Hosea 5:2 - Ohiatonhseratokénti

² tánon iosónhwes kashionhiónhni ne Shittim nón꞉we; ók kwáh kí ratikwé꞉kon tsi enkheréwate.

Hosea 5:2 ပူးပေါင်းရင်းမြစ်များ

Isaiah 1:5

Onhniʼiotsiéren ní꞉se tsi takonhniénhnis nakonhnonwenhsehrário? Ónh niʼiohtsiéren tsi iesakonhtákwen naskatkónten? Kwáh sanonhtsistakwékon thiʼtsioróhron tsi ióhto, tánon sehriasakwékon tsi iononwáktani.

Isaiah 29:15

Há! Í꞉se neh sarihwahséhton ne wahtenikonrón꞉ni só꞉tsi teionhó꞉tes ne raorihwàhke ne Roiá꞉ner, ne raotiʼioténhsera tsi tetiókaras nón꞉we ní꞉ken, tánon ronónha ne rónhton, “Ónhka hiontʼkhíkens? Ónhka nahionkhiʼienhtérihke?”

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 6:28

Kwáh rathikwekon rothinonhtsistahnirons ionkwetatʼsenhs, thóh nihionirons tsi ní꞉ioht ne otsínekwar nikaristhotens ó꞉ni ne karisthatsis. Rathikwekon kahetkenton, tehonahkwahtahsehatie tánon aktsioken tehonahreniá꞉thonhatie.

Hosea 4:2

Rontewenhnatsatánions, ronhnowenhtánions, tánon shonterihwatewatánions, tánon kanenskwátsheras tánon kanakwaiesátshera ioterihwathéntion; kwáh rotinekwenhsarónhnions.

Hosea 6:5

Ne káti aorì꞉wa kherontsá꞉kon rotitokénse nón꞉we nitsawé꞉non, Khenonwarhiá꞉khon tsi nitsawé꞉non owén꞉na ne tsitsaká꞉ronte, tánon nakerihwenhthátsera ohén꞉ton niewé꞉tha tsi ní꞉ioht ne teioswát꞉te.

Hosea 6:9

Tsi ní꞉ioht ne ratitnénskwas ratihiatakerón꞉ton rotiráhre nónhkak iatasakonanitiónhkwakwe, káti ne ratitsihénstatsis wahonhnitsiokón꞉ni; wasakonashetánion tsi niehiothahí꞉non ne Shechem, thahotirihóse tehiotenonhianí꞉ton tsi nonsahonterihwatewathánion.

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Revelation 3:19

Enkheiaʼtewenhnaién꞉tonhwe tánon enkheriónhnien tsi niiá꞉kon ne khenorónhkwa. Kwáh kíʼ tasewaʼnikonrakontakwénhak, ne aorí꞉wa, tánon sasewatatré꞉wat.