Hosea 10:8 - Ohiatonhseratokénti

⁸ Ne onotoharahkéson ne Aven nón꞉we, ne nahorihwaneraháktsheras Nisrael, kwáh kí enkarihwathón꞉tonke. Ohíktas tánon onionwáras entkontehiá꞉ron ne tsi ratitsenharáhkwas. Kwáh enkonwanénhase ne tsi ionontarónhnions, sewateróhrok, tánon ne tsi ionhniarónhnions, Taskwahró꞉rok.

Hosea 10:8 ပူးပေါင်းရင်းမြစ်များ

Genesis 3:8

Wahonathontene ne Roiá꞉ner Rawenni꞉io kahéhtakon tehotekhahahkwenhátie né shiaʼtewatshéntho nó꞉nen shonsonhsón꞉tanohste nokarasnéha shikaʼhá꞉wi, tánon ne rón꞉kwe ó꞉ni ne ró꞉ne wahonwatahséhten tsi non nikehrhí꞉tons ne kahéhtakon.

1 Kings 13:2

Tsi nahatísehre ne Roiá꞉ner rahorihwatátʼtsera, né rotó꞉kenhse wahariwásthen ne ietsienharákwah: “O ietsienharákwah, ietsienharákwah, kén nahó꞉ten ráton ne Roiá꞉ner: Raksá꞉a, né enhonwahiátʼtseke ne Josiah, thóh nónhwe nenhrenhnákeraʼte rahowatsirákon ne Táwit. Thóh shonháke ensakononhwariákon ne ratiʼtsihénstatsis tsi ronaterihwatsʼteríston ne iáh tehotirihwiʼióstons tsi ratitsienharákwahke né ieshateskonhthánis, tánon shonháke enhát꞉tsahaʼte nónhkwe akóstsiens.”

1 Kings 13:34

Kí꞉ken karihwáneren rahónha waharihónhni tsi takáhawe nakarihwéntʼtho tánon thaʼkakwékthe wahakowéntʼtho ne rahowátsires.

1 Kings 14:16

Ne Roiá꞉ner enshakotewénhthete Nisraerʼró꞉nons tsioríhwa ne Jeroboam rorihwáneren tánon iashakosárihne Nisraerʼró꞉nons nahatirihwánerake.”

2 Kings 23:15

Ne Josiah kwáh ó꞉ni saharihsónhko tsi nonʼwé꞉sons nihonterénhnaiensʼkwe ne Bethel nón꞉we, Né꞉ne Ronnontí꞉iokwe Jeroboam rosahánionkwe né꞉ne roienkénʼen ne Nebat, rahón꞉a iesakosaríhnon Nisraeʼró꞉nons ne karihwanerahakʼtsherákon. Ne Josiah waʼharihsónko ne ietsienharákwahs, kénʼk ní꞉wahs tsi watharihthánion, tánon okènra iahón꞉ton; kwáh ó꞉ni wahát꞉tsahate tsi kaiátare ne Asherah.

2 Chronicles 31:1

Shiaʼhontókʼten ne katkhwárahkwe, onhkwetaʼkwé꞉kon Nisraeʼró꞉nonke kwáh tsi niaʼtekaná꞉takes né Judah nonhtahónneʼte tánon waʼthatirihthánions nonénhias kanawahathóthonhkwes, tahón:tahasenhthánion tsi kahiatarónh꞉nions ne kaní꞉io Asherah, tánon waʼthatirihtánions ne ietienharáhkwahs ó꞉ni tsi nonwéhsons ne kahiatonhnisónhas konwasennaienhthákwas. Kwáh ó꞉ni éhtho nahatiʼieráhnion tsikʼnonwéhsonhs ne Judah nón꞉we, tánon ne kanakerahseráhkons ne Benjamin, ó꞉ni ne Ephraim, tánon ne Manasseh; ethóhʼne kíʼ ó꞉nen ratikwé꞉kon sahonhténhti.

Isaiah 2:19

Enhontasehtánion ne tsi iosthenrakarónhtons khéhs nahontasehtánion nohontsákes, ne nakonwatékwase ne Roiá꞉ner raonhakwáhtshera tánon raoshatstenhsera ó꞉ni ne raohiatanerakwáhtshera, ne nó꞉nen thethaʼtáhne naronhtáwete tsi ionwenhtsá꞉te.

Isaiah 2:21

nonkweʼó꞉kons enhontasehtánion nostenrokónson tánon ne tsi teionitstenrorénhseron; o꞉ni tsi ioshonwénion nonhontsáke, ne nakonwatékwaʼse ne raonhakwáhtshera Roiá꞉ner, tánon ne raoshatstensera oni raohiatanerakwáhtshera, ne nó꞉nenh thethá꞉taʼne narontaweʼte tsi ionwenhtsá꞉te.

Isaiah 32:13

Asèken ne raonakénra khés nakonkwetaʼshónhas ne ioʼtehiarónhtse nohíktas tánon oniónʼwahras; hén, asèken teshehiaséntʼthos kwáh tsi niaʼtekanónsakes nonkweshón꞉has iakotonhnáraʼkwe thóh kanátakon ne kowánen tsi iotonhnáraʼkwe.

Isaiah 34:13

Ohíktas enwatónhni thentsorohrók꞉te ne tsi rotinonshótons, kahontáksens tánon oniónʼwaras thenhiówanake ne tsi watenhenró꞉tons nosténhras. Kwáh ienhotikontákwen thóh enhonhnésehke nokwáho, né raonatená꞉tha enkénhake ne skawirowanekówa.

Hosea 10:2

Ne raoneriá꞉ne iáh tehiorihwató꞉ken; ó꞉nen kí enhontkéthate ne raotinhí꞉tshera. Ne Roiá꞉ner kwáh thenharihtánion ne tsi ratitsenharáhkwas, tánon enharihwenthóhsehron ne raotinawahataʼshón꞉as.

Hosea 10:5

Ne Samaria nihatinákeres wahotihiatísonkwe né꞉ne tionhnóns꞉kwaron owí꞉ra owistanó꞉ron kahiatón꞉ni wakarihón꞉ni ne Beth-aven nón꞉we. Ne nahonkweʼtashón꞉as kwáh enhiontsiónhnionkwe, tánon né kahiatón꞉nis konwashén꞉naiens ratitsihénstatsis kwáh thenhotihénrete ne entkarihón꞉ni, ne tsi ahohiatanerakwáhtshera tsi é꞉ren tsawéton.

Hosea 10:9

Tsi ná꞉he sihothenhniseraténionskwe ne Gibeah shisewarihwaneraháties, O Israel; thóh nón꞉we iehonatasónhtere. Iáh onté꞉ken nateriiósera tsahiakononhterá꞉ne ne Gibeah?

Hosea 2:6

É꞉tho káti ne enkatenhenrónnien ne ohiktas okwireʼshón꞉as ne tsi iohatátie; tánon kwáh enkasonhtónhni nosthénra naorihwà꞉ke, ne káti ne tó꞉sa ahonsakatsénhri tsi nón꞉we nihiohatátie naónha.

Hosea 4:13

Ronteskontʼtas nonotoharakéhsons, tánon rontsienkwahronhniáta ne tsi ionhniarónhnions, né꞉ne noronthonkónsons karíhtons, ó꞉ni nonentakwenhtetsheró꞉kons, tánon karontó꞉kon ne takoskó꞉wa, tiorì꞉wa tsi niioiánere tsi nikarakwaweróstha. Ne káti aorì꞉wa ne saiatasetsherashón꞉as ne wakóntswate nakontenakwaiésathe, tánon ne shehionhsáfas wakontenakwaiésate nonhné꞉e

Hosea 4:15

Ethosà꞉ne ne wetsiátswate ne watenakwaiesátha, O Israel, tó꞉sa serí꞉hon ne Judah nahiónike. Tó꞉sa ienhénse niasatawéiate ne Gilgal, khés ne iáse ne Beth-aven, tánon tó꞉sa serihwaní꞉rat, “Ne Roiá꞉ner tsi rónhne.”

Hosea 5:8

Sewatátist nonákare ne Gibeah nón꞉we, ne iohonrawátsta Ramah ne nón꞉we nasewatátist. Sewatátsist ne watewenhnót꞉tha ne Beth-aven nón꞉we; ionsasewatkáto ne sewashón꞉ne, Benjamin!

Hosea 8:5

Í꞉k shóns tí꞉ken owistanó꞉ron tionhnónskwahron Sahiatón꞉ni O Samaria. Tsió꞉tets nakenakwáhtshera tsi nokwáh ní꞉se. Thóh nikarì꞉wes iatahatikwé꞉ni ne thé꞉nen ahontonhníhien?

Hosea 9:6

Asè꞉ken shé꞉kon nakonwaniá꞉kenhse natkaronhniá꞉tshera, Egypt kí nenʼné꞉e entsakohiaʼtaró꞉roke, Tánon Memphis enhiakohiatháta. Ohíktas kí nenenhné꞉e entkaró꞉roke ne kanorón꞉sons ahowenkshón꞉as kawistará꞉kens; ohíktas enhiothaténhronhke ne raonatohserá꞉kons.

Amos 1:5

Kwáh tenkhrihtánion ne tekaristahrenhwánions ne tsi iotenhenrakahrón꞉tonʼs ne Damascus, tánon kwáh enhinonhwariá꞉kon ne rakó꞉ra naonhráhkwakon ne Aven nón꞉we nihanákere, tánon tsi niká꞉ien ne raʼnhiénhawe ne rakó꞉ra ráoʼnhia ne Beth-eden nón꞉we; tánon nonkwehó꞉konʼs ne Aram nón꞉we kwáh nenʼneʼeh Kir nón꞉we ienhonwanaténniehte, rá꞉ton ne Roiá꞉ner.

Amos 3:14

Nentewenhniserá꞉teke nó꞉nen enkhehré꞉wahte ne Israerʼró꞉nons ne ne raotirihwaneraʼáktshera entkarihón꞉ni, kwáh enkerihwáhtonʼte ne ietsenhahráhkhwaʼs ne Bethel, kwáh tsi ní꞉kon tekahiohsaké꞉ronʼs akwé꞉kon ne ietsenhahráhkhwa kwáh kiʼenkaiá꞉khonke tánon kwáh ohontsá꞉ke ienkaièn꞉taʼne.

Amos 7:9

Ne tsi ionhnontarónhnions tsi nón꞉we ne Isaac raowá꞉tsires nihonterenhnaientáhkwa kwáh ki enkarihwentʼtonhke, tánon ne raotinonsatokentikowátʼtions nʼIsraerʼró꞉nons kwáh ki eʼtake enwatiónke, tánon kwáh kí iekehiatsiatónhti ne rahonkweʼtashón꞉as ne Jeroboam asareʼkó꞉wa én꞉katste.”

Amos 8:14

Tsi niiá꞉kon né꞉ne konwarihwanirá꞉ti ne kaiatónhni Ashimah ne Samaria nón꞉we, tánon iónton, “Tsi nirónhne ne saní꞉io, O Dan,” tánon, “Tsi ní꞉ioht tsi ronón꞉nhe ne Beersheba”— kwáh kí enhatihiatsenénhne tánon iáh nonhwénton thatahonsahatí꞉tane.

Micah 1:13

Ietsiiatanihiónten ne koshá꞉tens thóh notiónkwas, í꞉se né꞉tho sewaná꞉keres ne Lachish; ne tesewathásawen naorihwanerahák꞉tsheras ne Zion aoiènha; tánon í꞉seke nón꞉we nontetshén꞉ri ne Israel aorihwanerahák꞉tshera.

Micah 1:5

Akwé꞉kon kí꞉ken ne wakarihón꞉ni ne raorihwaneraháktsheras ne Jacob tánon né꞉ne karihwaneraháktsheras ne tsi kanónshote Nisraeró꞉nonke. Onhnahó꞉ten ne raorihwaneraháktshera í꞉ken ne Jacob? Iáh ken né꞉ne Samaria teiorihwá꞉ke? Tánon nahó꞉ten nenhné꞉e nehé꞉neken iokwenrá꞉re í꞉ken ne Judah? Iáh ken né꞉ne Jerusalem tè꞉ken?

Nahum 3:11

Í꞉se ó꞉ni Ninevah kwáh ensanekáthane, kwáh thensashí꞉norokʼkhon enséhsake nasehiataséhthen ne ieshá꞉sons.

Luke 23:30

Ethone onen ienhiahironnion tsi ionontenion: Kaseȣatenontienent; oni tsi ionniaronnion: Takȣaiataset.

Deuteronomy 9:21

Iahá꞉khawe né꞉tho kariwaneraháktshera ne sewáhson—né꞉tho karístatsi ne tionónhskwaron rátsinn owí꞉ra—tánon otsirà꞉ke iakʼkatesenhniate. Ethò꞉ne waʼtekritánion, kwáh okénra waʼkón꞉ni, tánon nokénra tsi kahionhatátie iahonká꞉ti né꞉ne tsi tionónhte nitiotnawí꞉non.

Revelation 6:16

ienhiahierón꞉nion tsi iononténion tánon tsi iostenhraréhnion, “Kasewatenontié꞉nent ontionhá꞉ke tánon takwaiatáset tsi rakonsón꞉te tsi niká꞉ien ne thóh renskwáhere nanitskwará꞉ne né꞉ne tó꞉sa asonkwáken tánon tsi natehaterhiatítʼkons né꞉tho teiotinaʼkaronhtón꞉a owí꞉ra;

Revelation 9:6

Tánon ne thóh entewenhniserá꞉teke nonkwehó꞉kon kwáh eniakésake ne kenhé꞉ion ók iáh kíʼ thaieʼtsénhri; kwáh thenhiakotonhontsó꞉se naiaiéheie, ók ne kenhé꞉ion kwáh kíʼ enhiakohniá꞉kenhse.