Hosea 2:4 - Ohiatonhseratokénti

⁴ Rononhà꞉ke ó꞉ni nakohiookónhas kwáh iáh tahontsiéntake ne kenténhron, tiorì꞉wa tsi ne akohiookónhas ne watenakwahiesátha.

Hosea 2:4 ပူးပေါင်းရင်းမြစ်များ

2 Kings 9:22

“Skénʼnon kén shá꞉wi tsi wá꞉sewe?” ne Joram wahorihwanóntonse. “Onʼní꞉ioht tsi skénnen akénhake,” ne Jehu watarihwaseráko, “tsi shé꞉kon akwé꞉kon ionkwatienawástons natahennarátseras ó꞉ni ne kaiatonhnisónhas nètho sanisténha Jezebel tsotásawen?”

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Isaiah 50:1

Né aoríhwa rá꞉ton ne Roiá꞉ner: Kaʼnónwe nikáien ne sanisténha akohiaʼtónsera ne tetiontekhaʼshátha né tsi í꞉seh ieshékhere ne sanisténha nakonháke? Khés ká꞉ton kén ónhkak tsi nihá꞉ti ne khekaròtani ronón꞉ha ne wakheiathenhnínonse ní꞉se? Iáh, né wakarihónhni ne sarihwaneraháktsheras tsi wahesathenhnínon, tánon né꞉ne saterihwatewatónhtsheras wakarihónhni ne sanisténha tsi wahontateʼnhó꞉ton.

Isaiah 57:3

Ók kí ní꞉se, kén꞉en nontá꞉se, í꞉se ietsiʼienʼokónhas ne konthenhénhnaras, í꞉se né ietsiʼienʼokónhas ne rontenakwahiesáthas tánon ne konthohkóktha

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 16:5

“Iáh teshá꞉wenk ne iashatáwehiaʼte ne kanónhskon tsi nónhwe ne iakohtʼtsiónnion. Tó꞉sa ónhka sehnikonhrahnírat. Iáh ónen tiahonshakatahsóntheren nahonsatkhehiathatérisʼte nakonhkwetahshón꞉a ne skénnen tó꞉ka ó꞉ni nakhenésten ne kanoronkwáhtshera ó꞉ni nathaniténron.

Ezekiel 23:25

Tsioríwah tsi konhnhákwahse, kwáh enkheríhon raothinahkwahtsherákon ne ronónha kén niahiesáiere. Kwáh enhieshanionshá꞉ke ó꞉ni enhiesahontsáhke tánon ensakotinonhwahrhiákon ne sehienokónha. Hén, ienshakothihiaténhawe ne sanekenteronhtsherasónha ó꞉ni ne sahiathatshesehrasónha enhiesáhkwah tánon tiehonónhnheke enshakonahtsiatátʼtsahate.

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Ezekiel 9:10

Ók kwáh kíʼ iáh tatkhétenreh; thóh nenhkheiérahse tsi kíʼ nishakothiʼiéraseh nakorénsons.”

Hosea 1:2

Nó꞉nen ne Roiá꞉ner shontonhtsérenhte wahatá꞉ti rahonhà꞉ke ne Hosea, ne Roiá꞉ner wahawénhase ne Hosea, “Wás, ne sathateniatʼthen ne wathenawaiesátha tánon ne sawiraientháseron ne kontenakwahiesátha, asè꞉ken ne tsi ionhontsá꞉te ne ioterihwathéntion ne kowá꞉nen kanakwahieshá꞉tshera ne tsi ronwatewentéton ne Roiá꞉ner.”

Hosea 1:6

Ne Gomer shé꞉kon ó꞉ia saiowiraiéntane iekshá꞉a nón꞉wa. Ethò꞉ne ne Roiá꞉ner wahawénhase, “Lo-ruhamah shenátont, asè꞉ken iáh kí ó꞉nen shé꞉kon tahonshaketenhre nonkweshón꞉as Israerró꞉nonhke khés nahonshakhenikonrénhse.

Hosea 5:7

Tsi nihonatié꞉ren iáh tehotirihwathó꞉kenʼne rahonhà꞉ke ne Roiá꞉ner; asè꞉ken tsi sakonanahkerátston ne ratitsaokónhas iáh kaianerenhseratè꞉ken ó꞉nen kí norákwahse kwáh enhiakotónhte skátne ne kahentà꞉kes.

Zechariah 1:12

Ethò꞉ne shahèn꞉ron ne raronhiakeró꞉non, “Shatstenhserowá꞉nen Saiá꞉ner, sehnhakwáhsehne ne Jerusalem ó꞉ni ne kanhatowá꞉nens ne Judah ne꞉ne ó꞉nen tsá꞉ta-niwáhsen nihioseráhke. Tóh꞉shekon nenhkarihwéson nohénton nahshenatónhase nahthaniténron?”

John 8:41

Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

Romans 11:22

Kénhen tewatkáthos tsi nithoriwaiéri tánon ó꞉ni tsi nihaniakátste ne Rawenni꞉io. Kwáh íken tsi sakoteniakastátis tsi niháti ne rhothiriwáneren, nók thoriwaiéri nisèke—tòhka iensatasónteren tsi nòkwati ne rahononronkwatserákon. Nók tòhka iáh, í꞉se ó꞉ni eniahiákse.

Romans 9:18

Nekáti, tòhka ne Rawenni꞉io enhaskáneke naréneste nónkak asakótenre, ehnihaiéra, tánon tòhka enhaskáneke nónkak aiontenikonrátsate, ehnihaiéra.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.