Hosea 11:5 - Ohiatonhseratokénti

⁵ Kwáh thóh nón꞉we ienshón꞉ne tsi tiohonsá꞉ien ne Egypt, tánon kwáh Assyria ensakonontí꞉ioke, tiorì꞉wa tsi iáh tehonathontá꞉ton nakonhà꞉ke natahontahonénonke.

Hosea 11:5 ပူးပေါင်းရင်းမြစ်များ

2 Kings 15:19

Né Tiglath Pileser, né rononti꞉iokwe ne Assyria nón꞉we, waʼshakonenhrénhten Nisraeʼró꞉nons, tánon ne Menahem tsáta-niwásen iá-iak nikakontseráke kawistaráken wahá꞉wen né nahónton nahontahó꞉ne ahosastenhseraiénthaʼne ne Menahem akwékon ne tsi kanakeraseráien.

2 Kings 15:29

Kwáh tsi nikaríhwes ne Pekah ronnontí꞉iokwe nètho Tiglath Pileser, né ronhnonhtí꞉io ne Assyria, wahatiénawaste ne kanatowánens ne Ijon, Abel Beth Maacah, Janoah, Kedesh, tánon ne Hazor, ó꞉ni ne raoʼtinakeráseras ne Gilead, Galilee, tánon ne Naphtali, tánon Assyria niashakoiatenháseron nonkweʼshón꞉as tsi ní꞉ioht ne ratinótons.

Hosea 10:6

Né꞉tho kwáh Assyria nón꞉we nienhatihá꞉we ne enhonwakarhiákthen ne ronnontí꞉io. Ne Ephraim kwáh enwatéhen, tánon Nisrael kwáh enwathéhen nahohiatón꞉ni entkarihón꞉ni.

Hosea 5:13

Nó꞉nen ne Ephraim sahatʼkáto ne raononwakténtshera, tánon ne Judah tsi nihotkarewá꞉ton, ethò꞉ne ne Ephraim Assyria nón꞉we niahá꞉re, tánon ronontí꞉ioke iahonwató꞉ri Ók iáh ne tehokwénion nahiatsénhton khés nahiaiewenhthónke.

Hosea 6:1

“Káts, ánion Roiá꞉ner nokwáh nietsí꞉tewe; asè꞉ken rahónha seh ne shonkwahiataratiónkwen, tánon rahónha kí nensehshonkwahtsénte; rahónha shonkwakarewá꞉ton, tánon rahónha kí ensheshonkwahkentó꞉ren.

Hosea 7:16

Iehotikontákwen ahè꞉ren rohʼnhéton nakonhà꞉ke; thóh nihotiiatawénhon tsi ní꞉ioht ne iohennát꞉senhen; ne rahonnonkweʼtashónhas ronaterihóntons asareʼkó꞉wa enhotirió꞉te tiorì꞉wa tsi nihonnenhnasáktsen. Thóh nihió꞉son ne tsi nihatirihwakátats ne tsi ionhontsá꞉ien ne Egypt.

Hosea 8:13

Eʼthó꞉sane ne iehatí꞉tats ne kwáh tsoiánere wateskón꞉te, tánon ratiwá꞉raks, ne Roiá꞉ner iáh kí teshakoié꞉nas. Ó꞉nen kí kwáh enhrehiá꞉rake ne raotirihwaneraháktsheras, tánon ensakoré꞉wate ne raotirihwaneraháktsheras; kwáh Egypt nienshón꞉ne.

Hosea 9:3

Iáh thóh nón꞉we tahonathatenrónke tsi rahontsá꞉ien ne Roiá꞉ner; ók ne Ephraim Egypt ne nón꞉we nienhénsewe, tánon ne Assyria nón꞉we ne né꞉e enhonhnékseke ne iáh tehiothekwatkwéniens.

Hosea 9:6

Asè꞉ken shé꞉kon nakonwaniá꞉kenhse natkaronhniá꞉tshera, Egypt kí nenʼné꞉e entsakohiaʼtaró꞉roke, Tánon Memphis enhiakohiatháta. Ohíktas kí nenenhné꞉e entkaró꞉roke ne kanorón꞉sons ahowenkshón꞉as kawistará꞉kens; ohíktas enhiothaténhronhke ne raonatohserá꞉kons.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Amos 4:6

Í꞉ʼi tewákha natonhkariá꞉kon akwé꞉kon tsi ní꞉kon sanataièn꞉tons, tánon wahsatekhókten akwé꞉kon tsi nón꞉we nisanakerahserá꞉ien, nek kiʼk shá꞉ka iáh akonhá꞉ke thaʼtetisé꞉non, rá꞉ton ne Roiá꞉ner.

Amos 5:27

nó꞉nenh é꞉tho nón꞉we ienskonhiarekwáthe tsi tiohontsá꞉ien ishiʼnonkwá꞉ti ne Damascus,” ráton ne Roiá꞉ner, ne raoshén꞉na né꞉ne Sakowenní꞉io ne ratironhiakerononhs.

Deuteronomy 17:16

Ne ronhnonhtí꞉io iáh tehiówenk ne wé꞉so ahonaskwaiéntake ne koshátens ne raotióhkwakon ne ronhterí꞉ios, tánon iáh tehohianerenhserá꞉ien ne Egypt nón꞉we iashakoténiehte nonhkweshón꞉a nahatinaskwaʼninónhra ne koshátens, tiorí꞉wa ne Roiá꞉ner tsi ráwen iáh nonhwénton nonhkweshón꞉as thóh tiahonsahón꞉ne.