Hosea 13:3 - Ohiatonhseratokénti

³ Eʼthó káti kwáh thóh nenhatihiató꞉theken tsi ní꞉ioht noronhnekéha iahonhawí꞉non khés kwáh né꞉ne iohawéien ne iostó꞉re teskahawehiákwah, tsi ní꞉ioht ne kawá꞉he kwáh skenénha kátses noskwenhkarà꞉ke ne tsi iethetáhkwa khés ne tsioienkwahró꞉te tsi tekatsiserá꞉ton.

Hosea 13:3 ပူးပေါင်းရင်းမြစ်များ

Job Tánon ne Raoronhiakensera 21:18

Asè꞉ken ne ronónha thóh nahiotón꞉hake tsi ní꞉ioht ne kawá꞉he ne tsi iówerare, tánon tsi ní꞉ioht nosehwaséhri tsi iahó꞉te iaʼkáhawe.

Job Tánon ne Raoronhiakensera 30:15

Kateronkwáhtshera tontaionkehró꞉roke; nakatkwenienstatiéra tsi ní꞉ioht ne owéron iaʼká꞉hawe nakatesenhnietiéra ontó꞉hetste tsi ní꞉ioht ne otsáta.

Psalms 1:4

Ók ne rotirihwáneren iáh né èhʼthoh tèhiot, né꞉ne teshontiéren tsi ní꞉ioht nahiónsehwe tsi iahó꞉te ieká꞉has.

Psalms 68:2

Tsi ní꞉ioht nó꞉ienkwahra tsi hiotsienkwahrenhawiton, ká꞉ti sehʼiatékwat; tsi ní꞉ioht ne otsinakontákwahne raotiʼtsikhéta tsi kawistanáwenhs ne otsenhát꞉tha, ánion ne ronhnonkwetahétkens ratihiatháton rahohénton ne Rawenni꞉io.

Isaiah 17:13

Ne iakahontsaʼkerónons iakoronkwénstatre kwáh né꞉ne wé꞉so watnekíne, ók kí ensakoʼtewenhnaiéntonhwe, tánon kwáh enhontèko nahí꞉non nónwe nienhónhne, ensakósehre tsi ní꞉ioht ne kaʼwàhe ne tsi iononhtarónhnions nohénton takáwerakwe tánon tsi niʼhioienkwáhrote nohénton thenkaweraʼtáse.

Daniel 2:35

Kwáh óksaʼk né karístatsi ó꞉ni né ionawaʼtstahkarí꞉io, ne otsí꞉nekwahr karístatsi tekaiéston, kahwistarà꞉ken, tánon né ohwistanó꞉ron waʼtioʼteróntthoste tánon né tonsakaierontá꞉raʼne ne oʼkèn꞉ra né nó꞉nen kwáh í꞉ken tsi ioʼkèn꞉rote nó꞉nen iehwà꞉eks nakennhà꞉ke. Akwé꞉kon tsi iaʼò꞉te ienkáhawe, kwáh iáh thé꞉non thaonsakaieronníhake. Ók né otsténra tontontehiá꞉ron ionontowá꞉nen iahón꞉ton kwáh tsi niiohón꞉tsa tsi waʼkarhó꞉roke.

Hosea 6:4

Onʼnakoniérase ní꞉se, O Ephraim? Onʼnakoniérase ní꞉se Judah? Ne senineronhkwáhtsera thóh ní꞉ioht kwáh né꞉ne iotsatarónhnion, kwáh tsi ní꞉ioht ne iohawé꞉ien iostó꞉re teskahaweiáhkwa.

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.

Zechariah 8:12

Kwáh skén꞉nen tsi enhathihienʼthósehrons. Ne rahoná꞉wenhk ne wahthenenharísehres enkanenharahnihiónten, ne tsi ionwenhtsá꞉te entkáhnio ne kaienʼthó꞉tsheras, tánon kwáh wé꞉so tsi enhiokénhnoren. Kwáh akwé꞉kon enthekhéhion kih kahiathateríhtsheras nakonkweʼtahshón꞉a tsi niká꞉ien ne iatehonahthaténron.