Hosea 8:7 - Ohiatonhseratokénti

⁷ Asè꞉ken nowé꞉ron ahatiiéntʼtho, tánon kwáh kí ne enhatiientʼwáko ne tekaweratá꞉ses. Nonátsia kaiénthon iáh othé꞉nen tehionatsóhare, iáh othé꞉nen takatheseronhní꞉hake; tó꞉ka thé꞉nen ahontakáhawe, thiononhontsá꞉te nenhné꞉e enhontekwí꞉sa.

Hosea 8:7 ပူးပေါင်းရင်းမြစ်များ

Genesis 41:23

tánon ne tsá꞉ta kenʼk nikanátsaʼs, iostáʼthen, kenʼk ní꞉waʼs, tánon ne waʼakotiaʼtátshaʼahte ne nà꞉kon nitiowerénha, thóh sakanenʼón꞉ten;

2 Kings 15:19

Né Tiglath Pileser, né rononti꞉iokwe ne Assyria nón꞉we, waʼshakonenhrénhten Nisraeʼró꞉nons, tánon ne Menahem tsáta-niwásen iá-iak nikakontseráke kawistaráken wahá꞉wen né nahónton nahontahó꞉ne ahosastenhseraiénthaʼne ne Menahem akwékon ne tsi kanakeraseráien.

2 Kings 15:29

Kwáh tsi nikaríhwes ne Pekah ronnontí꞉iokwe nètho Tiglath Pileser, né ronhnonhtí꞉io ne Assyria, wahatiénawaste ne kanatowánens ne Ijon, Abel Beth Maacah, Janoah, Kedesh, tánon ne Hazor, ó꞉ni ne raoʼtinakeráseras ne Gilead, Galilee, tánon ne Naphtali, tánon Assyria niashakoiatenháseron nonkweʼshón꞉as tsi ní꞉ioht ne ratinótons.

Job Tánon ne Raoronhiakensera 4:8

Tsi ní꞉ih niwakatkáton, tsi nihiá꞉kon né꞉ne ietarakaráthos ne karihwanéren tánon ne ieiénhthos ne karihwakathéntshera kwáh ne saorì꞉wa tsi sathihientkwáhkwas.

Proverbs 22:8

Tókaʼ wahétken tsi nenhsheiatié꞉raʼse nonkwehshón꞉ʼa atkarónnia kiʼ ensehshienthó꞉ko, tánon enwató꞉kten ne nónhka akó꞉ren ahsheʼwíshaʼte.

Ecclesiastes 5:16

Kwáh iáh tetkariwaiéri! Éhren entsítewete kwáh kíʼ tsi ní꞉ioht tsi tsionkwatawehiá꞉ton. Hionkwahióte, tewahnikonhrahráhtie tsi iahó꞉the, tánon nahó꞉ten entewahiéna?

Isaiah 17:11

thóh sá꞉ne wasehiónhnien nakontehiáron né꞉ne sahennísera sahshiéntʼtho, tánon wasehiónhnien ne takontiʼtsitsanékare ne sahoronhkhétshera sahshiéntʼtho; nék kik saka tsi niʼieientwáhkwas kénk tsènhwe ne wenhniseráte nahiakonikonrák꞉sen tánon ne iáh tetieiewénhtas kanonwakthéntshera.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Isaiah 66:15

Asèken né Roiá꞉ner kwáh otsirá꞉ke nón꞉we néntre, tánon né raósere notsiónkwah kwáh né꞉ne iotsiskahionhnihátie teioweratáse, né nahonsahaʼkárhiakʼte né raonhakwáhtshera tsi nihonhakwénhen, tánon né raoʼtewenhnaienhtónhtshera taiotonkótatse ótsire.

Jeremiah 12:13

Nakonkwetashón꞉a onátsa wahatiʼiéntʼtho, ók kahontátsen wahathiʼientʼtwáko; wahathironhiáke tsi wahothihióten, ók iáh kíʼ thènen tsatehionénon. Ne wakarihónni tsi niwakenakwénʼen ne raothiʼientʼthótsera kwáh wakaiésah.”

Lamentations 5:2

Nonkwaientátsera thóh non niʼiothaténron rahtisnonsáke neh kénk titʼthoʼnénon; thihononwéntsates onkwanonskónson rathiterónton.

Hosea 2:9

Ne kí aorì꞉wa kwáh kí iensekʼkhawe nakenátsias ne nenhkahá꞉wike, tánon natké꞉na onenharákeri ne tsi nienhkáhewe; tánon kwáh iesétkawe nakenonhwérons tánon nakeniatarahashón꞉as, tsi ne ahós꞉ton nahioteró꞉ronhke tsi aonotstóskon tí꞉kenhne.

Hosea 7:9

Thiononhontsá꞉tes ronwashatstenhserakénhnion, ók iáh ki teoterièn꞉tare; taʼkenhróhkwa onónhkwis watonreniá꞉te rahonhà꞉ke, ók iáh kí teoterièn꞉tare.

Hosea 9:16

Ephraim iotrewáton, nahoteraʼshón꞉as iostatʼthénhen, kwáh iáh tahonsonhianihiónten. Iawerohátien tsi iakawenhnakerátsta, kwáh kí enkhenonwarià꞉kon ne kwáh tsakonorónhkwa tsi nihowiraientáhon ne tsi watewiraráhkwa nitsawé꞉non.

Nahum 1:3

Ne Roiá꞉ner roiaʼtakenhé꞉ion nahonáhkwen ók roshatstenhserowá꞉nen, tánon ne Roiá꞉ner kwáh iáh ne thakarihón꞉ni nasakoiatothároh iakoní꞉kon. Tsi nihaweienó꞉ten thóh nón꞉we niká꞉ien tsi niwatsiskaionhniá꞉tha tánon tsi natekawé꞉ratases, tánon tsi nihiotsatarónhnions ne ne tsi niioienkwárote ne rashí꞉take.

Haggai 1:6

Wé꞉so sewaienthóhsheron, tánon kenʼk ní꞉kon sewaienthó꞉kwen; tesewatská꞉hon, ók iáh kí nonhwén꞉ton tiatesewaié꞉rihse; sewanekirenháties nonenhará꞉keri, ók iáh nonhwén꞉ton tesewaniataná꞉wens; sewathatanawénston, ók iáh kí ónhka teiakohiaʼtarí꞉hens; tánon í꞉se ne sewanhá꞉tsheras tsi natesewathentiáhas kaiará꞉kon sewatáhas iohiarakà꞉ronhte nenhʼné꞉e.

Galatians 6:7

Tóhsa sewatatenikonráh꞉ten; iáh ónhka tehonwanonwarorithónnis ne Rawenni꞉io. Kwáh neh ensheʼsientʼtwáko tsi nahoténsons saiéntʼton.

Galatians 6:8

Tóhkaʼ thoʼnónwe nen tsiéntho tsi kahétaien ne kariwakʼsénʼke, tsi neh ensanitonniónnen nahsientʼtkwáko ne kenhéiat; tóhkaʼ thoʼnónwe nen tsiéntho tsi kahétaien ne tkariwaiéri, neh tkariwaiéri neh entʼkaháwithe nasientʼtwáko ne ionnheónwe.

Deuteronomy 28:33

Thiʼiakahóntsate akwé꞉kon ieniéhawe ne saienʼthótsheras né꞉ne tsi nisaronhiakén꞉en ne saièn꞉thon, ne tsi iáh othé꞉nen thashié꞉na ók ienhiokonhthákwen ensharonhiakénhake ó꞉ni enieshateniakatstà꞉tie.