Hosea 3:2 - Ohiatonhseratokénti

² Káti watsata꞉ní꞉non wísk iawén꞉re nikahwístake kawistará꞉kens tánon tsáta nikawinotserá꞉ke tehiotikonstónhres.

Hosea 3:2 ပူးပေါင်းရင်းမြစ်များ

Genesis 31:41

Kí꞉ken tewáhsen niiohserá꞉ke sanónhskon kiʼterón꞉tahkwe: kaié꞉ri iawén꞉re niiohserá꞉ke nikarí꞉wes waʼkonióʼtenhse ne naón꞉ton aionkwániake ne tekeniiáhse sheioʼokón꞉aʼhs, tánon iá꞉iaʼk niiohserá꞉ke ne ne satshenenʼó꞉konʼs ahsekkariá꞉ten, tánon oié꞉ri níiorí꞉wake tonsahsatá꞉ton nakkariá꞉ktshera.

Genesis 34:12

Takwaró꞉ri nahó꞉ten natatawíhtshera tesatonhontsó꞉ni, tánon skariakʼtsherón꞉ni ne ioniákhe tonakónhake tsi nitehsaská꞉neks, kwáh entkón꞉ion tsi nenhseriʼwanón꞉ton; nek khók kíʼ náhskon ne nitiakoión꞉ha khekstén꞉ha aión꞉ton.”

Exodus 22:17

Ók kíʼ tó꞉ka ne ronhwaníha iáh thahatʼthóntate nahoríhon nahotíniake ne shaʼkoiénha, ónenk tsi enhokárhiakse ne kanísera satàkenasʼke ne kaniákʼtshera ne iáh tekanakwahientéri.

Isaiah 5:10

Asèken ne ó꞉ieri tionhontsaʼkwentátshera ne iotennhárhare kwáh thók khók ní꞉kon entkáhawe skaná꞉kwa, tánon ne oiéri nikawinotseráke kánens skawinótsera khók enwatsenite.

Ezekiel 45:11

“Ne ephah ne hiónsta ne iostátʼten aiekontseriháren kwáh satahióthonke ne bath né꞉ne hiónsta nonéka ahionteniénten. Né tkaiéri né꞉ne homer iekontseriharáhkwa. Tsi ní꞉ioht tsi iekontserihárah: Nénska homer oiéri níkon ne ephahs, tó꞉ka ó꞉ni oiéri níkon baths

Hosea 3:3

Tánon waʼkénhase, “Ní꞉se ó꞉nenk tsi thenthenihiaséhake ne kwáh wé꞉so wenhniserá꞉ke; iáh ó꞉nen tahonshasatenakwahiesáte, iáh ó꞉nen tahonsheseninawine ne rónhkwe, iáh ó꞉ni ní꞉i.”

Leviticus 27:16

Ók tó꞉ka ne rónhkwe kénk nahònskwe ne rahohóntsa né꞉ne Roiá꞉ner ahahohiathakwení꞉iosʼte, tsi enkakarhiakʼtseronhníhake né entewanónhton thóh niekanonhtáras naieiéntʼtho, né kakarhiatʼtseráhere né꞉ne oiéri níkons ne kawistarákens ne skawinó꞉tshera tehiotikonstónhres.

Ruth 4:10

Ne ó꞉ni kí꞉ken Ruth, Moabite naiehwatsirò꞉ten Mahlon ronéhkwe, enionkení꞉niake. Ne káti rawenhé꞉ion raohsén꞉na enkatátie tsi kahéhtaien tánon tsi nén꞉we enkahwatsiratátie enhonwehià꞉rake tsi nón꞉ nihanakeréhkwe. Ón꞉wa wenhniserá꞉te káti í꞉se ensewarihwaʼní꞉rate.”

1 Samuel 18:25

Eʼthóhʼne ne Saul wahén꞉ron, “Kwáh kén nahó꞉ten kiʼ enshetsisewaró꞉ri ne Táwit, ‘Ne ronnontí꞉io kwáh iáh othèon tehaská꞉neks nahotʼkárhiakse tsi nòkwah ne kaniák꞉tshera nékʼkhók ne énskaʼtewenhniáwe ní꞉kons ne ronwatiwahrakwétarons ne Philistiaró꞉nons, ne nètho nahón꞉ton nahonsashakokáriakʼse ne ronnontí꞉io ronwásons.’” Nón꞉wa ne Saul ne rotenikonrón꞉ni nahahónhnien ne Táwit nahahiatiénenhne thóh ronhtsanákes ne Philistiaró꞉nons.