Hosea 6:3 - Ohiatonhseratokénti

³ Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Hosea 6:3 ပူးပေါင်းရင်းမြစ်များ

2 Samuel 23:4

thóh ní꞉iot kwáh ne ne tsi nateioswát꞉te noronkéne, kwáh tsi ní꞉iot tsi tahiohrakwinekenhenhá꞉tsie kwáh iáh othènon teiotsatarónhnion norónhneke, tsi natehiokaráhiat nó꞉nenh iokennorenhserentá꞉hon éʼneken tsi kahentáien.

Job Tánon ne Raoronhiakensera 29:23

Wahonkaterá꞉rate tsi ní꞉ioht naotirá꞉reke nokenhnorésehra; watontská꞉raʼwe tsi niiokenhnó꞉ron ne kokwitè꞉ne.

Psalms 19:4

Kíʼ ó꞉ni naotiwénhna ohontsakwékon nitewé꞉tha, ó꞉ni nahotiwenhnaókon iehionhontióktha ne tsi ionwenhtsáte. Né tsi karonhiáte rothosehró꞉te ne kará꞉kwah aoriwáke,

Psalms 19:6

Tsi hiehioteronhiáte nón꞉we tewaʼthasháffa, tánon thenwaʼteronhiatáse; tánon iáh thá꞉hothen tehiothasehténhnis nahotharihénsehra ne (Rawenni꞉io) raoráhkwah.

Psalms 63:8

Kwáh akesastenhserakwékon tsi í꞉se koniatienawáston; tsi nikashásts꞉te ne sahtshanáke ne tewaʼkénes.

Psalms 65:9

Sehnéstha tsi natesehriwásnie ne tsi iohontsáte tsi tesahteniétha nokenhnorésera, kwáh í꞉ken tsi iawetowánen tsi nishanerástha; tesehiatʼkawénhnis nonkweshónha nonátsa, asèken né꞉ne kwáh í꞉se thóh nisahkwahthákwen.

Psalms 72:6

Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

Isaiah 2:3

Iakotsokowánenh éntsien tánon enhiaiéron, “Káts, áhnion thóh ietewanontáran tsi rotenontáhere ne Roiá꞉ner, ietewatáwehiat ne raononsatokentiʼkowáne ne raoní꞉io Jacob; ne nahónton nashonkwahrihónhnien tsi nihaweienótens tánon nahónton thóh nón꞉we nahitewaténhti tsi rohatátie.” Asèken Zion nón꞉we entkaiákenhne ne enkahénte ne karihonhnienhnítshera, tánon ne raowénhna ne Roiá꞉ner Jerusalem ne nón꞉we nénhtewe.

Isaiah 32:15

Tsi nió꞉re ne raonikónra ne Rawenni꞉io éhʼneken entkaiénthaʼkwe tsi entionkwahwerónhase, tánon ne iahonwenhtsiatʼthénhake ne iensewáton nahonsahkahetí꞉ione, tánon tsi nitsohetí꞉iohon karakonkówa ne iensewáton.

Isaiah 44:3

Asèken entewatnekónti ne ioniatʼtátʼtens ohóntsa, tánon enkahionhaténionhne thóh ne tsi iahontsiát꞉ten; Kwáh entkáweron nakenikónra rononhàke ne sehiohokónhas, tánon natiaʼtaterítsheras rononhàke tsi iensatʼwatsiríne.

Isaiah 5:6

Kwáh ne enkatonhontsatsesate; kwáh iáh tahontkwiraseronhníhake khés nahionthontháiake, tánon kwáh ne thentsoróhronʼke nonionhwáras tánon ohíktas; kwáh enkenane ne tsi otshataʼókons ne tó꞉sa ahonsaiórane ne thóh nón꞉we nihiokwénhraʼre.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Hosea 10:12

Ne sewathatsiénthos ne karihwakwahrihshióntsheras; ne sewaienthó꞉ko ne iorihwató꞉ken kanoronkwáhtshera; tesakenrawénhrie tsi nón꞉we nisatonhontsaserón꞉ni; asè꞉ken ó꞉nen iehióhe natsiatísake ne Roiá꞉ner, ne kí nahónton nahóntare tánon ne ahakenhnóreste ne karihwakwahrishón꞉tshera shón꞉hake.

Hosea 14:5

Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel; kwáh thenhatsitsanékare tsi ní꞉ioht ne katsitsará꞉kens, kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.

Hosea 14:6

Ne tehorenháron kwáh kí tenhwaré꞉ni; tsi nihatkatotserí꞉io kwáh né꞉ne iakeniewáhtha karón꞉ta, tánon tsi nirenhserá꞉kon kwáh né꞉ne Lebanon.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Micah 4:2

tánon kwáh iakotiohkowá꞉nen éntsien tánon enhiaié꞉ron: “Káts, ánion ietewanón꞉taran tsi thotenonhtáhere ne Roiá꞉ner, tsi thonónhtsote ne Raoní꞉io ne Jacob; ne kíʼ nahónton nashón꞉kwah rihónhnien tsi nihaweiennó꞉ten, né káti nahónton thóh nón꞉we naitewathénhti tsi rohathátse.” Asè꞉ken Zion nón꞉we nénhtewe ne raoianerénhseras, tánon Jerusalem nón꞉we ne Roiá꞉ner nihatá꞉tis.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Zechariah 10:1

Tsi seh wariwahnónhtons ne Roiá꞉ner nahiokén꞉nore ne kokwitè꞉ne. Roiá꞉ner seh thateniéhtha tsi nikanekarión꞉nion notsiátas ó꞉ni tsi iohtsatharáhties, ne nakwé꞉kon ahiakohianeráhsten ne kaienʼthó꞉tsheras.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Matthew 13:11

Tontasakoȣennaȣeron, ȣahenron! ne ki tsi ietsiiaȣi nise naeseȣariȣaienterhane ne karonhiakeka, nok ne rononha iah tehonȣanaȣi nahatiienterhane.

Luke 1:78

Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tkarakȣinekensta.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 7:17

Toka onka kiok enhonikonraierite, enhaienterhane ne kariȣatatsera; Katehsiken, niiohne kenh nitiaȣenon, toka ken ok ii tiȣakatennikonra tsi ȣaktare.

Acts 17:11

Neh nónwe, nonkwesónhas sénha ne rontenikonrakthókhas tsi ní꞉ioht ne Thessalonica. Kwáh thoʼthinikonrakontákwen tsi rontahónsahtats nateriwanothátsera, tánon kwáh niaʼtewenniseráke tsi ronteweiénstha noiatonseratokénti neh nahothithókenʼse tóhka kén thóʼkenske tsi nahóten ráton ne Kór.

Deuteronomy 32:2

Nakerihonhnienhní꞉tshera thóh ní꞉ioht tsi entewasénhne tsi ní꞉ioht ne iostharathénions nenhiokén꞉nore tánon thóh nenhiá꞉wenhne nonhontsà꞉ke tsi ní꞉ioht ne iohawé꞉ien. Nakewenhnahó꞉kons entewasénhne tsi ní꞉ioht ne iotsatharátses nenhionatstaraté꞉ni ne ohonwá꞉rahses, tsi ní꞉ioht ne skenénha tsi ní꞉ioht tsi iokenhnó꞉ron ne ohonthásehke.

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

2 Tiér 1:19

Ne káti ónen sénha ísinon nihionkwanikonraníron nateriwanothátshera tsi nihotirihowanháton ne rohtitokenséhakwe. Kwá íken tsi ensaianerásten thóka kwá ákta tsi ahsatennikonráren, tioríwa tsi kwá neh꞉ne kahásera teioswatʼthéton tsi tetiókaras tsi nióre iatenioswátʼthene noronké꞉ne tánon ne teioswátʼte noronkeʼnéha otsísto iateioswátteton ne seweriánes.

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”