Hosea 9:4 - Ohiatonhseratokénti

⁴ Kwáh iáh tahontahatinekáweron nonenharákeri nahatinekí꞉ra né꞉ne ahonwatatʼtse ne Roiá꞉ner, tánon tsi nikonwanateskontʼtha kaʼtshé꞉nens iáh ne thahonwanikonhrí꞉ioste. Ne ní꞉ioht tsi wateskónte kwáh thóh nenhiotónhake kwáh né꞉ne iakotsionhniónkwen akonà꞉taro í꞉ken; tsi nihiá꞉kon né꞉ne énhieke kwáh kí thenhiakoiatatiónhne; asè꞉ken ne raotinátaro ne khók enkénhake ne tsi ronhtonhkáriaks; tánon kwáh iáh tehiówenk nahontahónhne ne Raononsatokentikówahne ne Roiá꞉ner.

Hosea 9:4 ပူးပေါင်းရင်းမြစ်များ

Exodus 29:40

Nentʼthatiérenhthe teiotinakaronhtónʼa rátsinn owíra né tasehwáhest tekakonhtseráke né꞉ne kwáh katʼthesehríio onátsia né thakaiésthonke skatshétha ne aóskon iakenhiewátha kènhie. Skatʼtshétha ne onenharataʼsehontsherákeri tekaiésthonk tsi entisewáiesthe.

Exodus 40:23

tánon thoʼwaharen ne kanátaro né꞉ne Roiá꞉ner ahonwátatʼtshe, kwáh kíʼ tsi nihotenhnáhon ne Roiá꞉ner.

Isaiah 57:6

Tsi nón꞉we ne tsi tioʼnitstenrakwahríshion nahonrákwahkon thóh nón꞉we nisathaterakwénhni; né꞉né sakwenhkʼónwe í꞉ken; thóh tasnekawéron tsi né washétatʼtse tsi washeʼnekánonte, thisá꞉ha nonátsia né tásheste. Kwáh ká꞉ti kén né skénnon ahonkón꞉ni kí naorihoténhsons?

Isaiah 66:3

Ónhka akénhake nahononwarhiá꞉kon né tionhnónskwahron teonákares tsi ní꞉ioht náh né nón꞉kak wahonthatenonwarhiá꞉kon ónkwe; ónhka akénhake nahionteskónthen né teiotiʼnakaronhtónha owí꞉ra, tsi ní꞉ioht náh nónkak watonwaniá꞉rhiake éʼrhar; ónhka akénhake nahontahiéhaʼwe onátsa ahontahiéiesʼte, kwáh né꞉ne ónhkak tahiéiesʼte kwésʼkwés onekwénhsa; ónhka akénhake né arónhniaʼte né iontatehiarastákwah tsi ahontahá꞉ieste né kanetanó꞉ron, akwáh thóh ní꞉ioht né nónkak kaiatónhni akonwaiataʼtérisʼte. Né kí꞉ken né akahónha iakotaterakwénhni tsi nihieweienhnó꞉tens, tánon thóh raonatehenserákon ronatonhnáhere;

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Jeremiah 6:20

Nahó꞉ten katsteristhákwa ne wenhnekeráhkon tionhkhawitenni ne Sheba nónhwe, ó꞉ni ne iekhwá꞉konhonsthákwa ne ahinónhson nióres tionhontsiaténion? Iáh thatiéna ne rahonahthatawítsheras iáh ó꞉ni tahonkherientí꞉io ne rahothiriwiʼiosehokónhas.

Ezekiel 24:17

Tó꞉sa iakoʼthónthen tsi nahteshasénhtos. Tó꞉sa sanonhtsistós꞉konk tikénhak tó꞉sa ó꞉ni saskawetós꞉konhk kenhak né꞉ne awénesthe tsi satʼtshónhnion. Tó꞉sa sehró꞉rok ne skonhsáhke tó꞉sa ó꞉ni ne ísek tsi nahóten ne ronhtsiónhnions rónhneks.”

Ezekiel 24:22

Ethòne étho nenhsehwáhiere tsi niwahtiéren. Kwáh iáh tahisehwahróhrohke ne sehwakonhsákes iáh ó꞉ni tahísehwake ne kákʼkhwa ne rónhneks ne ronhtsiónhnions.

Daniel 1:8

Daniel wahatenʼnikonhrí꞉sa tsi iáh thahataterenʼnháten ne thatahatatiaʼtáʼtsonhste nahráksheke ó꞉ni nahahnekírhake ne otsì꞉tsa tsi eʼthó꞉ne nihatiweiennò꞉ten ne Babylonia ne tsi tehatí꞉iaʼks ne Sitaeró꞉non raotiianerénhsera, sók ki Ashpenaz wahoriʼwanóntonhse ne aʼhoié꞉nawaʼse ne tóhsa thé꞉nen tahatatiaʼtáʼtsonhste tsi nikakò꞉ten aʼréksheke ó꞉ni nahahnekírhake.

Hosea 3:4

Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim.

Hosea 7:16

Iehotikontákwen ahè꞉ren rohʼnhéton nakonhà꞉ke; thóh nihotiiatawénhon tsi ní꞉ioht ne iohennát꞉senhen; ne rahonnonkweʼtashónhas ronaterihóntons asareʼkó꞉wa enhotirió꞉te tiorì꞉wa tsi nihonnenhnasáktsen. Thóh nihió꞉son ne tsi nihatirihwakátats ne tsi ionhontsá꞉ien ne Egypt.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Joel 1:9

Nonátsa tsi nitseiéstha tánon ne ienekirá꞉tha tsi nitseiéstha karihwatón꞉ton ne thóh raononhsatokentikówane ne Roiá꞉ner. Ne ratitsihénstatsis ne teonwarihwásniese ne Roiá꞉ner ronatsiónhnion.

Joel 2:14

Ónka iakoteriéntare Tó꞉ka ken tentʼre, tánon roʼien ne kahiatateríhtshera ne raoná꞉ken, noná꞉tsa tsi nitieiéstha tánon ne ienekirá꞉tha tsi nitseiéstha né꞉ne Roiá꞉ner, sah Ní꞉io raorihwà꞉ke?

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.

Leviticus 21:17

nahoró꞉ri ne Aaron, “Iáh ónhka tsi nienhsatwatsiríhne né iáh tieiehiathaiéri thahónton nahiotátʼtshe ne ká꞉khwa. Né kí꞉ken tsi nénhwe thóh nenhiotónhake.

Leviticus 21:21

Iáh ónhka ne Aaron tsi nienhatwatsiríne né iáh tiehatiʼhiathaiéri thaʼhónton nahionktátʼtie ne ká꞉khwa.

Leviticus 21:6

Ónenk tsi enhohiathatokenhtíhake tánon iáh tehiówenk nahatsenhnátsaʼte. Ne Ká꞉khwa rakthátis, tánon káti ónenk tsi enhohiatatokenhtíke.

Leviticus 21:8

Nonhkweshón꞉as ónenk tsi thóh ní꞉ioht tsi enhonwananonhthónhnionʼse ne ratitsihénstatsis tsi rotihiathatokénti íken, tsioríhwa tsi rahónha rakʼthátis ne ká꞉khwa. Í꞉i ne Watiá꞉ner; Watiathatokénti tánon Í꞉i kheʼhionhniénhnis naʼkonhkwetaʼshón꞉as nahononhkwetathokenhtíke.

Amos 5:22

Iawerohátien tsi takwahtá꞉ti ne tsi sewateskóntʼtha tánon nonátsas tsi nitisewaiéstha, kwáh kí iáh thatié꞉na; tánon tsi nitisewaiéstha ne kwáh ionatakarí꞉tes ne ietsiiarehsénston sewatsenenhó꞉kons kwáh kí iáh takhehiatkáto.

Malachi 2:13

Tánon ne kí꞉ken ní꞉se ne kwáh tho nihshiéhrha: Sakáhseri skoharohsonniá꞉tha tsi ratsenhahráhkhwa ne Roiá꞉ner, tehsahsènthohs tánon sonhséhnha tiorí꞉wa tsi iáh ó꞉nen teshaié꞉nas tsi nahó꞉ten etstá꞉tis nahawerienʼtí꞉iohste tsi nitewéhtha ne sahtsaʼnà꞉ke.

Numbers 19:11

Tsi nihiákon nienhieiéna nawenheiónhtha kwáh tenhiakohiataʼtsionhtónhake né꞉ne tsáta nónhta nikaríhwes.

Numbers 28:2

nasakorihónhnien NʼIsraerʼró꞉nons nahonthahonwawísehke ne Rawenni꞉io kwáh wató꞉ken tsi nenhkaháwiʼke né꞉ne kákhwa tó꞉kens iahióntkaʼwe né rawerientiʼiostákwah.

Numbers 4:7

Tánon naʼthekwahráne orón꞉hia niwaniataró꞉ten enhatiʼróroksʼte né tsi kanátaro entʼthónhnion ne Roiá꞉ner tánon akerát꞉ne enhatirónʼhnion, ne kanetanóron waʼterákwas, ne iewistaʼrohrókstha, tánon ne katsheʼsónhas notsítsias watʼnekarákwas. Kwáh kíʼ tiókonhte ne kanátaro tsi atekwahráne enhkárake.

John 6:51

Ii ne kanatarok ne ionnhe, nehne karonhiake nitiaȣenon; toka onkakiok neh enhanatarake henronnheke onȣe, nok ne kanatarok nenthiion neh nakȣa ii akeȣaronk, neh oni ne kheiaȣire naiakonnhekȣen nonkȣe okon.

Deuteronomy 26:14

Iáh thahó꞉ten tewakékon ne siwakaʼtión꞉nion; iáh thahó꞉ten tewatsiakén꞉en nakenónhskon nó꞉nen ne kwáh í꞉ken sahtewatiathátion; tánon iáh ó꞉ni thé꞉nen tethewatiéston tsi nokwáh ne iakawenhé꞉ion aoriwá꞉ke. Konhwenhnarákwen, O Saiá꞉ner; kwáh akwé꞉kon é꞉tho niwatiéren tsi nisetró꞉ri tsi nokwáh ne ahontaiéiesthe noieríhaton iéken.