Hosea 2:20 - Ohiatonhseratokénti

²⁰ Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Hosea 2:20 ပူးပေါင်းရင်းမြစ်များ

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

1 Sawátis 4:6

Nók Ni꞉io ní꞉i rahonkwetaʼsónhas. Tsi niʼiákon ne iakoteriéntare neh ní꞉ioht sonkwatahónshatats ne Rawenni꞉io; ónka ne iáh Rawenni꞉io tehaʼonkwetasónha kwá iáh thènen teionkihʼiatahónsate. Kén káti ní꞉ioht tsi entewakwéni nahitewatróri tsi natetsatʼthíhen ne onikonróskon nʼoriwí꞉io tánon ne onikónra ne tewaterientawénrhie.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

Hosea 2:19

Tánon í꞉se kí꞉ken tsi sathonwí꞉sen tethenitéron ensáton né꞉ne tsi nén꞉we enkénhake; kwáh karihwakwahrishiontserá꞉kon tánon entkarihwaié꞉rike, ó꞉ni enhiorihwatokénhake kanoronkwáhtshera, tánon kentenhratsherá꞉kon.

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

John 8:55

Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Ezekiel 38:23

Thóh ki ní꞉ioht tsi enhkheʼienésten nonhkweshón꞉ʼas tsi keshástsʼte tánon watiatatokénti. Ethòne enhonahteriéntarahne tsi Í꞉i ne Watiá꞉ner.”

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

2 Timothy 1:12

tánon neh kíʼ ahoríhwah wahkeronhiáken kí꞉ken nahorihoténsons. Onk sékon kíʼ wahkenikonraníron, tioríhwah wahkateriéntare ónhka thiʼietákwen, tánon kwáh orihwí꞉io wahkónni rohkwénion nahatiatanónstathe tsi nióre ne tewenniseráte tsi nahóten rakeniahesáʼon.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Luke 10:22

Akȣekon Rakenineha nitiaȣenon tsinikon ȣakien; nok iah onka tehonȣaienteri ne Roienha neok ne Roniha; iah oni onka tehonȣaienteri ne Roniha neok ne Roienha, tanon tokat onkakiok ensakororike ne Roienha.

Hosea 13:4

Eʼthó꞉sane rí꞉ken ne Roiá꞉ner Saní꞉io í꞉ken kwáh tsi náhe sitionhontsá꞉ien ne Egypt; iáh ónhka tetsienhtéri ne Rawenni꞉io akénhake kwáh nek khók ní꞉i, tánon tsi nokwá꞉ti ní꞉i iáh teká꞉ien nakó꞉ren ahonshasakohiatakwáhseke.

Hosea 6:6

Asè꞉ken ne wakaskanékon ne iorihwató꞉ken kanoronkwáhtshera iáh ne kariwiioseokónhas, né꞉ne raothokhá꞉tshera ne Rawenni꞉io tsi ní꞉ioht ne wateskónte ahiontʼtatʼtse.

Hebrews 8:11

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tiorí꞉wa tsi ratiʼkwé꞉kon enhiontienteríhake, né꞉ne kwáh kenk nahiesénnaske tsi nió꞉re ne kwáh tsiaʼkotsénnahthe.

Isaiah 62:4

Ní꞉se kwáh iáh shé꞉kon ne tahonsaʼiesanatónkwahke Iesatewenhtéton, tánon né shonhóntsa iáh shé꞉kon ne tahonsakonwanatónhkwahke iáh othènon Tekarihwástha; ók ní꞉se ne eniesanátonhkwe Nakatonnarátshera Ahonháke Kaien, tánon né shonhontsáke né꞉ne enkonwanatón꞉kwahke Ioniá꞉kon; asèken né Roiá꞉ner rawerientí꞉ios shonhàke, tánon né shonhontsáke kwáh kí enhioniá꞉konhke.

Jeremiah 32:41

Kwáh akatʼtsennionniatseráhkon tsi nenhkhehiatsiérahse ne iohiáneres, tánon kwáh iehiokonhtákwen tsi enkhétheron ne kén nónhwe nihionhóntsaien.

Ezekiel 16:8

“Tsi wakató꞉hetste, Wakatkátho tsi ónenh iatekaiéri tsi nitisáhion nahisáhniake. Tsi sanhéok thí꞉ken akatewehiárah wakonhiatáwiʼthe tánon wakonhiarahrátsten tsi enkonhnóronhkwe. Hén, wakónhni ne kaniákʼtsera ateriwahsehronhniáʼtshera ne sonháke, tánon Í꞉i akonhkwéta wahshá꞉ton.” Ne kíʼ tsi nahó꞉ten ne Ronhnontí꞉io Roiá꞉ner ráton.

Genesis 9:10

tánon kwáh tsi niaʼtewatonhnhnehtsherá꞉ke ne sewakwé꞉kon, notsiʼtenʼokón꞉ʼas ó꞉ni ne ienáhskwaiens—kwáh tsi niaʼtehá꞉ti ne kontírioʼs ne tsi ionhwentsá꞉te ne skátne sewaiaʼtí꞉tahkwe ne kahón꞉wakon tánon ne skátne sesewatitáhko ne kahón꞉wakon, tsi nihá꞉ti ne sahontitáhko ne kahón꞉wakon tánon tsi nihá꞉ti nenhonnónhnheke ne tsi ionhwentsá꞉te né kén꞉ʼen eniótiehteʼ.

Leviticus 26:5

Ne saientʼthótseras thóh nióre tsi enwesóhake kwáh shé꞉kon enshenatsiʼiákseʼke nó꞉nen ienkáhewe nasenenharáko, tánon shé꞉kon senenharakwáseke tsi ienskáhewe nahonshasenatsaiéntʼtho. Kwáh thóh tsi nenhkónhake tsi niatahisaiériʼse ná꞉sehke tsi naʼtesatonhontsóni, tánon skenenhkówat tsi ní꞉ioht tsi ensiterónhthake ne sonhontsáke.

Leviticus 26:6

“Entkwáhion ne skénnen íken ne tionhontsáke, tánon enwáton nahisewénhtawe ne kwáh iáh ónhka tahietsitsanísehke. Kwáh éhren henkhehiatenháwite ne konhtisehró꞉hens katshénens ne tsi ionhontsáien, tánon iáh shé꞉kon tahonsakaiénthake naterihióseras né nónhwe.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Ezekiel 16:62

Tánon kwáh enskeriwahnírahte nateriwahseronhniátshera tsi natetiátere, tánon kwáh enshaterentárahne tsi Í꞉i ne Watiá꞉ner.

Ezekiel 34:25

Kwáh entsianerensehrónhni tsi natehiakwáhtere né꞉ne enkariwahnírahte ne rahotihiatanonhstátʼtshera. Kwáh è꞉ren enkhehiatenháwite ne konhtisehró꞉hens katshénenhs ne tsi ionwenhtsáte, káti né nahónton nakhitsenenhókonhs teiotinakarónhtonhs skénhnonk tsi akonhnónhnheke ne kahentákes ó꞉ni nahiotíthawe ne karahkónhsonhs.

Ezekiel 34:27

Ne karonhtasónhas enwahianihionthónhnion, ne kahenthákes kaientó꞉tshera enhtkhánio, tánon onhkwetaʼkwékon skénhnonhk tsi enhiakónhnheke ne rahononhontsáke. Nónenh tenhtsiáke nakonhkwetashón꞉ʼas rahothironhkwásas tánon ensekʼkhehiátʼkaʼwe nahonsahonthatewenhní꞉ione tsi nihonwahtinaskónhniʼne, ethòne enhonateriéntarahne tsi Í꞉i ne Watiá꞉ner.

Micah 4:3

Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”