Hosea 3:4 - Ohiatonhseratokénti

⁴ Asè꞉ken nʼIsraerʼró꞉nons wé꞉so wenhniserá꞉ke iáh tahonsaotinontiiotsheraiéntake iáh ó꞉ni ne sakotihenthénse, iáh ó꞉ni thahonsahontsienkwahronhniá꞉take iáh ó꞉ni tahonsahonón꞉ni ne iotokénhtis kanawahátas, ne iáh káneka tahonhnésehke ne ephod khés ne teraphim.

Hosea 3:4 ပူးပေါင်းရင်းမြစ်များ

Genesis 31:19

Laban rohténtion nenʼne ʼeh iehshakononhwé꞉riaʼkskweʼ ne raotshenenʼó꞉konʼs teiotinaʼkarontón꞉ʼa, tánon ne Rachel waʼkanenhskwenhá꞉ton ne roʼníha raoiaʼtonnihshón꞉ʼahs ne raonónhskon kaièn꞉tahkwe.

Genesis 31:34

Kíʼ ne Rachel tioháhseron ne kanónhskon tkaièn꞉tahkwe kaiaʼtonnihshón꞉ʼahs tánon ne ne iotiniaʼkwáhere iakohsatenhstáhkhwa tsi iohnaʼtahtsherón꞉ton waʼkatárion, tánon thóh tonnitskwá꞉ren. Ne Laban kwáh akwé꞉kon nontá꞉rehte naoʼtohserá꞉kon, ók iáh thahó꞉ten tehotshénrion.

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

2 Samuel 6:14

Ne Táwit wathanónhniakwe raohén꞉ton ne Roiá꞉ner kwáh tsi nioshaststénhsera; ne Táwit neh teotsiakwaráhnen ne waniatarí꞉io ateniióntha.

2 Kings 23:24

Nahiotón꞉ʼon nakonwashaststénseron ne kaianerénhseras tsi kíʼ nikaiatónhnions ne kaiatonhserákon nètho ratsihenstowánen Hilkiah rotʼtsénhrion Nononsatokentiʼkó꞉waʼne, Ne Ronnontí꞉io Josiah éh꞉ren waʼsakoiatenháwite ne Jerusalem ó꞉ni ne Judah ratikwé꞉kon ne tehatitháraʼkwe ne ronenhé꞉ionskwen ó꞉ni ne sakonatiatonserát꞉kenhse, tánon akwé꞉kon ne kanonskónsons kaiéntakwe niʼioʼokónhas, kaiatonhnisónhas, tánon akwé꞉kons tsi nahoténshonskwe ne rónsthakwe tsi konwatisén꞉naienskwe ne kaiatonhnishón꞉as.

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

Exodus 28:4

Seró꞉ri hiontenskwenorók꞉tha ronhnónhni, atenihióntha, wakóhses atiátawi, tewaseriʼiétaron ákhare, anonhwaró꞉re, tánon atiatána. Kwáh kíʼ ronhwakweniónhnien kíʼ ken rotikharesʼné꞉ha ne iatsíha Aaron tánon ne sakoiohʼokónhas, né káti nahónton nahiontiótense tsi ratiʼtsihénsʼtatsis akénhake.

Exodus 28:6

“Naʼtenihiónta tsi enhonhnónhni orónhia, ariwakonhnéha, tánon onekwéntara ononhwéron, owistanóron ienikhónkwa aserí꞉ie, tánon ne kwáh kaniatarí꞉io, tenwasehriʼiétaronhke tsi enkaraséstonke.

Lamentations 2:9

Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

Ezekiel 19:14

Ahonáh꞉tahke ne watenenharísehres wahótehke; nótsire onhtsáhate nahonenhrahsónhas ó꞉ni ne aohikshónhas. Nahonenhrahshónhas iáh nonhwénhton shé꞉kon tahonsakonhtishástsʼtehke, iáh nonhwénhton ronnonhtí꞉io rahónia tsahónhton. Ne kí꞉ken ne karénhna ne kanikonhratsénhtsera; wéso ónenh tethewaknahnéten tsi tekariwáhkwen.

Ezekiel 20:32

Sawatenikonhríson né꞉ne thóh nahisewahiathoténhake tsi ní꞉ioht ne ronátiakes nonhkweshón꞉ʼa, tsi ní꞉ioht nonhkweshón꞉ʼa ne ákte nónhwe tatinahkerahseráien tánon ne rahtisénhnaiens ne karonhtasónhas ó꞉ni nonénhias. Ók iáh kíʼ nonhwénhton éhtho taiáwenhne.

Ezekiel 21:21

Ne Ronhnontí꞉io ne Babylonia nónhwe kanawahatákʼta írahte tsi kaswenhkaró꞉hare ne tehiohahóken. Nahotó꞉kenseh kanokwáhti niáre, wahá꞉wahke ne kaiénkwires; wahshakonikonhrísahke ne raohiatonhnishón꞉as; wahakenhénhion ne otwénhson ne konhwatsatatʼtsaháton ne katʼtshénen.

Ezekiel 21:31

Ensatʼtó꞉ke nakenahkwáhtshera nónenh ienkátkawe sonháke tsi ní꞉ioht ne iothónkothe. Tánon ienkonhiátkaʼwe rononháke ne rathiniakástʼte, rahthiweiénhte natkaronhniátshera.

Daniel 11:31

Ó꞉tiaʼke ne raonkweʼtaʼshón꞉ʼa ronterí꞉iohs kwáh enhatihétkenhte tsi iotokénhti ne ononhsatokénhti. Waʼteshakotítaste nonkwehshón꞉ʼa tsi ronwanatiatatshaʼáhtha ne katshé꞉nen eʼtho nihatiweiennoténʼne tsi ronwasén꞉naienhskwe ne Rawenni꞉io. Enhonwennónnien ne iáh teiotokénhti tánon né enskonwasénnaien. Tsik thiahatiieránion tánon iáh tsiewanonhtonniónhon, tsi nateiotenonhianíhton ne wahétken ne enskonwasénnaien.

Daniel 12:11

“Nó꞉nen ienká꞉hewe ne tenkatáhston naterennaientahsherá꞉kon tsi konwatiaʼtatshaʼáhta ne katshé꞉nen ó꞉ni tho ní꞉ioht tsi ronwahsénnaienhskwe ne Rawenni꞉io ne tsi entewatáhsawen ne kwáh teiotenonhianíhton karihwahétken, énska niwenʼniaweʼehtsheráhsen tánon tékeni tewenʼniáwe niwenhniserá꞉ke enwatóheste.

Daniel 9:27

Ne iénwawe ne tsá꞉ta niiohserá꞉ke nétho rakó꞉ra ioianerenhserahní꞉ron tsi enʼhonterihwahserón꞉ni nonkwehshón꞉ʼa. Ahsén꞉non nienhawé꞉non enharihwáhtonte akwé꞉kon ne tsi nonkwá ne karihwiioseʼokónʼa ó꞉ni tsi ní꞉ioht tsi ratiró꞉roks tsi nithonwá꞉wis ne Rawenni꞉io, tánon ók knahò꞉tenʼk tsi nateiotenonhianíhton kariwahétken ienhá꞉ren ne kwáh è꞉neken tiótte ne tsi ionterennaientáhkhwa, tánon eʼtho entká꞉rake tsi niió꞉re ne Rawenni꞉io è꞉ren enhoiaʼtenháwihte ne tsi niká꞉ien ne eʼtho iehóhere kwáh tsi nihoteʼnikonhríson.”

Hosea 13:10

Kaʼnón꞉we ó꞉nen ní꞉res ne sanontí꞉io, né꞉tho nahónton ahiaiatanónsthate? Kaʼnón꞉we ne tsi sanatowá꞉nens nihón꞉nes ne iesakó꞉ras, rononhà꞉ke tsi í꞉sen, “Táskon ne rontinontí꞉ios ó꞉ni ne ratikoráhshons”?

Hosea 13:11

Takónhion ne rontinontí꞉ios thóh nakenakwahtsherá꞉kon, tánon é꞉ren sahihiatenhá꞉wite nakenakwahtsherá꞉kon.

Hosea 2:11

Kwáh entsá꞉ke tsi tiatehiorihwará꞉hon, tsi nikatkwáhera, nó꞉nen orákwahse í꞉ken, tánon nahowenhtatokénhtis, tánon akwé꞉kon tsi nihiorákwen tsi nenhkatkwáhren.

Leviticus 8:7

Wahósten ne nakontié꞉iens tánon ne wakóses ne Aaron tánon wahohiathánaʼke. Tánon wahósten ó꞉ni naʼtenihióntha tánon thóh wahawánerenhke ne kwáh wakenhí꞉io atsathánaʼke tsi wahohiathánaʼke.

Zechariah 10:2

Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.

Zechariah 13:2

Ne nenhkahá꞉wike kwáh ahè꞉ren enhkhá꞉wite ne raothisenhnaʼshón꞉as ne kahiatón꞉nis ne tsi ionwenhtsá꞉te, tánon kwáh iáh ónhka tahonshahonwenhnehiá꞉rahke. Kwáh éhren enkhehiatenhá꞉wite nónhka ihénreh iakohtó꞉kenhse tánon éhren enkahawí꞉ton naskanéktsheras nahonsahkonwahthishén꞉naien ne kahiatón꞉nis.

Luke 21:24

Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

John 19:15

Tontahotihenrete: ehren, ehren ehtsiatenhaȣit! testshientannharen! tontahenron ne Pilat: Tenhiientannharen kenh ne kenh ne Etsiseȣanontiio? tontahonniron ne ratitsihenstoȣanens: iah sekon noiah teionkȣanontiiotseraien neok enskat ne Cesar.

Hebrews 10:26

Asèken iáh ónen teskaien ne karonhiakenshera naʼhé꞉ren akahawithe ne karihwahnerens tóka thenʼtéwethe ientewahtashónteren enhionkwahriwahnerenhatiésheke nónen ne tewehtakwenh ionkhwahʼrónken.

Judges 17:5

Kí꞉ken rónhkwe Micah kwáh rahónha rahononhsakénhʼen tsi nónhwe nihaterenhnaiénthakwahkwe. Tó꞉ka níkon rotsiatonhniserónhniʼne ó꞉ni rothatonhniénhni ne tehatetskwenanákʼtha tánon rahónha shaʼkohiatarakwenháton ó꞉ni sakorihwaniráti ne sakohiohokónhas nahontsihenstónhni.

Judges 18:14

Ethòne kí꞉ken ne wísk nihátikwe né iehónhneskwe tsi iahonterihwató꞉rate ne tsitʼkanakerasehráien nakʼthónhtses ne Laish wahonwathiró꞉ri ne ronhthenhrosónhas, “Sewateriéntare ken kénʼen kí꞉ken kanonhsóh꞉tons káien ne óienthe kahiatónhnis ne ioterorókston ne kawistaráken? Tánon ó꞉ni shé꞉kon oiásons kaiénthon ne kahiatonhnisónhas tánon ne tehiontetskwenanákʼtha. Nahó꞉ten í꞉sewere tsi nahitewáiehre nètho?”

Judges 8:27

Né Gideon nowistanoronhsónhas wahatsathonhnisehrónhniaʼte tánon thóh ne rahónha rahonáthakon wahanióten, Ophrah. Ratikwékon nʼIsraerʼró꞉nons wahonwatewénhtethe ne Rawenni꞉io thóh iehonhnéthakwe nakonhwasénhnaien ne kahiatónhni. Né꞉ne waterísthaien ne Gideon tánon ne rahowátsire rahotirihwáke.

1 Samuel 14:3

neh roʼnaterosenhtátiene ne Ahijah ne ne Ahitub roién꞉ha, Ichabodʼs iathatekénʼa, ne nenhné꞉e ne Phinehas roiénh꞉ha ne Eli ne nènhne roién꞉ha ne Phinehas, ne raotsihénstatsi kènʼne ne Roiá꞉ner thóh nón꞉we Shiloh, raón꞉ha rahá꞉wine ne waniataríio í꞉ken atení꞉ionta. Nón꞉wa nonkweʼókons iáh teiakoteriéntarahkwe nètho Jonathan tsi kakʼniehawé꞉non.

1 Samuel 15:23

Asèken nahiontenontsistát꞉sate kwáh satewahét꞉ken ne karihwanerahák꞉tshera tsi ní꞉ioht ne tahióntʼkonste, tánon nahiontenontsistanírate kwáh ne ne karihwanerahák꞉tshera ó꞉ni ne kahiatón꞉ni konwasénhnaiens. Tsioríhwa ní꞉se tsi waskénron ne raowenhnaó꞉kons ne Roiá꞉ner, ne raónha kwáh nón꞉ne eh wahiakénron ní꞉se nahisanontí꞉ioke.”

1 Samuel 2:18

Samuel roʼiotá꞉tiesʼkwe raoʼhénton ne Roiá꞉ner, ne raksá꞉a ne roʼteniiónte ne kwáh waʼniatarí꞉io ateniʼión꞉ta.

1 Samuel 21:9

Ne ratsihénstatsi wahén꞉ron, “Ne raosarehkó꞉wa ne Goliath ne Philistiaró꞉non, tsi niká꞉ièn ne tsenonwarhiákhon nahonrákwahkon ne Elah, kénʼen káien oná꞉ken ne iontenskwenorokthákwa tsi káien ohniatará꞉ha kawenonniáton; tó꞉ka shí꞉ken iasá꞉we nètho, iahá꞉saf kíʼ, asèken iáh nó꞉ia kénʼen tekáien nek khók thí꞉ken.” Ne Táwit wahén꞉ron, “Iáh nó꞉iah tewasaráhien nètho naiotón꞉hake; táskon.”

1 Samuel 22:18

Eʼthóhʼne ne ronnontí꞉io wahawénhase ne Doeg, “Ní꞉se, Doeg, tesatʼkaraténi tánon iasehiatsaʼtónhti ne ratitsihénstatsis.” Ne Doeg ne ne Edomró꞉non watatkaraténi tánon iashaʼkotsatónhti ne ratitsihénstatsis; ne thóh wenhniserátekwe washaʼkononwariakhónhnion shatèkon niwáhsen-wísk niháti neh ratirihwahientéris nahatíhawe ne waniatarí꞉io ateniʼiónta í꞉ken.

1 Samuel 23:6

Nó꞉nenh ne Abiathar ne ne roní꞉ha ne Ahimelech iehoniakénhen tsi tenterón ne Táwit thóh nón꞉we Keilah, tsi iahá꞉rawe neh rahá꞉wine nateniʼiónhta.

1 Samuel 23:9

Nó꞉nenh ne Táwit saharihwáronhke nètho Saul tsi roteristahientáhtsies ne karihwahetkénhsera tsi nó꞉kwah ne raón꞉ha, wahawénhase ne ratsihénstatsi Abiathar, “Tasáf tí꞉ken ateniʼiónta kénʼen.”

1 Samuel 30:7

Ne Táwit wahawénhase ne ratsihénstatsi Abiathar ne ne roién꞉ha ne Ahimelech, “Táskon thí꞉ken ionthenkweʼnorók꞉ta.” Káti ne Abiathar tahá꞉hawe ne ionthenskweʼnoróktha tahá꞉wen ne Táwit.