Hebrews 4:3 - Ohiatonhseratokénti

³ Tsi nítion ne tionkwetákwen, káti, entewahiéna natorihséntshera tsi nihorahrátsʼton ne Rawenni꞉io. Kwáh thoʼní꞉ioht tsi niháwenh, “Wahkenakwenhenʼne ó꞉ni iorihwahníron wakarahrátston: ‘Iáh nonwénton tiahatiráhtaʼne nonwentsá꞉ke tsi nónwe nikhehionhontsá꞉wi nahonthoríhsen!’” Né kiʼwahénron iawehrohátien ne raʼoiohténsera ónen sikáshon ne shontakaháwi ne sharonhontiónni.

Hebrews 4:3 ပူးပေါင်းရင်းမြစ်များ

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Psalms 95:11

Wahkenakwénhenʼne ó꞉ni iorihwahníron wakarahrátsʼton: “Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!”

Exodus 20:11

Né iaʼiákʼkhaton siwenhniserakéhaton Í꞉i, ne Watiá꞉ner, waʼkonhontsíson, waʼkeronʼhíhson, ne kaniaʼtarakheʼkówa, tánon nʼoriwaʼkwékon né thóh íken, ók kí ne tsathákʼhaton siwenhniserakéhaton waʼkenhniseraiériʼte. Né káti aoríwa Í꞉i, ne Watiá꞉ner, waʼtiathatéristhe ne tsathákʼhaton tánon waʼkenhniseratokentísʼte.

Isaiah 28:12

ronnón꞉hake tsi ráʼwen, “Né kí꞉ken natorishéntshera í꞉ken; taietsíhion natorishéntshera ne iakonikonkátste; tánon né kí꞉ken nahtahkarihtétshera í꞉ken”; nek kík sá꞉ka iáh thaonathón꞉teʼne.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Ezekiel 20:38

Éhren enkhehiatenháwite ne sehwahnenhráhkon ne ronhteriʼiosehrahnónhwe tánon ne rotiriwahnerenhákskon. Enkhehiatínekenhwe ne tsi ionhontsáiens tsi nónhwe nónhwa nihatináhkere, ók iáh kíʼ tatkheríhon niahonsahónhne tsi tsiohontsáien ne Israerʼró꞉nonhke. Ethòne ensehwahteriéntarahne tsi Í꞉i ne Watiá꞉ner.”

Matthew 13:35

Ne naontahoȣennaierite ne Rotokense, tsi raȣen: tenkastskȣeksi nok tenkeriȣakentonȣe: enkerihotasionko neneh sontontonȣentsionni siioteriȣaseton.

Matthew 25:34

Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.

Ephesians 1:4

Séhkon ne kwáh ohénton ne sonthontonhontsiatásawen, knáha ne Rawenni꞉io shisonkwahiatarákwen ne rahónha rahonkwéta ahitewáthon thóh rahonháke ne Kerístos, neh꞉ne ahionkwahiatatokentíhake ó꞉ni kwáh iáh thènen tahionkwaníkon ne rahohénton. Ne iohrihonʼníʼon ne Rahononronkwátsera

Hebrews 3:11

Wahkenakwénhenʼne ó꞉ni iorihwahníron wakarahrátsʼton: ‘Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!’”

Hebrews 3:14

Asèken tewahkwékon teionkwahienawáhkon ne Kerístos tóhka enionkwahriwahníronke kwáh tsi nióre tsi ieiohtókʼte tsi nitionkweʼtakwenʼne tsi niʼtiotáh꞉sawen.

Hebrews 9:26

asè꞉ken ónenk tsi wéso iorihwáhke ahonsahoronhiakénʼen tsi náhe tiotonhontsí꞉shon. Khèʼkhok, nónwah ónen norihwakwékon ákta íweh ne tsi iehiótokʼte, énskak khók iehototáshion, nahonsaharáhkeʼwe ne kariwáhneren ehnahóntawe tsi rahonhatsí꞉wah roronhiakén꞉en.

1 Tiér 1:20

Rawenni꞉io roiatarákwen ne neh ohénton sontontonwentsiónni tánon onterihotashiónko kí꞉ken nonàken wenniseraténions níse sewariwá꞉ke.