Hosea 1:7 - Ohiatonhseratokénti

⁷ Nok ki enwatsientake ne kenténhron rononhà꞉ke nonkweshón꞉as ne Judah, tánon kwáh í꞉i ne Watiá꞉ner raotiní꞉io tsi enkenónstate; ók iáh ne thakáts꞉te nahénna, khés nasareʼkó꞉wa, khés nateriiósera, khés ne kosathénsa, khés ne rotishá꞉tens.”

Hosea 1:7 ပူးပေါင်းရင်းမြစ်များ

2 Kings 19:29

Ethòne ne Isaiah wahawénhase ne Ronnontí꞉io Hezekiah, “Kénʼen weʼnéstha tsi nenhiáwenhne. Né kénʼen ioseráte tánon nó꞉ia ne khók ensaiénhtake ne thitʼká꞉nios onátsia naséhke, ók kíʼ nó꞉ia entsioseráteke enwáton kíʼ nahonsashiéntʼtho né sanátsia tánon nashentʼwáko, tánon nashentʼtho ne watenenharíhseres tánon nasenenhárake.

2 Kings 19:34

Kwáh enkaterí꞉ioʼse kí꞉ken kanatowanénke tánon entké꞉ne, né꞉ne ahoriwáke ne iaʼtetiáti akerenhsaronhtiéra tánon né tsoríhwa tsi niʼihiararatsʼténhni nakenhátsera Táwit.’”

2 Kings 19:35

Thóh siʼiokarasnéha ne Roiá꞉ner raʼohronhiakeró꞉non tsi thonanáhtaien ne Assyriaró꞉non niaháre tánon 185,000 niháti ronhterí꞉ios washakononwarhiákon. Sahórenhne thóh ratiʼiatakerónhton, ratikwékon ronenhéion!

2 Kings 6:18

Nó꞉nen ne Syriaró꞉nons sonhthahonwanatsaʼthónhti, Elisha wahaterénhnaien, “O Saiá꞉ner, shé꞉ient kí꞉ken ronhnónhkwe ne tahatirónhweke!” Né Roiá꞉ner wathariwashé꞉rako ne rahoterénhnaient tánon washakóienthe ne tahatirónhweke.

Psalms 33:16

Né ronnontí꞉io iáh né tehatkweniétha ne tsi kanenhrashástste ne raotsiókwa ronhterí꞉io; né raʼterí꞉ios iáh né tehatkweniétha thóh nahasháststeke.

Psalms 44:7

Ók í꞉se waskwaʼnóns꞉thate tsi nòkwah ne ionkhíshons, tánon waʼtesehianitonniáten tsi niháti ne ionkhíshons.

Exodus 14:13

Ne Mahís waʼthariwasehráko, “Tó꞉sa sehwaʼteronhiénten! Sehwaʼnikonhraʼnirónhak, tánon ensewatʼkátho tsi nenháiere ne Roiá꞉ner tsi entsiʼsewaʼnóns꞉thate nónhwa wenhniseráte; kwáh iáh shé꞉kon nonhwénhton tahonsaʼietʼtsíken ne Egyptró꞉nons.

Exodus 14:30

Né wenhniseráhʼtekwe ne Roiá꞉ner waʼsakonónhsʼtaʼte nʼIsraerʼró꞉nons tsi nʼòkwah ne Egyptró꞉nons, tánon káti ne lsraerʼró꞉nons waʼsakotíken tehatiʼhiaʼtótaron roʼienheiónhseron nʼatsaktónʼtie.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 30:18

Ne ó꞉ni waónhni ne Roiá꞉ner roráhre nahontahiarihwaiéritʼtse; ne ó꞉ni waónhni kwáh thenthá꞉tane nahréneste naʼtanitenhrátsera shonhake. Asèken ne Roiá꞉ner né꞉ne Rawenni꞉io ne roterihwaʼkwahríshion; iakotáskats nonkwetaʼkwékon ne rahónha ronhwará꞉re.

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Jeremiah 25:5

Ietʼtsiró꞉ri ne tahonsehsewatkarahténi tsi nikariwáksen tsi ní꞉ioht tsi tiónnhe ó꞉ni tsi nikariwahétken tsi nisehwatiérah, ne ne ahisehwaterihwaténtiaseh ahitionnhétie tsi ionwenhtsáte nètho Roiá꞉ner teʼtsisehwáhwi ó꞉ni ne ietʼtsisotʼthonkonkénʼen ne ne sehwahwenhkʼónhwe akénhake.

Jeremiah 25:6

Ietʼtsiró꞉ri ne tó꞉sa ahisehwahsénnaien ne thiʼkaniʼiosehráhte tánon tó꞉sa tsi sehwanakónhni ne Roiá꞉ner ne tsi ahisehwasénnaien ne kahiathonnisónhas sewashahánion. Tó꞉ka atsiʼsehwaʼwenhnaráhkwenh ne Roiá꞉ner, iáh káti thaʼtsisehwahrewáhthon.

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Hosea 1:8

Nó꞉nen ne Gomer sahostarontáko nahkoiénʼa, sók á꞉re saiowirahiéntahʼne rakshá꞉a nón꞉wa ne sahiowiraiéntahʼne.

Hosea 11:12

Ne Ephraim kwáh ne tewakatsathá꞉ton nonó꞉wens, tánon nonkweshón꞉as Nisraeró꞉nonke né꞉ne ratinikonráhtha; ók ne Judah shé꞉kon ki nenhné꞉e Rawenni꞉io skátne tehiatekhahákwa, tánon iorihwató꞉ken rahonhà꞉ke ne Rohiatatokénhti í꞉ken.

Zechariah 4:6

Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra.

1 Samuel 17:47

tánon nètho ratikwé꞉kon ne kiʼkénʼen ronatsataróhron aiá꞉wenhs ahonateriéntaraʼne nètho Roiá꞉ner tsi iáh neh asahrehkó꞉wah khéhs ne kaiénkwireh tehátstha nashakonónsthate; asèken nateriʼiósera Roiá꞉ner sehʼné꞉eh raówenk tánon kwáh ní꞉se entʼiát꞉kawe iakwahtshanákes nenhtèseh.”