Hosea 2:13 - Ohiatonhseratokénti

¹³ Kwáh entréwate tsi nihonnenhtanorónsthas ne Baals, nó꞉nen eniakotatʼtse ne kaienkwahrákons tánon ne enwatstánion nahonisnonsawishón꞉as tánon ne kawistanoronshón꞉as, tánon wahakoseréhson naoskareshón꞉as, tánon onhtsatanikónhren ní꞉i, rá꞉ton ne Roiá꞉ner.

Hosea 2:13 ပူးပေါင်းရင်းမြစ်များ

2 Kings 1:2

Né Ronhnonhtí꞉io Ahaziah ne Israerʼró꞉nonke tsi ioskwénhnonte ne karonhkwénake ne tsi ronónhsohte tahahiáthenhne né꞉ne Samaria nónhwe tánon kwáh thóh tsi nahokaréwathe. Káti tó꞉ka niháti ne ratirihwakaré꞉nies iashakotóri nahonwanikonhrisákʼkha ne Baalzebub, né sakoní꞉io í꞉ken ne Philistine ne tsi kanatowanénke né꞉ne Ekron nónhwe,

2 Kings 10:28

Thóh ká꞉ti ní꞉ioht ne Jehu tsi rorihwathónton tsi nikonwasénhnaienskwe ne Baal Nisraeʼró꞉nonke nónhwe.

2 Kings 21:3

Sahrón꞉niáʼnion ne tsi konwaʼtisennaientákwahs ne kaiatonniʼshón꞉ʼas né꞉ne ronikén꞉en Hezekiah rorihwaʼtón꞉ton; waʼrón꞉ni ne ietienharákwah né nahonwaʼsén꞉naien ne Baal tánon wahaiatonniserónʼni ne kaní꞉io Asherah, kwáh kíʼ tsi niʼoiéren ne Ronnontí꞉iokwe Ahab Nisraeʼró꞉nonke. Né Manasseh kwáh ó꞉ni shakosén꞉naiensʼkwe ne otsistokwahsónhas.

Job Tánon ne Raoronhiakensera 8:13

Thóh nihotihahóthens ratikwé꞉kon nón꞉ka enhonwahiatanikónren ne Rawenni꞉io; ahiawenhskénhen ne iáh teotinihioserá꞉ien kwáh ahatihiathá꞉ton.

Psalms 106:13

Ók iostóre sahotinikonhrénhseron ne raohiothénhseras; iáh teonaterahrá꞉ton nasakothenhnikónhron.

Psalms 106:21

Waʼhonwaʼhiatanikónhren ne Rawenni꞉io, ne seshakoskontákwen, tsi rahónha ne iorihowáʼnenhs rohiothénhen ne Egypt nón꞉we,

Psalms 78:11

Rotinikonhrénhen tsi nahoténsons roioténhen, tánon ne iorihwanerakwahténions sakonatón꞉ni.

Exodus 32:34

Wáhs kíʼ ó꞉nen, sehhéntes nonhkweshón꞉ʼa né tsi tewatenáhtaien tsi ní꞉ioht tsi konhró꞉ri. Sehiárak akeronhiaʼkerónonh enhiaʼhéntenhse, ók ienkáhewe nónen kwáh enkheréwathe kí꞉ken onhkweshón꞉ʼa tsi nihotiriwáneren.”

Isaiah 17:10

Asèken ní꞉se tsiatanikonhrénhen ne Ní꞉io ne ne sahiatakenátshera í꞉ken, tánon iáh tesèhiare nosténhra ne tsi sathasehtákwah; né kí aoríhwa, iawerohátien tsi ne saientʼthótons ne kahonwarí꞉ios tánon sakwahtakwenhátons ne kaiataterítsheras ne raotirihwákes ne tiʼononhontsátes niʼioʼokónhas,

Isaiah 65:7

Saiatatónhtshera ó꞉ni né raotiʼiathatónhtsheras ne sakotisotʼthonkonhkénʼen iaʼthenkarihwaiéstonhke, rá꞉ton né Roiá꞉ner; tsioríhwa tsi wahontsienkwahrón꞉niaʼte né tsi ionontarónhnions tánon wahontʼkenrenhserónh꞉ni né tsi ionhniarónh꞉nions, kwáh kí èhthoh enskatenienhténhnion éhneken tsi rotikwíshoʼte enkahkaʼrhiaktseranáhnonʼke tsi nihatiweiennó꞉tens.

Jeremiah 11:13

Nonhkweshón꞉a ne Judah tóh níkons rothiniʼioseráiens tsi kíʼ níkon rotiʼnataiénton ne kanatowánenhs, tánon ne ienakeréhnion ne Jerusalem kwáh eh nihiawetatʼtsáni tsi rothikétskwen ne ietsienharáhkwa naʼkonwahtienkwaronniáten nètho iáh tehiotehensehráien ní꞉io Baal tsi kíʼ níkonhs tekanatokenháton ne kanatowánenh.

Jeremiah 18:15

Kíʼ ó꞉ni nakonhkwetaʼshón꞉a kwáh hiontiatanikonhrénhen; wahontsaʼáhte ne wenhnekeráhkon ne nakonhwaʼnahtsienkwahronniáten ne kahiatonnisónhas. Tahoʼnahshítiaʼke tsi ronthahíʼne, tsi nienhónʼne; iáh ónen theshatísehre norihwahkáhions; thóh nónhwe nihónʼne tsi nónhwe ne iáh tehiohiánahre.

Jeremiah 2:32

Ne iónkwe kén nitiohiónha ionikónhres kén ne ahowistahnorohsónhas, khés ne ioniáhkhe nahotierónniat ne enhióniaskte ne iakoniasta natseronniat? Ók nahiothónʼon nahonsehtonke nakonhkwetahshón꞉ʼa sénha wéso wenhnisehráhke ionkenikonhrénʼen.

Jeremiah 23:2

Ne kíʼ tsi nahó꞉ten ne Roiá꞉ner, ne shaʼkoʼNí꞉io ne Israerʼró꞉nons, ráton tsi nòkwah ne ratikóras ne tsi rohnónha kaientákwen nashaʼkonatennikonhráhren ne rahonkwetashón꞉a: “Iáh teietʼtsiʼhiatennikonhraráhton nakonkwetaʼshón꞉a; wahtsishiʼhiaréniaʼte tánon wahitsihiatékwahte. Ónenh kíʼ enkwahréwahte tsi nihioriwáhtsani tsi ne sehwáhiereh.

Jeremiah 7:34

Nonhwénhtsia kwáh karáhkon enwáhthon. Ne tsi kanahthowáhnenhs ne Judah ó꞉ni ne kanahthakónhsons ne Jerusalem entiáhke tsi nihiotʼtsiaró꞉kwen ne atʼtiennonhniátshera ó꞉ni ne atonnharáhtsheras tánon tsi nihionwéhsen tsi nihiontʼtsiarokwáhtha ne wahténniothe kakʼkwáhere.

Jeremiah 7:9

Nensehnénhsko, nensehiasehthe, nenshá꞉tenahkwaieshá꞉the, nenshá꞉nowenhte nónenh sahriwahniráton, tánon nentiatienkwaronniáten ne Baal, ó꞉ni nensehsénnaien ne kahiatónnis ne iáh tesehienteríhʼne ne tiotierénton.

Lamentations 1:4

Iáh ó꞉nen ónka tatetionterennaiénnes nononsatokentíke nawentatokentíkes Ne nitiotihiónsas ne thóhnon natekontiriwáhkwakwe konwatiʼiatinekénhen, tánon ne rathitsihénstatsis kwáh nèn꞉ne thotinikonrén꞉en. Tsi iotenhenrentónnions ne kanátakons kwáh tsatehiotenonhóntions, tánon ne Zion kwáh íken tsi ioronʼiáken.

Lamentations 5:14

Ne rohtitstenhokónhas iáh ó꞉nen áktha tesóntsiens tsi iotenhenrénthon neh kanátakon, tánon ne kenʼnithothihiónsas iáh ó꞉nen tesontherennónnis.

Ezekiel 16:12

Takónhion ne sehnionshá꞉ke tashatewáhsaren ó꞉ni ne shahontáhke ateʼwáh꞉sares ó꞉ni ne ioiánere anónhwahroʼre ashanonhwároʼrohke.

Ezekiel 16:17

Iaháshawe ne owistanóronhs ó꞉ni ne kawistaráhkens ne tkhonhiáwi, ne wahshástste ne ashatatsiathonnisehrónhnien ne rónhkwe tahonshahiatiérenhke, tánon né wahshastswáhtakwe nahitsatenahkwahiesathá꞉kwe.

Ezekiel 22:12

Ótiakes ne shonkwetaʼshónha ronatkárhiase tsi ensakonáhsehte. Ótiakes rathikarháiens ne wahtehiárons nenshakotiwístani ne ótiakes Nisraeró꞉nonhs tánon rothikwáhtses tsi nishakonahteniakatsʼténhni. Ionkenikonhrénhen.” Ne Ronhnontí꞉io Roiá꞉ner wahatáti.

Ezekiel 23:35

Nónhwa kén nahó꞉ten ne Ronhnontí꞉io Roiá꞉ner ratónhnions, “Tsioríwa tsi wastsiatanikónhren tánon waskatswahthénien, ensharonhiákente ne naskanékʼtshera tánon ne sariwahiathathóntshera.”

Hosea 11:2

Sénha ienkhená꞉ton, sénha kí éhren enhónhnete nakonháke; iehotikonhtákwen ne konwateskontáni Baals, tánon kahiatón꞉ni ne konwatsienkwaronhniathénis.

Hosea 13:1

Nó꞉nen ne Ephraim enhatháti, watsiahontsíshonkwe; rasenhnowanénkwe ne Israerró꞉nonhke; ók wahatatsatotares꞉te ne kanhí꞉tsera rahonhà꞉ke ne Baal tánon warenhéie.

Hosea 13:6

Nó꞉nen sakhenón꞉te, kwáh kí wahonáthane; wahonerientí꞉io, tánon wahoneriasí꞉ione; ne káti aorì꞉wa wahontsatanikónhren.

Hosea 2:5

Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Hosea 2:7

Kwáh kí enhiakósere ne naoskareshón꞉as, ók iáh kí tsahiakononhtérane; tánon kwáh ki enhiakoiatishakʼkon, ók iáh ki tahiakoiatatʼtsénhri. Ethò꞉ne kí kwáh enkénron, “Kwáh kí é꞉tho iénske ne tsi thénhteron ne tiotierénhton wakeniá꞉konhne, asè꞉ken kwáh í꞉ken tsi ioiánerehkwe nakerihwasonháskwe né꞉tho sikahá꞉wikwe tsi nón꞉wa ní꞉ioht.”

Hosea 4:13

Ronteskontʼtas nonotoharakéhsons, tánon rontsienkwahronhniáta ne tsi ionhniarónhnions, né꞉ne noronthonkónsons karíhtons, ó꞉ni nonentakwenhtetsheró꞉kons, tánon karontó꞉kon ne takoskó꞉wa, tiorì꞉wa tsi niioiánere tsi nikarakwaweróstha. Ne káti aorì꞉wa ne saiatasetsherashón꞉as ne wakóntswate nakontenakwaiésathe, tánon ne shehionhsáfas wakontenakwaiésate nonhné꞉e

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Hosea 8:14

Ne Israerʼró꞉nons ronwahiatanikonrénhen ne sakoiatí꞉shon, tánon kanonsanó꞉rons ronatenonshonhniá꞉nion; tánon ne Judah wé꞉so nenhʼné꞉e tsi iakaiestánion watkanatanakʼkon ne kanatowanénkens; ók ó꞉tsire kí nenhné꞉e ienkaténiete nahonatákons, tánon enwatsahathánion ne tsi wathenhenró꞉tons.

Hosea 9:7

Nawenhní꞉sera ne karewatháhtshera nó꞉nen ónhwe, nawenhní꞉seras naonsaiesaié꞉ristse ó꞉nen ón꞉we; Nisrael tewaséntʼtos, “Ne rotokénhse thotonhnotʼte, ne rón꞉kwe ne roshatstenhserowá꞉nen ronakwénhen!” Tiorì꞉wa tsi nikowá꞉nen ne sewarihwaneraháktshera, tsi natehiotenonhianì꞉ton tsi nisateriwát꞉satha.

Amos 8:10

Kwáh né꞉e thetʼténiete tsi nisewathenhniotʼtha nahonsehsewatʼtiónhnion, tánon akwé꞉kon ne sewarenhnashón꞉as kaʼnikonratsénhtsera ienwáton; Kwáh sewakwé꞉kon ká꞉iare ensewatseronhniá꞉te, tánon sewakwé꞉kon ensewathatenónhkare; Kwáh ne entionhniáte tsi ensewatiónhnion tsi shí꞉ken ní꞉ioht nenskát꞉khok sewanekenteronhtseraiéntakwe ne rawenhé꞉ion, tánon ne tsi ieiotot꞉te kwáh né꞉ne wenhniserát꞉sen í꞉ken.

Deuteronomy 32:18

Wahonwahiathanikónhren ne Rawenni꞉io, ne rahonáwenk shakohiathákwas, tsi niká꞉ien ne teshakó꞉wi natónnhets.

Deuteronomy 6:12

orihwí꞉io tsónhni tsi iáh thatsisewahiaʼtanikónhren ne Roiá꞉ner tsi raónha setsisewaniaʼkénhton ne Egypt nón꞉we, tsi thóh nón꞉we ietsinaskónhniskwe.

Judges 10:6

Shé꞉kon kíʼ á꞉re nʼIsraerʼró꞉nons sahatirihwánerake tsi nòkwah ne Roiá꞉ner tsi konwatisénhnaiens ne Baal tánon ne Astartes, kwáh satehioiánere tsi ní꞉ioht tsi konhwatisénhnaiens ne Syria ahoniʼiohokónhas, ne Sidon, ne Moab, ne Ammon, ne Philistia. Wahonwatiathonhthákwahse ne Roiá꞉ner tanon wahóntkaʼwe tsi ronhwasénhnaiens.

Judges 3:7

Nonhkweshón꞉as Nisraerró꞉nonhke wahonwahiathanikónhren ne Roiá꞉ner Rahotiní꞉io; wahatirihwánerake tsi nòkwah ne rahónha tánon wakonhwatisénhnaien nahohiatonhnisónhas ne Baal ó꞉ni ne Asherah.

1 Samuel 12:9

Ók iáh othènen karí꞉wa tehonhiónhni ne Roiá꞉ner Raotiní꞉io; tánon ne Roiá꞉ner iashakotsakwarísi thóh tánon wasakórion áhsen nihá꞉ti niahonwanatsiatónti né꞉ne Sisera ne ranenrakwení꞉iokwe ne ronterí꞉ios ne Hazor, tánon ne Philistines, tánon ronontí꞉io ne Moab.