Hosea 6:7 - Ohiatonhseratokénti

⁷ Ók Á꞉tonion꞉ke nón꞉we nathatí꞉iake naterihwaseronhniá꞉tshera; thóh nón꞉we nahonterihwathéntiate nahionkeʼnikonhráthen.

Hosea 6:7 ပူးပေါင်းရင်းမြစ်များ

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Hosea 5:7

Tsi nihonatié꞉ren iáh tehotirihwathó꞉kenʼne rahonhà꞉ke ne Roiá꞉ner; asè꞉ken tsi sakonanahkerátston ne ratitsaokónhas iáh kaianerenhseratè꞉ken ó꞉nen kí norákwahse kwáh enhiakotónhte skátne ne kahentà꞉kes.

Job Tánon ne Raoronhiakensera 31:33

tó꞉ka wakehró꞉ron nakerihwaneraháktshera tsi ní꞉ioht ne ronátiaʼkes tsi wakaséhton nakerihwaneraháktsheras thóh kenskwé꞉nakon,

Genesis 3:11

Waʼhén꞉ron, “Ónhka iesahró꞉ri tsi sanéhoskonk thí꞉ken? Wahshá꞉iake kenh tsi niká꞉ien ne konhró꞉ri ne tóhsa ahsá꞉iake?”

2 Kings 17:15

Iáh tehonatʼthontháton nahonatewenhnaráhkwen ne rahorihonhnienhnítseras, iáh tehonatsenawáston ne kaianerénhsera tsi nihó꞉son skát꞉ke ne sakotisokʼthonkonhkénʼen, iáh karíhwa tehonnónhni tsi nishakoronhkaténhniskwe. Né wakonwasénhnaien ne iáh othènen tekariwásthas kaiatonhnisónhas tánon ronón꞉ha ó꞉ni iáh othènen teshatirihwásthakwe, tánon ne rahtísere tsi nihotiʼianerenserótens né aktóntses ratinakerénion, iáh tehonwawenhnarahkwenhátse ne Roiá꞉ner tsi nisakoróri ne tó꞉sa tahontahonwatinákeren.

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Hebrews 8:9

Kwáh iáh thóh tahiothónhake tsi niʼiohthónʼne ne kahianerensehrakáion tsi niwákson tsi naʼtehiakwáhtereh ne sathiʼtisoʼthonkonhkén꞉en nó꞉nen ne sonshaʼkhenentsí꞉ne tánon shaʼkhehiatinekénʼwe ne Egypt. Iáh tehotirihwahtókenne tsi nòkwah nahterihwahsheronniátshera ne khesenhénni, tánon káti iáh thènen tekhehiatahonshatáton.

Jeremiah 31:32

Kwáh iáh thóh tahiothónhake tsi niʼiohthónʼne ne kahianerensehrakáion tsi niwákson tsi naʼtehiakwáhtereh ne sathiʼtisotʼthonkonkénʼen nónen ne sonshaʼkhenentʼtsíʼne tánon shaʼkhehiatínekenʼwe ne Egypt. Ethosáne kwáh ne ne ahionkwahniákonhke ne roʼnónha, iáh tehonahtienawásthon nètho ateriwahsehronniátshera.

Jeremiah 5:11

Nisraeró꞉nonhs ó꞉ni ne Judahró꞉nons kwáh tohkénʼen tsi wahonkenikonhráhten. Í꞉ih ne Watiá꞉ner, wakatháti.”

Jeremiah 3:7

Wáhkeron nónenh kíʼ akwékon éthoh nihioieráhnion, orihwiʼiohónwe tsi í꞉ih nòkwah nahténthewe. Ók iáh thatetiawénon, ó꞉ni ne iáh tehioriwahthóken tiathatèkenʼa Judah akwékon iotkáhthon.

Isaiah 48:8

Iáh nonwénhton tesehwahrihwáronhke, iáh nonwénhton tesehwarihwaientérikwe, Tsi niʼtsiotásawen norihwakáion né sewahontakéshons iáh teiotenontónkwenhne. Asèken wakateriéntaraʼkwe ní꞉se tsi iáh tahiʼsewariwatokénhake, tánon kwáh shontesehwanákerate shiʼietsinatónkwah sehwarihwanón꞉we.

Isaiah 24:16

Tsi iehiotonhontsiotʼtaníhon ionkwát꞉tonhte ne karenhnasónhas ne kanonweratónhtshera, né꞉ne raoʼhiatanerakwáhtshera í꞉ken ne rotonhkweʼtakwahríshion. Ók káton, wakanikonrókten, wakanikonrók꞉then. Wakenikonrák꞉sens! Asèken ne ioteriwát꞉teron ne kén niekaiéra ne ioterihwát꞉teron, ne ioteriwát꞉teron ne kén niekaiéra ne kwáh í꞉ken ioteriwát꞉terons.

Isaiah 24:5

Ne tsi ionwenhtsá꞉te thóh káien iotaksénhen thóh ratiʼhiató꞉ron ne etʼienákere; asèken tekonwatawenhráti ne kaianerénhsera, tehotiʼiákon nateriwaseronʼniáhtsheras, tehotiʼhiákon ne tsi nènhwe akátake nʼaterihwaseronhniátshera.

Romans 5:14

Nók tsi nióre ne Á꞉ton tánon ne Mahís, kenhéion tsiakoniarotharón꞉ne ne onkwesónhas, iekaníhare tsi niháti ne iáh thotèhiot tsi ahotiriwáneren tsi ní꞉ioht ne Á꞉ton tsi iáh tehowenʼnarákwen neh Rawenni꞉io sahotsiawenrátʼtse. Ne Á꞉ton thóhwa tahonsakaieróntarake tsi nikáien neh táre.

Jeremiah 34:18

Ne ronahterihóntons ne Judah nónhwe ó꞉ni ne Jerusalem nónhwe, skátke ne kanonhtiʼiotsherákon ronahterihóntons, ne rotikháres, ó꞉ni ratiʼkwékon ne sakothihéntenʼse, ionkwahteriwahsehrónni tsi thóh nónhwe nenhonténti tsi nahtetsiátereh ne tehonwahiatsákhon ne tionʼnónhskwahron rátsinn. Ók kíʼ tehothihiákon nètho ateriwahsehronniátshera tánon iáh tehonatsenawáston tsi nikahriwahnónhtons. Káti thóh nenhkheiérahse kí꞉ken onhkweshón꞉a tsi nihonwahiérahse nètho tionʼniónhskwahron rátsinn.

Deuteronomy 31:20

Kwáh ki ienkhehiaʼténhawe ne tsi tiohontsarénhse ó꞉ni iohontsí꞉io, tsi ki nikhehiararatstén꞉ni ne shakotisoʼthonkonhkén꞉en. Thóh nón꞉we kwáh tsi ní꞉kon tehonathonhontsó꞉ni tsi enhothikwahiéntake, tánon ionhwénhsen tsi ní꞉ioht tsi enhonhnón꞉neke. Ók ki tenhontkaraté꞉ni nó꞉ia nihioʼokón꞉as enkonhwatishén꞉naien. Kwáh enhiontkénron tánon tenhatihiáke nakateriwaʼseronhniá꞉tshera,