Hosea 4:6 - Ohiatonhseratokénti

⁶ Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Hosea 4:6 ပူးပေါင်းရင်းမြစ်များ

2 Chronicles 15:3

Asèken karíhwes Nisraeʼró꞉nons tsi ronónnhekwe iáh tehatikwé꞉konʼne ne Rawenni꞉io, iáh tehotitsihenstaiénhthakwe nahonwatirihónhnien, tánon iáh ó꞉ni tehotiʼianerenhseraiénthaʼkwe.

Job Tánon ne Raoronhiakensera 36:12

Ók tó꞉ka iáh tahontahonsáthate, kwáh kí ne eniakótonhte nasareʼkó꞉wa, tánon tsi enhonhní꞉heie iáh othé꞉non tahotiién꞉tahke nathokhátshera.

Psalms 119:139

Nakenhakwáhtshera wahkatsiathatsahátha kwáh tsi ní꞉ioht nótsire, tsioríhwa ne iónkʼshons iáh othènen karíhwa tehonhnónhnis ne shá꞉tsiawenhráseras.

Psalms 119:153

Satkátho nakeronhiakénhsera, tánon tatsiatanónstat, tsioríhwa tsi iáh tewatkenrahtaníhon ne saianerénhsera.

Psalms 119:61

Ne ronhnonkwetahétkens watsionkanikará꞉rahke, ók iáh kíʼtewakenikonhrénhen ne saianerénhsera.

Psalms 18:27

Ne rotiʼiá꞉nere í꞉ken ní꞉se waséneste iateshiá꞉ti tsi sariwakwarí꞉shion, tánon ne tehonahtsiátʼton ní꞉se waséneste tsi sarihwaníron í꞉ken.

Proverbs 10:21

Tiakorihwaié꞉ri akowennaʼshón꞉ʼa wé꞉so eniakoiaʼtakéhnha nón꞉kwe, ók ní꞉se enhskwé꞉ni enhsatatenonhwarhiakon tsi nisanonhwaró꞉ri.

Proverbs 19:2

Tókaʼ serihwakaʼrí꞉tats nahò꞉ten iáh tshiekaié꞉ri tesaterién꞉tare iáh kiʼ teioiánere; tókaʼ iáh tesaʼnikonhrí꞉io tenhsaʼnikonhrhá꞉ren kiʼ.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 17:10

Asèken ní꞉se tsiatanikonhrénhen ne Ní꞉io ne ne sahiatakenátshera í꞉ken, tánon iáh tesèhiare nosténhra ne tsi sathasehtákwah; né kí aoríhwa, iawerohátien tsi ne saientʼthótons ne kahonwarí꞉ios tánon sakwahtakwenhátons ne kaiataterítsheras ne raotirihwákes ne tiʼononhontsátes niʼioʼokónhas,

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 28:7

Né ronón꞉ha ó꞉ni ne rotiréh꞉serons notsítsa tánon né tehotiʼiatakentón꞉kwah ne ionekaníron; ne ratitsihénstatsis tánon ne rotiʼtókenhse ne rotiréhserons ne ionekaníron, né teiakohnithonʼniaténhnis notsítsa, ne tehiakohiathentón꞉kwas ne ionekaníron; iah tsateshatiʼkaraién꞉tas, ne tehothiniotákwas tsi thontkáwas ne karihwenhtátshera.

Isaiah 29:12

Tánon tó꞉ka né enthonwénhnon tsi nikáien ne iáh tehatiʼwenhnaʼnótha, rontón꞉nions, “Sewahwenhnanhó꞉ten kí꞉ken,” enhonhníron, “Iáh tahiakwahkwéni nahiakwaʼwenhnanóten.”

Isaiah 3:12

Nakonkwetashón꞉ahs ratiksaokónhas ne ronwatiwisátha, tánon konnónkwe ronwanatkoráston. Ó akonkwetaʼshónhas, ne ietʼtsihénthenhse wahitsihiónhnien wahetsiiʼathaharáhkwahte, tánon watsetsiʼianitonhniáthen tsi sewahátatse.

Isaiah 45:20

Tesewatatsataʼrórok tánon skát꞉ne sewáton, ákta í꞉sewet, í꞉se ne iatesewataténron tionhontsakeró꞉nons! Iáh teotí꞉ien naʼtokhátshera— né꞉ne tsi niháti ratihawinóntses nó꞉iente raoʼtihiatonhnisónhas, tánon thoʼtikontákwen konwaterenhnaiénhni ne raotiní꞉io né꞉ne iáh thaʼkakwéni naʼhiakonónsthaʼte.

Isaiah 5:13

Né꞉se wahónhni nakonkweʼtashón꞉ʼahs wahonhnakeráko asèken tsi iáh othénon teotinikonraién꞉tas; ne raononkwetaʼshónhas ratiʼsenhnowánens atonhkariákon rohtirió꞉tha, tánon ne thiʼkáionk ónkwe kwáh neh enhotírhiote tsi nihotiniatáttens.

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 4:22

Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 5:21

Sehwatennikonhráhren, í꞉se ne tesehwatenonhwaroríhtonʼte ó꞉ni thisehwathónnokʼte tiónkwe, ne sehwáhken, ók iáh tesehwahkwénies nahisehwatʼkátho tánon tesehwahonthakáronte, ók iáh tesehwahkwénies nahisehwatʼthónteʼne.

Ezekiel 44:23

“Né rothikháres ónenk tsi enshakotirihónhnien nakonhkwethashón꞉ʼa tsi natetsatʼthíhen nahó꞉ten ne iotokénti tánon ne iáh tehiotokénti, tánon tsi nathetsatʼthíhen né sahoiéhren iotkwéniens tánon ne iáh tehiotkwéniens.

Hosea 13:6

Nó꞉nen sakhenón꞉te, kwáh kí wahonáthane; wahonerientí꞉io, tánon wahoneriasí꞉ione; ne káti aorì꞉wa wahontsatanikónhren.

Hosea 2:13

Kwáh entréwate tsi nihonnenhtanorónsthas ne Baals, nó꞉nen eniakotatʼtse ne kaienkwahrákons tánon ne enwatstánion nahonisnonsawishón꞉as tánon ne kawistanoronshón꞉as, tánon wahakoseréhson naoskareshón꞉as, tánon onhtsatanikónhren ní꞉i, rá꞉ton ne Roiá꞉ner.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Hosea 4:12

Nakonkweʼtashón꞉as ne konwarihwanontón꞉nis ne kenk nikaiénta, tánon ne iótkon raonathénhnits ne tsakó꞉wis nowenhnaʼshón꞉as. Asè꞉ken tsi nihionikonró꞉ten ne kanakwaiesátshera ne iakothaharakwáhton, tánon kwáh ne sateiot ne kanakwaiesátshera, ronwaiatakikonrénhen ne raotiní꞉io.

Hosea 4:14

kwáh kí enkheréwate ne saiatasetsherashón꞉as nó꞉nen ne enkonswáte ne kanakwaiesáhtshera, ó꞉ni ne sehionsháfas nó꞉nen enkontenakwaiésate; asè꞉ken ne ronhnón꞉kwe ronteró꞉sens ne kontenakwaiesátas, tánon ne ská꞉ne wahontsienkwahrónhniate ne ononsatokentikówane tsonatakwahkaré꞉nis; tánon tsi ses tsi niiónton nonkweshón꞉as ne iáh teiakonikonhraiéntas éntien naiekarónhni.

Hosea 5:4

Tsi nihatiweienó꞉tens iáh tehotihianerenhserá꞉ien niahonsahónhne raohénton ne raotiní꞉io. Asè꞉ken naonikónhra ne kanakwaieshátshera rononhà꞉ke ká꞉ien, tánon iáh tehonwaienté꞉ri ne Roiá꞉ner.

Hosea 6:6

Asè꞉ken ne wakaskanékon ne iorihwató꞉ken kanoronkwáhtshera iáh ne kariwiioseokónhas, né꞉ne raothokhá꞉tshera ne Rawenni꞉io tsi ní꞉ioht ne wateskónte ahiontʼtatʼtse.

Hosea 7:11

Né Ephraim ne teshón꞉tieres norí꞉te, tsatehotirihwaráhon tánon iáh othé꞉nen tiatehonnonhthónnions; Egypt iehonwathí꞉nonks, Assyria niehonʼnhétha.

Hosea 7:9

Thiononhontsá꞉tes ronwashatstenhserakénhnion, ók iáh ki teoterièn꞉tare; taʼkenhróhkwa onónhkwis watonreniá꞉te rahonhà꞉ke, ók iáh kí teoterièn꞉tare.

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Hosea 8:12

Eʼthó꞉sane wé꞉so khehiatón꞉ni nakerihonhnienhní꞉tsheras, thóh ní꞉ioht tsi tehatiká꞉nere tsi shí꞉ken ní꞉ioht ne taiotseronniónke.

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Hosea 9:17

Tiorì꞉wa tsi iáh tehonwawenhnarákwen, nakeʼNí꞉io ensakokenron kí; kwáh kí enhotinathenhawí꞉son tsi ienakeré꞉nion nonkweshón꞉a.

Matthew 1:6

Nok ne Jesse rohnontiio David roienha; David ronontiio roienha ne Salomon, Urikenha rone roteȣetonni.

Matthew 15:14

Roneronhatie; ne ȣahi ne tehatironȣekon, teieronȣekon sakonasharine: tokat teharonȣekon enhonenstsine ne teharonȣekon, tetsiaron ienniiatenne tsi teiontiakon.

Matthew 15:8

Tsi raȣen: Ratisehneʼkʼok ionksennaiens neok iaken ne iaken tsi ionkkonniensta; kenhkaien ne raoneri ih non neneh teiakȣatere.

1 Samuel 2:12

Nón꞉wa ne raoʼnekenteronhtsheraʼsónhas ne Eli tenonkwetahétʼkens; iáh othènen tehoniónhni ne Roiá꞉ner