Hosea 7:6 - Ohiatonhseratokénti

⁶ Asè꞉ken ó꞉nen ronwatitsiró꞉tani kwáh tsi ní꞉ioht ne iontenatarontáhkwah, kwáh thoneriasatétas; asonhtakwé꞉kon ne raotinakwáhtshera tehiorihénʼen; noronhkè꞉ne wathonateranekará꞉se watewanitonkó꞉ko.

Hosea 7:6 ပူးပေါင်းရင်းမြစ်များ

Psalms 21:9

Kwáh éhʼtho ní꞉ioht tsi ensahkó꞉thonte tsi ní꞉ioht ne kwáh tehiotsienhanón꞉hiani ne nakwé꞉kon waʼtsahátha nó꞉nenh enhathotási. Né Roiá꞉ner raonakwatierákon tsi iensakotiatanékwane, tánon ótsire enhiakotsatátʼtsahate.

Proverbs 4:16

Rotirihwanerenʼákskon iáh thahatikwé꞉ni nahotí꞉taʼwe tsik thé꞉nen nenhóntiere ne iáh tetkariwaié꞉ri. Ratiiaʼtión꞉ni tánon iáh tehotí꞉taʼs ne tsi iáh ónhka tehshakotikarewáhton.

Hosea 7:4

Kwáh ratikwé꞉kon rontenakwahiesá꞉tha; thóh nihatiiatóten tsi ní꞉ioht ne tsi iontenatarontáhkwah ne watarihá꞉ton, né sakonataronhniénhni iáh tatehiotonhontsó꞉hon tahatsirawénrie, tsi enthontáhsawen enhontesehrónhni kwáh tsi nió꞉re ienwathénko.

Hosea 7:7

Ratikwé꞉kon thóh nihotiiatatarí꞉hen tsi ní꞉ioht ne iontenatarontáhkwah, tánon wasakonarónhtate ne rahononkweʼtashónhas ratikorá꞉shons. Ratikwé꞉kon ne raotinontí꞉ios ronwatinonwariá꞉khon; iáh ne saiá꞉ta tethakená꞉tons.

Micah 2:1

Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.