Hosea 4:9 - Ohiatonhseratokénti

⁹ Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Hosea 4:9 ပူးပေါင်းရင်းမြစ်များ

Proverbs 11:31

Nónhka tiakorihwaié꞉ri teniakoterihwaʼserákwahse kén꞉ʼen tsi ionhwentsá꞉te, kwáh ká꞉ti orihwí꞉io saterièn꞉tarak nónhka iáh tetiakorihwaié꞉ri tánon iakorihwanéren tsi eniontré꞉wahte.

Proverbs 12:14

Ne tkaiatawenní꞉io tsi nahò꞉ten tensaterihwaʼserákwahse tsi nahò꞉ten enhsì꞉ron tánon tsi nenhsátiere, ne enhshié꞉na tsi kiʼ nahò꞉ten tesatèn꞉tshon.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Isaiah 24:2

Tánon thóh kí nenhiáwenhne, kwáh satenhkatá꞉tonhke nonkwehhó꞉kon, ó꞉ni ne ratiʼtsihénstatsis; ó꞉ni ne rahnáskwah, ó꞉ni ne rahiatahkweʼní꞉io, ó꞉ni ne kaʼnhátshera, ó꞉ni nohén꞉ton iékate ne kanónskon; ó꞉ni ne ranínons, ó꞉ni ne ratkérons; ó꞉ni ne sakoníhas, ó꞉ni ne ronhwaníhas; ó꞉ni ne sakokaró꞉tanis, ó꞉ni ne rotkárote.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Ezekiel 44:10

Ne Roiá꞉ner wahakénhase, “Kherewáhthaʼne tí꞉ken Levites roʼnónha, skátke ne ronáhtsiakes nonhkweshón꞉ʼas ne Israerʼró꞉nonhke, hionkatewenhthéton tánon kahiatonhnisónhas konwasénhnaiens.

Ezekiel 44:12

Tioríhwa tsi ne wahonteriwahthéntsiate nakonhwathisénhnaien ne kahiatonisónhas nonkweshón꞉ʼa Nisraeró꞉nonhke tánon né kí꞉ken thóh ní꞉ioht tsi wahonwanahsárihne ne kariwanerahaktsheráke, Í꞉i, ne Wakenonhtí꞉io Watiá꞉ner, kwáh wakeriwahnírate ónenk tsi onkréwahthe.

Hosea 1:4

Tánon ne Roiá꞉ner wahawénhase, “Jezreel tienáhtont; asè꞉ken iáh takarihwé꞉sonhke kwáh enkheré꞉wate nonkweshón꞉as ne Jehu nón꞉we né꞉ne Jezreel raonekwénhsa entkarihón꞉ni, tánon kwáh ientsiástsi ne raotinakeráhsera nonkweshón꞉as Nisraeró꞉nonke.

Hosea 10:10

É꞉tho ne nakasnanektsherá꞉kon iakhehiatsatónhti ne tsi nihatiweienhnátʼsen nonkweshón꞉as ne nakheré꞉wate; tánon niakahontsakeró꞉nons enhionhnitsokwahró꞉roke niahonwanatiaʼtón꞉ti ne nó꞉nen enhonwatirewá꞉tonhke ne tsi natehionáne ne ratirihwaneraháktshera.

Hosea 12:2

Ne Roiá꞉ner ró꞉ien nasakorihwáro ne Judahró꞉nons; tánon ó꞉ni enhoré꞉wate ne Jacob ne entsoianénhawe tsi nihaweienó꞉tens, tánon ne enshokariákten tsi nihahiothenseró꞉ten.

Hosea 12:3

Ethò꞉ne tsi watewiraráhkwa wahateʼnién꞉ten ne tahonatákwen ne iatateʼkénha Esau, tánon ó꞉nen rónhkwe sihotónhon Rawenni꞉io wahiaterí꞉io.

Hosea 7:2

Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

Matthew 15:14

Roneronhatie; ne ȣahi ne tehatironȣekon, teieronȣekon sakonasharine: tokat teharonȣekon enhonenstsine ne teharonȣekon, tetsiaron ienniiatenne tsi teiontiakon.