Hosea 4:3 - Ohiatonhseratokénti

³ Ne káti aorì꞉wa nonhóntsa ioʼtionhniónkwen, tánon ratikwé꞉kon ne nón꞉we nihatinákere enotishaststenhserónhti; skátne ne kontí꞉rios tánon notsithenokónhas ne tsi niówerare kontí꞉tses, iekaní꞉hare ne kéntionks ne kaniatarakeʼkowáhne enkontiiatháton.

Hosea 4:3 ပူးပေါင်းရင်းမြစ်များ

Isaiah 33:9

Nonhóntsa iotʼtiónhnion tánon ioteshatstenhseroktáhon; ne Lebanon hiorihwaʼnerakóhon tánon etʼtsiahotashókwahse; ne Sharon kwáh né꞉ne iahontsathénhake í꞉ken; tánon ne Bashan tánon ne Carmel wahotineráthenhse nenhné꞉e.

Jeremiah 12:4

Tóhʼ nióre nonhtionhóntsa ienwastátʼten, tánon nonhontesónhas ne kwáh niaʼtekahethákes nahonthakénheʼie? Konhtitʼtshénenhs ó꞉ni notsitenokónhas konnihéions ne tkarihónnis tsi nihotiriwáhnerens nonhtionkwetaʼshón꞉a, ónhka ne ónhkwe iónhthon, ‘Rawení꞉io iáh tehatʼkáthos tsi nitewahtiérah.’”

Jeremiah 23:10

Ne tsi ionhwenhtsáte titkáhereh nonhkweshón꞉a ne iáh tehiakoriwahtóken rahonháke ne Roiá꞉ner; kariwáksen tsi nihononhnhétie tánon ó꞉ia ní꞉ioht tsi ronatstonhátie ne rahotiʼshastsʼténseras. Ne karihónnis tsi shaʼkorewéhtha ne Roiá꞉ner nohóntsa wahkahiésah tánon ne tsi konwahtiʼterontákwah ne katʼtshénenh onstátʼthen ne kahentáhke.

Jeremiah 4:25

Iáh kahnèkah tekhéken nónhkwe; iekaníhare notsiténhas tehothíten.

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Jeremiah 9:9

Iáh onhtèken tahkheréwahthe ne ne kíʼ ahonthakarihónni? Iáh onhtèken tahonsakʼkárhiathe ronónhake ne kíʼ etnihionkwetóhtens? Í꞉i, ne Watiá꞉ner, wakatháti.”

Ezekiel 38:20

Kwáh niatekéntsake ó꞉ni notsitenhokónhas, kwáh niaʼtekarhióthakes akonhtikowahnénhke tó꞉ka ó꞉ni kén nakonhnáhsehke, tánon kwáh niaʼtehionkwétahke ne tsi kakónhsonhte ne tsi ionhwenhtsáte kwáh enhiakohiatíshonkwe tsi nenhionkhetiánhike. Tsi iononhténion enhtkanísehrenhne, tsi iotsitstenhrhiákonhs tenhiawénhtonhwe, tánon kwáh tsi niaʼtewahsónhtakes tenhioʼterónhthosʼte.

Joel 1:18

Ne kontiʼtshé꞉nens tsi niiononsénren! Ne tionónshkwarons tiehiotiriwaié꞉was tiorì꞉wa tsi iáh tetsotihentháien ne thakonskaʼon; ne nónhne sá꞉ka ne teiotinaʼkarontón꞉a iotironhiá꞉ken.

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Amos 5:16

Ne káti aorì꞉wa rá꞉ton ne Roiá꞉ner, ne Sakowenní꞉io ne ratironhiakerononhs, né꞉ne Roiá꞉ner: Akwé꞉kon ne kanatakweʼní꞉ioke thóh nón꞉we natenhionnokaraniehónheke; tánon akwé꞉kon ne tekanatokenhá꞉tons kwáh enhionhtónheke, “Ionikonrát꞉sat! Ionikonrát꞉sat!” Ienhonwatínonhke ne ratiiéntʼtos nahontiónhnion, skátne tsi nihá꞉ti ne ronhwatikáriakse nahontiónhnion, ó꞉ni ne tahonsénhtho;

Amos 8:8

Iáh onhtéken thatahionhontsísonhkwe ne kí꞉ken akarihón꞉ni, tánon onhkweʼtakwé꞉kon enhiontiónhnion ne nón꞉we niienákere, tánon kaniatarakwé꞉kon entewátnekakaráthate tsi ní꞉ioht ne nile, tánon enwenhnóton tánon eʼtake ienhénsewe, tsi kí ní꞉ioht ne nile ne Egypt tkaniataratátie?

Nahum 1:4

Wahathárahse ne kaniatarakeʼkówa tánon wahrón꞉nien nahonstát꞉ten, tánon wahastát꞉thaʼte akwé꞉kon tsi kaniatareʼéhnions; Bashan ó꞉ni Carmel onstát꞉ten, tánon tsi nihiotsitiónhnis ne Lebanon onhtashó꞉ko.

Zephaniah 1:3

Kwáh enkhehiátonte nonkweshón꞉as tánon ne kontiʼtshé꞉nens; Kwáh enkhehiá꞉tonte notsitenhokón꞉as ne tsi iowé꞉rahre kontitses tánon ne kentsonʼshón꞉as ne kaniatarakeʼkowáhne. Kwáh ne enkhehión꞉ni ne ionhkweʼtahétkens tahatirakwenhtá꞉raʼne tánon enkhehiátonte nonkweshón꞉as ne tsi ionhwenhtsá꞉te, ráton ne Roiá꞉ner.

Zechariah 5:4

Ne Roiá꞉ner Roshatstenhserowá꞉nen ráton ienhaténiethe kí꞉ken karewahthátshera, tánon ienhiakonnonhsohrénʼne kwáh tsi niatehionkwè꞉take ne ienénhskwas ó꞉ni tsi nihiá꞉kon ne ionnhowénhtha nó꞉nen iakorihwahní꞉raton. Akonónhskon enkaiénthake tánon enhiakohetkénten.”