Hosea 4:2 - Ohiatonhseratokénti

² Rontewenhnatsatánions, ronhnowenhtánions, tánon shonterihwatewatánions, tánon kanenskwátsheras tánon kanakwaiesátshera ioterihwathéntion; kwáh rotinekwenhsarónhnions.

Hosea 4:2 ပူးပေါင်းရင်းမြစ်များ

Genesis 4:8

Cain wahawénhahse ne iatatekén꞉ʼa Abel, “Ánion kahéntake niétene.” Tánon nó꞉nen kahéntake sí꞉neʼs, ne Cain iahotiaʼtón꞉ti ne iatateʼkén꞉ʼa Abel, tánon wahononʼwariá꞉kon.

Isaiah 24:5

Ne tsi ionwenhtsá꞉te thóh káien iotaksénhen thóh ratiʼhiató꞉ron ne etʼienákere; asèken tekonwatawenhráti ne kaianerénhsera, tehotiʼiákon nateriwaseronʼniáhtsheras, tehotiʼhiákon ne tsi nènhwe akátake nʼaterihwaseronhniátshera.

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Jeremiah 51:5

Í꞉i, ne Watiá꞉ner KeʼNí꞉io Keshastsʼtenseroʼwáhnen, iáh tekhehiatewenhthéton ne Israel ó꞉ni ne Judah, iáh wehrohátien tsi rotiʼriwáhnerenh tsi nòkwah ní꞉i, ne Rotokénti ne Israel.

Jeremiah 6:7

Tsi ní꞉ioht ne ionáhwehrohʼte tiókonte ionekaien ne kanekí꞉io, thóh káti ní꞉ioht ne Jerusalem tiókonte áse iahonnihátie nahorihwahetkénsehra. Wakátʼthonte aterihiósehra ó꞉ni kariwahiesáhtshera ne tsi kanahthowáhnen; kanhratharinétsheras tánon iontkarewahthánions nék khók katʼkáthos.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.

Ezekiel 7:23

“Kwáh oriwakwékon tsi naʼtehionithónniat—ne tsi ionwenhtsáte ne titkáhere ne sakonaséhtha tánon ne tsi kanatowánenhs kwáh né ne titkáhere ne kariwaksenhokónʼa.

Hosea 10:13

Ne satharakaratʼthóston ne karihwahekénhsera, ne tsi saientkwákwen ne iáh tetkarihwaié꞉ri í꞉ken, ne sahiákon nonowenhtashón꞉as í꞉ken. Tiorì꞉wa tsi ne seniahesénhne ní꞉se sashatsténhsera tánon ne tsi nihonatiohkowá꞉nen shonkwè꞉taien ronterí꞉ios,

Hosea 10:4

Owenhnóskonk tsi rontá꞉tis; né꞉ne iáh othé꞉nen tekástha tsi nihatirihwaní꞉rats nenhontsianerenhserón꞉ni; káti kaianerénhsera tiokethó꞉tha kwáh thóh ní꞉ioht kwáh né꞉ne iakónhontarástha tsi nón꞉we nikenhtarakarát꞉ton ne kahentà꞉ke.

Hosea 11:12

Ne Ephraim kwáh ne tewakatsathá꞉ton nonó꞉wens, tánon nonkweshón꞉as Nisraeró꞉nonke né꞉ne ratinikonráhtha; ók ne Judah shé꞉kon ki nenhné꞉e Rawenni꞉io skátne tehiatekhahákwa, tánon iorihwató꞉ken rahonhà꞉ke ne Rohiatatokénhti í꞉ken.

Hosea 12:14

Ephraim wahét꞉ken tsi ní꞉ioht tsi tahotiná꞉kwen, káti ne Roiá꞉ner thenhotasénhte né꞉ne raoterihwatewathóntsera entkarihón꞉ni tánon ne enshokariákthen ne tsi nihonikonrakarewáhtha.

Hosea 5:2

tánon iosónhwes kashionhiónhni ne Shittim nón꞉we; ók kwáh kí ratikwé꞉kon tsi enkheréwate.

Hosea 6:8

Gilead né꞉ne kanatowanénhke titkáhere ne karihwahét꞉ken tsi nihontié꞉ra, ne ronateristará꞉kwen nonekwénhsa.

Hosea 6:9

Tsi ní꞉ioht ne ratitnénskwas ratihiatakerón꞉ton rotiráhre nónhkak iatasakonanitiónhkwakwe, káti ne ratitsihénstatsis wahonhnitsiokón꞉ni; wasakonashetánion tsi niehiothahí꞉non ne Shechem, thahotirihóse tehiotenonhianí꞉ton tsi nonsahonterihwatewathánion.

Hosea 7:1

né nó꞉nen ensketsiénte Nisrael, nahoriwahetkénhsera ne Ephraim enkarihotáshionke, tánon ne ahoweienhnatʼkénsera ne Samaria; asè꞉ken ne tewareniá꞉tha nonhó꞉wen, ne ratinénskwas tehatinoharíhtha tsi iehontawehiá꞉tha, tánon ne ratinénskwas atstésons ó꞉ni nón꞉we nisakotinenhrakárias.

Hosea 7:3

Ne tsi nihatinikonrahét꞉kens ronwatsenhnonhniaténhnis ne ronhnontí꞉io, tánon ne ronaterihóntons né tsi akonwára ronatatónhni.

Hosea 7:4

Kwáh ratikwé꞉kon rontenakwahiesá꞉tha; thóh nihatiiatóten tsi ní꞉ioht ne tsi iontenatarontáhkwah ne watarihá꞉ton, né sakonataronhniénhni iáh tatehiotonhontsó꞉hon tahatsirawénrie, tsi enthontáhsawen enhontesehrónhni kwáh tsi nió꞉re ienwathénko.

Micah 3:2

Í꞉se ne sewáhsons ne ioiánere tánon ne sewanón꞉wes ne karihwahétken, ietsiwarahratiónkwas nakonhkweʼtashón꞉as, tánon sehwawarahrónkwas ne tsi rotistiénhtare;

Micah 3:9

Sewatónhtet kí꞉ken, í꞉se ne sewaʼkóras tsi ronónshote ne Jacob tánon ne sewaterihón꞉tons ne raotinóns꞉kons ne Israerʼró꞉nons, tsi ratí꞉sons ne kaiáneren tehatiwátases nahò꞉ten ne ioterihwakwaríhshion í꞉ken,

Micah 6:10

Shé꞉kon ontè꞉ken ken ne kanorónsons ne karihwahetkénhseras iotaténron ne tsi kanónshote ne ronhnonkweʼtahétkens, tánon ne iekontseriharáhkwa ne rónstha nahatinikonráhte?

Micah 7:2

Ne rotirihwató꞉ken kwáh rotiiathatónhon ne tsi ionwenhtsá꞉te, tánon iáh ónhka tsiatetsakotaténhron nahontakarihwaié꞉rihke; ratikwé꞉kon ratiiatión꞉ni ne rotiráhre nonekwénhsa, tánon tehonthatórats tsi nihontaharaién꞉tons.

Zephaniah 3:1

Ah, sateʼnikonraksáton, tánon senhtatsáton, iakothorahrákon kanatowanenhkó꞉wa.

Zechariah 5:3

Ethò꞉ne wahakénhase, “É꞉tho kahiá꞉ton ne karewahthátshera tsi ienkaiá꞉kenʼne nowenhtsiakwé꞉kon tenwahréni. Ne skáti nokwá꞉ti tsi kahorotakwenón꞉ni ne kahiatónhsera wáton kwáh tsi niatehionkwè꞉tahke ne rahthinénskwas tsi éhren enhonwahthihiaʼtenhá꞉wite ne tsi ionwenhtsiá꞉te: tánon ne skáti nokwá꞉ti wá꞉ton nenhʼné꞉ʼe kwáh tsi nihiá꞉kon nenhionnhowénhte nó꞉nen iakoriwahní꞉rahton ne ó꞉ni éhren enhiontahtiatenhá꞉withe.

Zechariah 7:9

“Wahón꞉niseh tsi náhe tetʼkhehiá꞉wi nakonkweʼtahshón꞉ʼa ne kaianerénhseras: ‘Kwáh shaterihwahién꞉ni tkariwahié꞉rik tsi ihshá꞉tst ne kaianerénhsera, ó꞉nenhk tsi enshé꞉neste ne kanoronhkwátshera ó꞉ni natanitenráhtshera tsi natesehwátere.

Matthew 23:35

Naeseȣateriȣaketate tsinikon ionekiren nonȣentsia ne kanekȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta tsi ietsienharakȣa hetsiseȣario.

Acts 7:52

Ónhka onhtèken ne sewasótʼtseras neh iáh tahonwatironhiakénton ne roʼnatiatatkonkwe? Ronwatinonwáriakon ne Rawenni꞉io rahonkwetaʼsónhasʼkwe ne ronteriwanótha, raónha ne wahónʼnise tsi náhe thoriowanáton tsi ént꞉re ne tronkwetaiéri rahonátsera. Tánon kíʼ nónwa ónen etʼtsisewatennínon ó꞉ni wahtsisewáseh꞉the.

Deuteronomy 5:11

“‘Tó꞉sa ensátste naksén꞉na ne kariwahétken akarihón꞉ni, asè꞉ken, ne Roiá꞉ner Sewaní꞉io, kwáh ensakoré꞉waʼte nónhka enhiesenhnaiésaʼthe naksén꞉na.

Deuteronomy 5:18

“‘Tó꞉sa shatenaʼkwaié꞉sat.

Deuteronomy 5:19

“‘Tó꞉sa senénhsko.

1 Thessalonians 2:15

Ónhka ronwahnonwahriákon ne Roiá꞉ner Ié꞉sos tánon ne rotitokenséhakwe, tánon wahonkhironiákente. Tóh nihonwahnikonrakʼsátha ne Rawenni꞉io! Kwáh onhkwetaʼkwékon tsi sakonateniakatstʼsténnis!

Revelation 17:6

Tánon wák꞉ken né꞉tho iónkwe tsi ne iononwarathónton ne raotinekwénhsas ne rotiiatatokéntis ó꞉ni raotinekwénhsas ne rotiriwatokénʼne rahonhà꞉ke ne Ié꞉sos. Nó꞉nen sák꞉ken, ní꞉i teiotenonhiá꞉niton tsi onkeriwanerá꞉ko.