Hosea 13:9 - Ohiatonhseratokénti

⁹ Kwáh enkonhiatónhte, O Israel; ónhka aiekwé꞉ni naiesaiatakéna? Asè꞉ken í꞉i ne saienawaséhtshera í꞉ken.

Hosea 13:9 ပူးပေါင်းရင်းမြစ်များ

2 Chronicles 28:23

Né washakótatʼtse nashakoteskóntʼtaʼse ne raotiní꞉ios ne Syriaró꞉nons, tsi nikáien ne ronhwasénhnion. Wahénron, “Né Syriaró꞉nons aoniʼiohókons ronhwaiénawaʼse ne ronnontí꞉ioʼkwe ne Syriaró꞉non, ká꞉ti tokáʼa akhehiateskónt꞉thaʼse, nontiérenk í꞉i ó꞉ni enhionksniénon.” Kakaronhniátsera tahonwahawítaʼse ó꞉ni ne rahonkwetashón꞉as.

Psalms 146:5

Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

Psalms 33:20

Nonkwatónnhets Roiá꞉ner ró꞉rahre; rahónha nonkwahiatakenátshera í꞉ken tánon ne tewatrenhosthákwah.

Psalms 46:1

Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Proverbs 8:36

Nónhka iáh thaiontiaʼtatshén꞉ri eniontatkarón꞉ni; nónhka iónkswenhs konwanorónhkhwa ne kenhé꞉ion.”

Isaiah 3:11

Enshontateriwásten ne rotiníkon! Tsioríwa oriwiioʼónwe tsi enwahekʼkénhake ne raotiʼriwàke, asèken ne ne ratitsanáke tsi nihioioténhen.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 4:18

Judah, kwáh iasatátkwahse ne tsi ní꞉ioht tsi sonnhétieʼne tánon tsi nikarihoténsons tsi nishatieráhnion. Sahriwahneraháktshera kí꞉ken éhtho nahkásah ne karonhiakénsehra; kwáh wahthisehrhiasháwehesthe.

Jeremiah 5:25

Khéʼkenk, ne sewahriwahnerahákʼtsheras tahiónʼneke kí꞉ken ioiáneres ne tionháke.

Hosea 13:4

Eʼthó꞉sane rí꞉ken ne Roiá꞉ner Saní꞉io í꞉ken kwáh tsi náhe sitionhontsá꞉ien ne Egypt; iáh ónhka tetsienhtéri ne Rawenni꞉io akénhake kwáh nek khók ní꞉i, tánon tsi nokwá꞉ti ní꞉i iáh teká꞉ien nakó꞉ren ahonshasakohiatakwáhseke.

Hosea 14:1

Tonhtásehwe, O Israel, rahonhà꞉ke ne Roiá꞉ner Sewaní꞉io, asè꞉ken tesewarakwénhtaras ne karihón꞉nis sehwarihwaneraháktshera.

Hosea 7:14

Tsi tehonséntʼtos iáh raoneriáne nón꞉we tetewétha, tsaʼtehotihenrétha ne rahotináktake; rontatrenánions né꞉ne onátsas tánon onenharákeri tkarihónhnis; ionkewenhnón꞉tses.

Hosea 7:15

Í꞉i seh kherihonnién꞉ni ó꞉ni keshatstenhserá꞉wi ne ronterihiosthákwas, ne kík sahka wahétken tsi wahontenikonrónni tsi nokwáh ní꞉i.

Malachi 1:12

Ók í꞉se iáh tesewakweniènhston tsi wesewén꞉ron ne Roiá꞉ner raotekhwá꞉ra tánon ne kahikshón꞉ʼa tsi tekenʼtsónhston; iaʼkaníhane ne kákhwa iáh tekakweniènhston.

Malachi 1:13

“Tsi naʼteiohwihshenhé꞉iaʼt kí꞉ken,” ní꞉se sewá꞉ton, tánon í꞉se takatehswáhtha, Rá꞉ton ne Sakoiá꞉ner ne ratironhiaʼkehró꞉nonʼs. Ne táhshawe tsi nahó꞉ten ne iotkarewáhton khehs ne watshinoʼkáhtha khehs ne iononhwáktani, tánon ne kí꞉ken táhshawe naontáhshiehste! Kwáh kenh ne atié꞉na ne sahtsaʼnà꞉ke naontá꞉we? Rá꞉ton ne Sakoiá꞉ner ne ratironhiaʼkehró꞉nonʼs.

Malachi 1:9

Tánon ó꞉nen saní꞉tenht ne raoiaʼtateríhtshera ne Rawenni꞉io, ne nahón꞉ton ahotanitén꞉ronke nontionhá꞉ke. Kwáh í꞉se sewahtsaʼnà꞉keʼs tesewatathawíhten kí꞉ken. Kwáh kenh ahré꞉nehsteʼ ne kaiaʼtateríhtshera ne tsik ónhka akénhake? Rá꞉ton ne Sakoiá꞉ner ne ratironhiaʼkehró꞉nonʼs.

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.