Hosea 7:2 - Ohiatonhseratokénti

² Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

Hosea 7:2 ပူးပေါင်းရင်းမြစ်များ

Job Tánon ne Raoronhiakensera 34:21

“Asè꞉ken teshakokanerónhnion tsi nihatiweienó꞉tens nonkwehó꞉kons, asè꞉ken akwé꞉kon ratkáthos tsi natehontekhahákwa.

Psalms 10:11

Í꞉rehre, “Né Rawenni꞉io iáh othènon tehatsterístha, rotkonsahséhton, iáh nonwénhton thatehakánere.”

Psalms 25:7

Saskenikónhrens nakerihwanerahák꞉tsera ne sitewatiónha ó꞉ni tsi naʼtewakaterientawén꞉rie; né entsoianénhawe ne sáwenk iorihwatóken kanoronhkwáhtsera tsi takehiárak, asèken né tsi nisahiánere aoríhwa, Ó Saiá꞉ner!

Psalms 50:22

“Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Psalms 90:8

Sahénton wáʼshien nonkwahrihwanerahák꞉tshera, Iáh nék khók tsi takwáhkens nó꞉nen enhiakwarihwánerake, kwáh kíʼ ó꞉ni takwáhkens nó꞉nen ne ioterihwaʼsétonʼke nón꞉we nenhiakwarihwáʼnerake.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Isaiah 44:19

Iáh ónhka tateiehiatoréhtha, khés nakaiéntake natʼthokhátshera khés ne kanikonhraientátshera nahonhníron, “Asénhnon otsiràke wakatsʼtsaháton; kwáh ó꞉ni wakatenatáronte naoswenhtàke, wakatéskonte nowáron tánon wakèkhon. Nón꞉wa né kén akónhniaʼte ne karihwaiesátshera? Kwáh kén akatsiatséʼnenhte ohénton ne tsi kakonre:tsaien?”

Isaiah 5:12

Rotinowahién꞉tons ne ne, kén nikanakwá꞉as, ó꞉ni né ohoró꞉ta ionhterenhnotákwah tánon ne otsítsa, ók sanontonhniónko nètho ne raohioténseras ne Roiá꞉ner, khés nasatʼkátho naohioténhseras ne ratsanákes ioriwakanonhníhon!

Jeremiah 14:10

Ne Roiá꞉ner ráton tsi nòkwah kí꞉ken onhkweshón꞉a, “Rohnonhwésʼkwahni nahionkwahtékwahse, ó꞉ni kwáh iáh tahonthahontaʼtheniaróh꞉tahrohke. Káti kwáh iáh othènenh tewahkerientí꞉ios tsi nòkwah ne rohnónha. Kwáh enkehiárahke ne wahétken tsi nihonahtieráhnion tánon enkheréwahte tioríhwa tsi nihotirihwáhneren.”

Jeremiah 16:17

Akwékon katkáthos tsi nihontiérah. Kwáh iáh othènen tehiothaséhton nakonháke; ne rahotiriwahneraháktshera iáh tekaniá꞉kens tsi tetkánereh.

Jeremiah 17:1

Ne Roiá꞉ner ráton, “Nonhkweshón꞉a ne Judah nónhwe, ne sewariwahneraháktshera ne kahiathónkwen ne kwáh iohiothí꞉ie karísthatsi, ne ne kwáh kahiothí꞉ie sewerhiáne nónhwe nikahiathónkwen tánon né nónhʼne wahkarahtakwáthon ne tsi tekahiosahkérons ne tsi sehwahtienharáhkwahs.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 32:19

Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Jeremiah 4:18

Judah, kwáh iasatátkwahse ne tsi ní꞉ioht tsi sonnhétieʼne tánon tsi nikarihoténsons tsi nishatieráhnion. Sahriwahneraháktshera kí꞉ken éhtho nahkásah ne karonhiakénsehra; kwáh wahthisehrhiasháwehesthe.

Jeremiah 44:21

“Ísehwehre onhtèken ne Roiá꞉ner iáh tehoterienthárahkwe nètho níse tánon ne sewahsotʼtsherahokonhkénʼen, ne sewahnonhtiʼiotsheraʼókon tánon ne ronahterihóntons, tánon nonhkwetaʼkwékon tsi konhwahtsiaʼhatenhníhaʼkwe ne wenhnekeráhkon ne kahiatónhni ne tsi kanahthaʼiéntons ne Judah ó꞉ni ne tsi tekanahtokénhaton ne Jerusalem?

Ezekiel 21:29

Ne iotasahtharónhnion satʼkáthos iáh toskeʼtèken, tánon ne iekariwáhken sonhniánions oʼnhówenh í꞉ken. Shonkwetaheksʼsénhskwa tánon senhtátsen, tánon ne senhnísehra táhwe, né nenhnísehra ne nohnahkènhkha ne karewahthá꞉tshera. Nasarekówah sehwaniárahke entewáhsenhne.

Hosea 12:2

Ne Roiá꞉ner ró꞉ien nasakorihwáro ne Judahró꞉nons; tánon ó꞉ni enhoré꞉wate ne Jacob ne entsoianénhawe tsi nihaweienó꞉tens, tánon ne enshokariákten tsi nihahiothenseró꞉ten.

Hosea 4:9

Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Hosea 6:2

Tsi nió꞉re ne tewenhniserakéhaton rahónha enshesonhtiónnhete, nasénhaton nenhwenhniserakéhaton rahónha thenshesonhkwáhtaste, ne nahónton rahonhénton ahitiónhnheke.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Amos 8:7

Ne Roiá꞉ner, né꞉ne raónha nʼIsraerʼró꞉nons raotikwenienstátsera í꞉ken: Orihwiiohón꞉we kwáh iáh nonhwénton tsiahonsonkeʼnikónren tsi nihatiweienhnó꞉tens.

Jonah 1:2

Wahén꞉ron, “Nineveh nón꞉we niahá꞉se tsi tkanatowá꞉nen, tánon iaʼserihoʼwanáhten ne atiaʼtorehtáhtshera sheiatkón꞉ten; tiorí꞉wa tsi kattókas tsi nihonnonkweʼtahétkenʼs.”

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Luke 12:2

Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.

Hebrews 4:13

Kwáh iáh thahóten thaónton nahotashéten ne Rawenni꞉io; kwáh tsi nahoténshons ne kashahánion tehkatakwahríhton ne raohénton. Tánon rahonhà꞉ke nón nihionkwahteriwahiénni akwékon entiohétsthe tsi nahionkwahtiéren.