Hosea 12:2 - Ohiatonhseratokénti

² Ne Roiá꞉ner ró꞉ien nasakorihwáro ne Judahró꞉nons; tánon ó꞉ni enhoré꞉wate ne Jacob ne entsoianénhawe tsi nihaweienó꞉tens, tánon ne enshokariákten tsi nihahiothenseró꞉ten.

Hosea 12:2 ပူးပေါင်းရင်းမြစ်များ

2 Kings 17:4

O kíʼ ne ronnontí꞉io ne Assyria wahariwatsénhri ne Hoshea tsi wahanikónrahte. Asèken ratirihwakaʼré꞉nies ieshakoteniétonhne tsi ténhteron ne So, né꞉ne tonnontí꞉io ne Egypt nón꞉we, rorihwanontónhnis nahoiénawaʼse, né nahát꞉kawe tsi iatehioseráke shakokáriase ne Assyriaró꞉nons. Nó꞉nen ne Shalmaneser saharihwáronhke kí꞉ken, wahonwaiéna ne Hoshea tánon wahonwanóton.

Job Tánon ne Raoronhiakensera 15:2

“Aówenk ken ne rateʼnikonraʼthókha taharihwaserákwahte ne iotewé꞉ra athokhátshera, tánon ne ahatatsatá꞉naʼne ne nà꞉kon nitiowerénha?

Psalms 78:36

Ók iáh kíʼ tehotirihwatókenʼne; tsi nahó꞉ten enhonhníron iáh kíʼ oriwí꞉io tèken.

Ecclesiastes 5:15

Entsitewahténhti né kénʼen ionwenhtsáien kwáh kíʼ tsi ní꞉ioht tsi tsionkwahtawehiá꞉thon tewanhéhonk thiʼkènhʼne—kwáh iáh othénenh tethewaháwihne. Tsi niʼiáwens kwáh tsi níkonh hionkwahioténʼen kwáh iáh othénenh tahónton niahitewá꞉hawe.

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 10:6

Iehihiatenié꞉ton niaʼsakotsiaʼtónhti ne iáh teotiniʼioseráien ronhnonhontsakerónons, kwáh ieionkerhiaʼsarátha tsi niʼionkenakónhnis kwáh akaterhiatitkhonsherákon tsi wahirihontiéten ne Assyria niasakotsatónti, ne nahanenskwenháton tánon nahatiénawasthe ne rotierónkwen, tánon nasakoratatséshon tsi ní꞉ioht ne orashókwahke ne tsi tekanatokénseron.

Isaiah 24:21

Ne thóh entewenhniseráteke ne Roiá꞉ner kwáh ensakoréwaʼte ne ratironhiakeró꞉nons thóh karonhiáke, tánon nonwenhtsáke ne rotinontí꞉ios ne tsi ionwenhtsáte.

Isaiah 3:11

Enshontateriwásten ne rotiníkon! Tsioríwa oriwiioʼónwe tsi enwahekʼkénhake ne raotiʼriwàke, asèken ne ne ratitsanáke tsi nihioioténhen.

Isaiah 30:6

Ne tsi niwáton tsi nókwa ne kontitshénens ne Negeb. Thóh tsi ionhontsáien ne teionikonráhrat tánon ionhnikonraronhiákent, né꞉ne otinétsens kénreks tánon ne ratonriá꞉iens kénreks, ne óniare tánon ne kátshes óniare, iehatíhas ne raoʼtikwahséhtseras tsi nihiotíkete ne tewahóntes, tánon ne raonatʼtsiokowátsheras thóh kará꞉tse tsi nihiotinowakwáhronhte ne iotiniaʼkwáhere, rononhàke nonkweókons ne iáh thahatikwéni naʼsakonateriwatsʼterísthase.

Isaiah 59:18

Né entsoianénhaʼwe tsi nihotiʼiothenseró꞉tens, ne ká꞉ti nahonsahaká꞉riaʼke; tsi sakonákwaʼse ne ronhwásons, iensheʼsakotiatónhti ne ronwáswenhs; tsi nó꞉kwah ne kawenó꞉tons ionhontsaʼkérons kwáh kí ensheʼsakokáriakʼse tsi iensakotsatón꞉ti.

Jeremiah 25:31

tánon ne kawènnote kwáh iaʼtenkawennaʼnihárahne ne tsi iehionthonhontsiotʼtahníhon. Asèken ne Roiá꞉ner róien nahshaʼkoriwáhroh nonhkweshón꞉a. Kwáh onhkwetaʼkwékon tsi tenshkohiató꞉rehte tánon ne ronnonhkweʼtahétkens enshaʼkononhwahrhiákon. Ne Roiá꞉ner rothatíhon.’”

Hosea 2:13

Kwáh entréwate tsi nihonnenhtanorónsthas ne Baals, nó꞉nen eniakotatʼtse ne kaienkwahrákons tánon ne enwatstánion nahonisnonsawishón꞉as tánon ne kawistanoronshón꞉as, tánon wahakoseréhson naoskareshón꞉as, tánon onhtsatanikónhren ní꞉i, rá꞉ton ne Roiá꞉ner.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Hosea 4:9

Tanon tsi nenhotiiatáwen nonkweshón꞉as, thóh kí nenhotiiatawen ne ratitsihénstatsis; kwáh enkheréwate tsi nihatiweienó꞉tens, tánon enshekhekáriakse tsi nihonatié꞉ren.

Hosea 7:1

né nó꞉nen ensketsiénte Nisrael, nahoriwahetkénhsera ne Ephraim enkarihotáshionke, tánon ne ahoweienhnatʼkénsera ne Samaria; asè꞉ken ne tewareniá꞉tha nonhó꞉wen, ne ratinénskwas tehatinoharíhtha tsi iehontawehiá꞉tha, tánon ne ratinénskwas atstésons ó꞉ni nón꞉we nisakotinenhrakárias.

Hosea 7:11

Né Ephraim ne teshón꞉tieres norí꞉te, tsatehotirihwaráhon tánon iáh othé꞉nen tiatehonnonhthónnions; Egypt iehonwathí꞉nonks, Assyria niehonʼnhétha.

Hosea 7:2

Ók iáh kí tsatehonhnontónhnions né꞉tho kwáh akwé꞉kon ké꞉iare ne rahotiriwaneraháktseras. Ó꞉nen kí nón꞉wa tsi nihatiweienó꞉tens ne tehonatsatháton, kwáh akʼkénton rónhnes.

Hosea 8:10

Eʼthó꞉sane tsi ne shakotinahon ne tesakotines, kwáh kí ó꞉nen enkheiaʼtaró꞉roke. Kwáh kí iostó꞉re enhatinikonraronhiáken ne rontinontí꞉ios tánon ne sakotihenthénse enhsakonatonhnot꞉takwen.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 8:9

Asè꞉ken Assyria nón꞉we niehoné꞉non, tsi ní꞉ioht ne karakonró꞉non tewahòn꞉tes rahonhahák꞉kok tehotawenhreháties; Ne Ephraim ne iakonháhon ne ratinakwenhá꞉wis.

Hosea 9:15

Akwé꞉kon ne raotirihwahetkénhseras Gilgal nón꞉we tiotáhsawe; thóh nón꞉we niewakénon tsi wakhéson. Tiorì꞉wa tsi nikarihwahétkens ne raotihiothénhseras kwáh kí enkheiatí꞉nekenhwe nakenonsatokentikówane. Kwáh iáh shé꞉kon thahonsakhenorónhkwe; ratikwé꞉kon ne rahonnonkweʼashón꞉as ne ronaterihóntons ionkanowenhtén꞉nis.

Hosea 9:9

Kwáh í꞉ken tsi tehionó꞉tes tsi nihonatatʼtetkentén꞉ni tsi kí niiotónhne shiotenhniseraténionkwe ne Gibeah; kwáh kí enrehiárake ne raotirihwaneraháktshera, kwáh kí ensakoréwate ne raotiriwaneraháktsheras.

Amos 2:4

Ne katíʼ aorí꞉wa ne Roiá꞉ner rá꞉ton: Asè꞉ken áhsen nieioterátston iorihwaneraʼáts꞉kon ne Judah, tánon ne kaieríhaton, kwáh ki nenhnè꞉e iáh thaʼtaonsonkaterihwaténien ne kahrewahtáhtshera; tiorí꞉wa tsi wahatikèn꞉ron ne raoianerénhsera ne Roiá꞉ner, tánon iáh tehonatienawáhston ne raorihonnienníhtseras, ók ne wahonathaharákwahte ne kwáh ne shá꞉ka nonó꞉wens tsi ní꞉ioht ne shakotihsothonkonhkén꞉en rotiioʼtén꞉ʼen.

Micah 6:2

Sewatahónsatat, í꞉se ne tsi ionontahrón꞉nions, ne tehorihwakenhá꞉ton ne Roiá꞉ner, tánon ne iorihwaní꞉ron í꞉ken tsi kenskwáhere ne tsi ionwenhtsá꞉te; asè꞉ken ne Roiá꞉ner ne tehotirihwakenhá꞉ton ne rahonkweʼtashón꞉as, tánon kwáh thenhatirihwakénha nʼIsraerʼró꞉nons.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

Romans 2:6

Asèken ne Rawenni꞉io kwáh niatehionkwétake tsi tesakoriwaserákwaʼse entioʼianénhawe tsi naiakotiéren.

Galatians 6:7

Tóhsa sewatatenikonráh꞉ten; iáh ónhka tehonwanonwarorithónnis ne Rawenni꞉io. Kwáh neh ensheʼsientʼtwáko tsi nahoténsons saiéntʼton.