonhátieʼne rawenhniseraʼierihthonʼhátie ne tsi ieientʼthótha rohióteʼkwe. Kwáh ká꞉nionk tsi nihahiatóthen né꞉ne tsi iononhtarónhnions kanakerasehráien ne Ephraim nónhwe nihéntheron, ók ónen Gibeah nónhwe nisanákere. (Nó꞉ia onhkweshón꞉as né thóh nónhwe nihatinákeres né꞉ne tsi rathitsókwahien ne Benjamin nónhwe nithoʼnénon.)

Judges 19:22

Kwáh í꞉ken tsi ronathonhnáhere kwáh thonthahiawénhstsi thó꞉ka nihionkwétakes ne kenhtésehra ronatenikonhrahetkénhton wathonwatiʼnonhsanáke tánon tahontásawenh wahatinoháhiake. Wahonwénhase ne roksthénha, “Tatʼtsiatínekenf tí꞉ken rónhkwe ne thatsaténhawe! Tehionkwahthonhontsóni ne rahónha skát꞉ke ahiakwahtenikonhró꞉ri”

Judges 20:43

NʼIsraerʼró꞉nons né tehontátʼtsons wahonwanaterísthaien, tánon kwáh iáh thatehatítas tsi wahonwatísehre kwáh tsi nióre ne tsi hiothónhniate ne Gibeah, sakotinonhwariakonhátie tsi nahonenonhátse.