Hosea 12:3 - Ohiatonhseratokénti

³ Ethò꞉ne tsi watewiraráhkwa wahateʼnién꞉ten ne tahonatákwen ne iatateʼkénha Esau, tánon ó꞉nen rónhkwe sihotónhon Rawenni꞉io wahiaterí꞉io.

Hosea 12:3 ပူးပေါင်းရင်းမြစ်များ

Genesis 25:26

Eʼthó꞉ne iatateʼkén꞉ʼa nón꞉wa sahrennákerate, tsi wahrennákerate kwáh iohní꞉ron tsi roienawá꞉kon ne raʼkotarà꞉ke ne Esau; sók kiʼ Jacob wahonwaná꞉tonhkwe. Né Rebekah shaʼakonákeratste ne Esau tánon ne Jacob, NʼIsaac iá꞉iaʼk niwáhsen shaʼtehaohseriiá꞉kon.

2 Kings 17:18

Ne Roiá꞉ner sakonákwahse ne Israerʼró꞉nons tánon éhren wasakoiatenháwite ne rahohénton, ne khók iateshonataténhron ne Judah.

2 Kings 17:20

Né Roiá꞉ner waʼshakokénron ratikwéʼkons Nisraeʼró꞉nons, sakorewathonhátie tánon thóh niesakohiaténhas tsi rónhnes ne ratiniakátste tehontátʼtions kwáh tsi nióre éhren waʼsakohiatenháwite ne rahohénton.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

Jeremiah 2:9

“Tánon káti Í꞉i, ne Watiá꞉ner, shé꞉konh enskenikonhrahiénthaʼte nakeriwahshón꞉a tsi nòkwah nakonhkwetahshón꞉ʼa. Kwáh enkherihwahróh tsi nòkwah ne iesehshakotiʼienhokónha.

Ezekiel 7:3

“Iáh othènenh tetsothaténron ne arahrátʼtsheras, asèken enknerénshion nakenakwáhtshera tsi nòkwah níse. Kwáh ienkonhnáhton naskonhtsheraserónhni akwékon tsi nihiotéhat tsi niseweienhnhóten.

Ezekiel 7:8

“Kwáh ónenh iosthóre ensátʼthoke tsi nikasháststhe nakenahkwáhtshera. Ne tenkonhiató꞉rehthe tsi nishatieráhnion, tánon kwáh enskonhkárhiakse nakwékon tsi nihioteriwahtéhas tsi niseweienʼnhóten.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Hosea 4:9

Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Amos 2:4

Ne katíʼ aorí꞉wa ne Roiá꞉ner rá꞉ton: Asè꞉ken áhsen nieioterátston iorihwaneraʼáts꞉kon ne Judah, tánon ne kaieríhaton, kwáh ki nenhnè꞉e iáh thaʼtaonsonkaterihwaténien ne kahrewahtáhtshera; tiorí꞉wa tsi wahatikèn꞉ron ne raoianerénhsera ne Roiá꞉ner, tánon iáh tehonatienawáhston ne raorihonnienníhtseras, ók ne wahonathaharákwahte ne kwáh ne shá꞉ka nonó꞉wens tsi ní꞉ioht ne shakotihsothonkonhkén꞉en rotiioʼtén꞉ʼen.

Micah 6:2

Sewatahónsatat, í꞉se ne tsi ionontahrón꞉nions, ne tehorihwakenhá꞉ton ne Roiá꞉ner, tánon ne iorihwaní꞉ron í꞉ken tsi kenskwáhere ne tsi ionwenhtsá꞉te; asè꞉ken ne Roiá꞉ner ne tehotirihwakenhá꞉ton ne rahonkweʼtashón꞉as, tánon kwáh thenhatirihwakénha nʼIsraerʼró꞉nons.

Romans 9:11

Neh nahontáwe tsi nihotinikonrón꞉ni ne Rawenni꞉io niahontasónterehke thoʼnahiontonhátie tsi ní꞉ioht tsi thotenikonrón꞉ni ne rahonháke, Rawenni꞉io waharóri, “Ne takowánen tenhoriwásniese neh rokénha.” Thóh ní꞉ioht tsi taróhri nohénton sahowiraiéntaʼne, nohénton thènen nahiátiere neh teniʼiáse ahioʼianeréhake tòhka ó꞉ni kariwahétken akénhake; Káti tsi nihorákwen neh Rawenni꞉io neh thohawíthon tsi nishakonáhon, iáh tòhka kén tsi nahonatiéren.