Hosea 2:5 - Ohiatonhseratokénti

⁵ Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Hosea 2:5 ပူးပေါင်းရင်းမြစ်များ

Isaiah 1:21

Tsi nahohiátahwen ne iorihwatokénhne Né kanatowanénhke tsiotahkwakareni iahónton! Ieioterátston ne nahón꞉ha kwáh kaiatananónhne ne kaiáneren, ne karihwakwariʼshióntshera ahonhàke nón꞉we nikénteron— ók ó꞉nen sakonashé꞉thas satíteron nahonháke!

Isaiah 50:1

Né aoríhwa rá꞉ton ne Roiá꞉ner: Kaʼnónwe nikáien ne sanisténha akohiaʼtónsera ne tetiontekhaʼshátha né tsi í꞉seh ieshékhere ne sanisténha nakonháke? Khés ká꞉ton kén ónhkak tsi nihá꞉ti ne khekaròtani ronón꞉ha ne wakheiathenhnínonse ní꞉se? Iáh, né wakarihónhni ne sarihwaneraháktsheras tsi wahesathenhnínon, tánon né꞉ne saterihwatewatónhtsheras wakarihónhni ne sanisténha tsi wahontateʼnhó꞉ton.

Jeremiah 11:13

Nonhkweshón꞉a ne Judah tóh níkons rothiniʼioseráiens tsi kíʼ níkon rotiʼnataiénton ne kanatowánenhs, tánon ne ienakeréhnion ne Jerusalem kwáh eh nihiawetatʼtsáni tsi rothikétskwen ne ietsienharáhkwa naʼkonwahtienkwaronniáten nètho iáh tehiotehensehráien ní꞉io Baal tsi kíʼ níkonhs tekanatokenháton ne kanatowánenh.

Jeremiah 13:22

Tó꞉ka ensehriwahnonhton onhnontiéren kí꞉ken tsi kwáh akwékon eh ne shahiátahwen— nonhtiéren ne sattserónniat tsi onhterahtiónko tánon waheshasehronniáhshion tánon thontaheshanónhtonse— né tsioríhwa ne shariwahneraháktshera tsi natehiotenonhnianíton.

Jeremiah 2:20

Ne Ronontí꞉io Roiá꞉ner ráton, “Israel, wahónniseh tsi náhe tkénʼne wahsehriwáhson natianerénsehra; iáh tesatʼthontháton nahskewenhnahráhkwen ó꞉ni nahsekʼsénnaienhke. Ne kwáh tiótʼtes ionniarónnion tánon oronhthonkónhsons ne óhonthes niwahshokótens né tsénnahiens ne iáh thènenh tekarihwástha kahiatónnis.

Jeremiah 6:8

Jerusalemró꞉nons, kí꞉ken ne tekanikónrahre né ahisharonkáten, tó꞉ka iáh enkonhiatewénhthete; Ne tsi sahnahthowánenh ne enkónhniathe ne kahenthakeʼkó꞉wa, tsi nónh ne iáh ónhka teienáhkere.”

Ezekiel 16:35

Ónenh káti, Jerusalem, í꞉se ne watʼthonwisenhtsheráksen! Satʼthónthen tsi nahó꞉ten ne Roiá꞉ner rathónhnions.

Ezekiel 16:39

Rahotishastsʼtenserákon nónhwe nenhkonhiátkaʼwe, tánon enshathirishiónko ne shakwahtakwahniónkwen tsi nonhwésons nishateriwahtenhtiáthon ne kariwahiathathóntshera ó꞉ni tsi sehsenhnaienthákwahkwe ne kahiathonhnisónhas. Ienhatíhawe ne satʼtserónhniat ó꞉ni ne shawistanoronhshónhas tánon kwáh shanhehóskont thenskénhake.

Ezekiel 16:4

Sahsenhnákeraʼte, iáh ónhka tehiakoiákon ne sehnerítsthake iosehrihiethónthakwe iáh ó꞉ni teieshatawénhston khés ne tsiohiótsis aheshá꞉ronh tó꞉ka ó꞉ni oniataráha tahieshawáhnenh.

Hosea 1:2

Nó꞉nen ne Roiá꞉ner shontonhtsérenhte wahatá꞉ti rahonhà꞉ke ne Hosea, ne Roiá꞉ner wahawénhase ne Hosea, “Wás, ne sathateniatʼthen ne wathenawaiesátha tánon ne sawiraientháseron ne kontenakwahiesátha, asè꞉ken ne tsi ionhontsá꞉te ne ioterihwathéntion ne kowá꞉nen kanakwahieshá꞉tshera ne tsi ronwatewentéton ne Roiá꞉ner.”

Hosea 2:2

Tesenirihwakénha ne saʼnisténha— asè꞉ken iáh ne tehionkeniniákon, tánon ne raónha iáh ne tehionkeniniákon— tesenirihwakénha né꞉ne taká꞉taʼne tsi niwatenakwahiesátha tsi niwatkontonhonstánions ne kanónsake, tánon tsi nihiotenaiéston ne tsi tekanontó꞉kens,

Hosea 2:8

Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.

Hosea 3:1

Ne Roiá꞉ner shé꞉kon sahakénhase, “Wás, iashenó꞉ronht tiontonwí꞉sen nahónha ó꞉nen ioskaraien tánon kí watenakwahiesátha, kwáh thóh ní꞉ioht tsi senóront tsi kí nisakonorónhkwa ne Roiá꞉ner nonkweshón꞉as Nisraeró꞉nonke, iawerohátien tsi thóh nokwáh niehoné꞉non ne tikaniioserá꞉tes tánon roné꞉kas ne tkanenhára watenatáronhte.”

Hosea 4:5

Ní꞉se kwáh entiekéne entisewashí꞉tsake; ne rotitokénhse ó꞉ni kwáh enthonashítsake nasonʼthénhne, tánon kwáh enkatónhte ne saʼnisténha.

Hosea 8:9

Asè꞉ken Assyria nón꞉we niehoné꞉non, tsi ní꞉ioht ne karakonró꞉non tewahòn꞉tes rahonhahák꞉kok tehotawenhreháties; Ne Ephraim ne iakonháhon ne ratinakwenhá꞉wis.

Hosea 9:10

Kwáh tsi ní꞉ioht ne karakónha onénhare, thóh ní꞉ioht tiatatʼtsénhron Nisrael. Tsi ní꞉ioht ne tontiérenhte onhiári ne tionhnionwarontonhakó꞉wa, ne tontiérenhte ionhianihiónten, khéken ne sesothonkonhkén꞉en. Baal-peor nón꞉we niahónhne, tánon ne wahonterenhnaiéntakwe tsi nahò꞉ten ne atehénsera í꞉ken, tánon thóh ní꞉ioht tsi wathontatsatatiónste kwáh tsi ní꞉ioht tsi nahò꞉ten ratinón꞉wes.

Amos 8:13

Ne thóh entewenhniserá꞉teke ne watkatotserí꞉io iónkwe tánon ne kentitohiónha kwáh enhnihiatsenénhne tsi nihotiniatatʼtens.

Judges 16:23

Ne Philistiaró꞉nons ronhtinonhtí꞉ios skát꞉ke wahónhton tánon wahontenikonhró꞉ri tánon iorihowánens tsi ní꞉ioht tsi wakonhwawíhon ne rahotiʼní꞉io Dagon. Wathatirihwahkwáhnion, “Nonhkwahní꞉io tahiónhtson natesehniétsera tsi nòkwah ne sonhkwáhsons Samson!”