Hosea 7:9 - Ohiatonhseratokénti

⁹ Thiononhontsá꞉tes ronwashatstenhserakénhnion, ók iáh ki teoterièn꞉tare; taʼkenhróhkwa onónhkwis watonreniá꞉te rahonhà꞉ke, ók iáh kí teoterièn꞉tare.

Hosea 7:9 ပူးပေါင်းရင်းမြစ်များ

2 Kings 13:22

Né Ronnontí꞉io Hazael ne Syriaʼne waʼshakoronhiákente Israerʼró꞉nons tsi nikaríhwes ne Jehoahaz ronnontí꞉iokwe,

2 Kings 15:19

Né Tiglath Pileser, né rononti꞉iokwe ne Assyria nón꞉we, waʼshakonenhrénhten Nisraeʼró꞉nons, tánon ne Menahem tsáta-niwásen iá-iak nikakontseráke kawistaráken wahá꞉wen né nahónton nahontahó꞉ne ahosastenhseraiénthaʼne ne Menahem akwékon ne tsi kanakeraseráien.

Proverbs 23:35

“Kwáh í꞉kehre oʼthé꞉nen ónhte tewakkwáhton,” enhsì꞉ron; “Í꞉kehre ónhkaʼk ionkerióhshion, iáh kiʼ teké꞉iahre. Oh nekén꞉ʼen nontié꞉ren tsi iáh tétieʼs? Teiotonhwentsóhon shé꞉kon naonsahknekí꞉ra.”

Isaiah 1:7

Né shonhontsáke watónthon, ne sewanatowáhnens ótsire iotenatatʼtsahátons; kwáh tshiaʼtesewahkanerónhnion, thihononhontsátes wahontekwísa tsi niʼtkánios ne tionhontsá꞉kes. Watewenhtéton, tihononhontsáte rotitakʼsáton.

Isaiah 48:8

Iáh nonwénhton tesehwahrihwáronhke, iáh nonwénhton tesehwarihwaientérikwe, Tsi niʼtsiotásawen norihwakáion né sewahontakéshons iáh teiotenontónkwenhne. Asèken wakateriéntaraʼkwe ní꞉se tsi iáh tahiʼsewariwatokénhake, tánon kwáh shontesehwanákerate shiʼietsinatónkwah sehwarihwanón꞉we.

Isaiah 57:1

Né tionkweʼtaiéris ronhnihé꞉ions, tánon iáh ónka othé꞉non tehionsterístha; né rotirihwiʼióstons iehonwatiʼhiathénha, tsi ná꞉he iáh ónhka teiakonikonraiéntas. Asèken ne tionkwetaiéris tsi tiontatsatón꞉ne tsi nó꞉kwah nateraswakʼsénhtshera,

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Hosea 8:7

Asè꞉ken nowé꞉ron ahatiiéntʼtho, tánon kwáh kí ne enhatiientʼwáko ne tekaweratá꞉ses. Nonátsia kaiénthon iáh othé꞉nen tehionatsóhare, iáh othé꞉nen takatheseronhní꞉hake; tó꞉ka thé꞉nen ahontakáhawe, thiononhontsá꞉te nenhné꞉e enhontekwí꞉sa.