Hosea 2:18 - Ohiatonhseratokénti

¹⁸ Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Hosea 2:18 ပူးပေါင်းရင်းမြစ်များ

Job Tánon ne Raoronhiakensera 5:22

Ne atkaronhniátshera tánon natonhkarhià꞉kon ní꞉se kwáh kí entsté꞉riste, tánon iáh thasetsaní꞉sehke ne kontí꞉rios ne tsi ionwenhtsá꞉te.

Job Tánon ne Raoronhiakensera 5:23

Ní꞉se kwáh entsatsianerenhserón꞉ni noneniaʼshón꞉as ne kahentá꞉kes; tánon ne kontí꞉rios kwáh iáh thataiesaʼnikónhraren.

Psalms 148:10

Kontírios tánon kontikwékon ne tionhnónskwahrons, ne kontéseres nikontiʼiatóthens tánon ne kontítses otsithenʼokónhas!

Psalms 23:2

Raʼkerihwáʼwis thóh nón꞉we nakatorísen tsi nón꞉we nikahentí꞉ios; ienhakkéntenhse ákta ne tsi watnekíne ne kanekí꞉io;

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Isaiah 2:17

Ne iontatkowanátha onhkweʼó꞉kons kwáh kí ehʼtàke enshonwenhnónhni, tánon tsi nihiontatónhni onhkwetakwékon kwáh kí ehʼtàke entiónhton; tánon iatehahiáti ne Roiá꞉ner kwáh éhʼneken enhonhiónhni nètho enwenhniseráteke.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 26:1

Né éhʼtho entewenniseráteʼke kí꞉ken karénhna kwáh thenkarihwá꞉kwenh ne tsi watonhontsáien ne Judah: Kashátste nonkwahnáta; rakétskwas natesenhniétshera tsi ní꞉ioht ne wathenhenró꞉tons tánon ne kanikató꞉tons.

Isaiah 32:18

Nakonkwetaʼshón꞉has ne enhiakotsenawástonke ne skénnonk tsi aienákereke, né꞉ne kwáh ioriwí꞉io tsi aieterón꞉take, tánon tsi nón꞉we ne sák thí꞉ken iothorihsenhtákwah iokwénhrare í꞉ken.

Isaiah 54:5

Asèken ne Iaiatíson né꞉ne teseníteron í꞉ken, ne Sakoiá꞉ner ne ratiʼronhiakeró꞉nons né kí raoʼsénhna í꞉ken; Né꞉ne Roʼiatatokénti Énska í꞉ken NʼIsraerʼronónke né꞉ne shiaʼiatákwen, né Rawenni꞉io í꞉ken nonhontsaʼkwékon né ronhwanatónhkwah.

Isaiah 65:25

Nokwáho tánon né teiotinakaronhtónha owí꞉ra kwáh kí skát꞉ne tsi thenonatskahontiéseʼke, né kénreks kwáh thóh ní꞉ioht tsi enkawahetseráke tsi kí ní꞉ioht né tionónskwahron teonákares; ók nóniare—naókwha okénhra nenhnéʼe enkénhake! Kwáh iáh tahiakotikaréwaʼte khés naiakonátonhte ratiʼkwékon nakenontatokentíke, rá꞉ton ne Roiá꞉ner.

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Jeremiah 33:16

Nonhkweshón꞉a ne Judah nónhwe ó꞉ni ne Jerusalem kwáh enshatiʼniákenʼne tánon kwáh skénnenh tsi enshathináhkerehke. Ne kanahthowáhnenh ne enkonhwahnahtónkwahke ne ‘Roiá꞉ner Onkwahiathaʼkeʼnhátshera.’

Ezekiel 34:25

Kwáh entsianerensehrónhni tsi natehiakwáhtere né꞉ne enkariwahnírahte ne rahotihiatanonhstátʼtshera. Kwáh è꞉ren enkhehiatenháwite ne konhtisehró꞉hens katshénenhs ne tsi ionwenhtsáte, káti né nahónton nakhitsenenhókonhs teiotinakarónhtonhs skénhnonk tsi akonhnónhnheke ne kahentákes ó꞉ni nahiotíthawe ne karahkónhsonhs.

Ezekiel 39:1

Ne Ronhnontí꞉io Roiá꞉ner wahénron, “Rónhkwe iaiénha, tiatotháro ne Gog, né rahkorahsehrakweʼní꞉io ne Meshech nónhwe ó꞉ni ne Tubal, tánon tsró꞉ri tsi Í꞉i ne teiatsatátʼtsions.

Zechariah 14:4

Ne thóh nenhkahá꞉wike tsi ionónhte ne Olives nón꞉we natenhátahne, né꞉ne tsitkarahkwí꞉nekens nokwá꞉ti ne Jerusalem. Ethò꞉ne ne tsi iohnónhte ne Olives tenwahtó꞉ren tsitkarahkwí꞉nekens tsi nió꞉re ne tsi iaʼtewatséntos kowá꞉nenh ahonráhkwakon enwá꞉ton. Sahtehionnonhtí꞉en othorè꞉ke nienkaié꞉rahte nenhiotáhtere entiè꞉ne ne nienhkaié꞉rahte.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Zechariah 2:11

Ne thóh nenhkahá꞉wike iakotiohkowá꞉nen rahonhà꞉ke ne Roiá꞉ner niénhien tánon rahonkwè꞉tah enhiónton. Skátke entewenterontake, tánon ensehwaterienʼtá꞉rahne tsi raónha thakató꞉rion ne tionhá꞉ke.

Zechariah 3:10

Nó꞉nen enwáhwe né꞉tho enhní꞉sera, kwáh tsi sewahiatáttion enhiettsihónkaron ne tesehwanonhshanéken nahontahón꞉ne tánon nahontónnharen ne skén꞉non ó꞉ni ne ioriwahní꞉ron, ne tehiowá꞉nenh ne onénhare ó꞉ni ne wisonkó꞉wahs karontaʼshón꞉as.”

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”