Hebrews 2:9 - Ohiatonhseratokénti

⁹ Ónk kíʼ tsi tewáhkens ne Ié꞉sos, tsi nikáien ne kénk nikaríwes è꞉tahke roión꞉ni tsi nòkwah ne ratironhiakerónons, ne káti nonkweʼtakwé꞉kon ashakawenhéiase thóh nón ne Rawenni꞉io rahotenratsherákon. Ónen tsi tewáhkens rohnonkwahróron ne kahiatanerakwáhtshera ó꞉ni kakweniensthátshera tsoríwah tsi nihoronhiakén꞉en tsi rawenhéion.

Hebrews 2:9 ပူးပေါင်းရင်းမြစ်များ

Revelation 5:9

Orénhnase wathatirihwákwe: “Í꞉se ne sarí꞉onte nasatháwa ne kahorotakwenón꞉ni tánon ne tasnhetsiá꞉ke, asè꞉ken í꞉se ne iesanonwarhià꞉kon tánon né꞉ne sanekwénhsa seskarhiaténhni ne Ní꞉io raonkweʼtashón꞉as rotiiatatokéntis né꞉ne kwáh tsi niateiakotsokwáhkes tánon tsi niateionronkhatserá꞉ke ó꞉ni nonhkweó꞉kon tánon ne ronhnonhontsakeró꞉nons;

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

Romans 5:18

Ne kátiken, nètho énskat kariwáneren iakorewáthon nonkwetaʼkwékon, kwáh ne sákat nénskat kariwakwarishíontsera tiakówis nathatewennihiótseras nonkwesónha ó꞉ni tshiakahónʼnhets.

Acts 2:33

Tsi sonwakétskwen neh꞉ne tsi raweienthetákwen nòkwati ne Rawení꞉io, ne Roʼníha, ne Rawení꞉io thó꞉wi ne Rahonikonratokén꞉ti, kwáh tsi nihorahrátston. Tsi nahóten nónwa sewatʼkáthos ó꞉ni sewarónkas nehne rahotathawítsera tsi nisonkwahiatanorónston.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

2 Corinthians 5:15

Kwáh kiʼ kanenhrakwé꞉kon tsi shonkwenheiá꞉se ne Kerístos. Ne iorihón꞉ni rawenhé꞉ion neh ne tóhsa iaʼtaonsaionkwaiaʼtíston tsi aonsetiónhnheke, tóhsa í꞉ʼi khók aitewatatehiá꞉rake, nok aitewaskéhnha ne raónha aontahtshitewaʼnikonhraié꞉rite. Nok tsi niká꞉ien ne rawenhé꞉ion káti shotonhnhé꞉ton ní꞉ʼi onkwarihwà꞉ke.

Hebrews 10:5

Asèken ne kí꞉ken aoríhwah, nónen tóhwah ne Kerístos sahóntare ne tsi ionwenhtsiáte, wahawénhase ne Ní꞉io: “Karihwiiosehokónhas tánon ne thé꞉nenh aiesatátʼtie iáh né thaʼtesatonhontsó꞉ni, ok ní꞉se saweienenhtá꞉on noierón꞉ta nakeriwà꞉ke.

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

John 1:29

Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

John 12:32

Nok nii nonen enseȣakateratakȣen ne kentho ionȣentsiate, akȣekon nonkȣe akonhake entekeiatatihentho.

Hebrews 7:25

Tánon káti rohkwénion, nónwah ó꞉ni tiókonte, nashakoniákente tsi nihiákon né rahonháke nónwe nién꞉ien rahohénton ne Ní꞉io, tioríhwa tsi ronnhehónwe nahoniténtase ne Rawenni꞉io ne rahotirihwáhke.

Genesis 3:15

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.

Hebrews 8:3

Kwáh niatehatitsihénstatsis tsi ronwahiataráhkwen nahaterihwatsʼterístake nahotatstse ne Ní꞉io ó꞉ni nashakoteskóntʼthake ne kaʼtshé꞉nens tsi nòkwah ne Rawenni꞉io, tánon káti nonkwahtsihenstowáhnen ónenk tsi knahótenk enshakáh꞉wen.

1 Timothy 2:6

iehothatatkáwen nahonsashakoniákenthe neh kwáh kentiokwaʼkwékon tsi niaʼteienekwésakes nonkwesónha. Kwáh tahiothoʼkéntaʼne neh iorihwaniráthon neh Ní꞉io tehothonwentió꞉ni kwáh niaʼtehionkwétake aieniákenʼne,

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

Acts 3:13

Neh Ronwaní꞉io ne Abraham, Isaac, tánon Jacob, ó꞉ni ne ietʼthisothaʼokonkénʼen, thówi ne kahiataterítsera ne rahonhátsera Ié꞉sos. Nók í꞉se hiatsisewátkaʼwe tsi nòkwa ne rathiriwakweʼní꞉ios, tánon í꞉se watsisewakénron rahohénton ne Pilate, sékon ne kwáh ne Pilate siaʼthoriwaiéntaʼse nahonsahótkaʼwe.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Romans 8:3

Tsi nahóten ne kaianerénsera iáh tehiotónʼon tsi naioiéren, neh iorihónʼni sóhtsi iotsihióhakwe tsi niʼiakonnhóten nónkwe, tsi naháiere ne Rawenni꞉io, waharéwate ne kariwáneren neh꞉ne tsi niwátstha tsi nihiakonnhótens ne ónhkwe tsi tahothéniete nénskat khók roiénha, neh꞉ne ahariwáthonʼne ne kariwáneren.

John 10:17

Ne ȣaonni rakenoronkȣa ne Rakeniha, neh tsi ok tikiens tsi konnhe, neh nataontaȣe aonsakiena.

John 8:52

Tontahonniron kati ne Sitaeronon: Onen tokenske oriȣiio ȣahationni tsi sanesonronontseraien: Abraham raȣenheion, Rotitokensehakȣe oni, nok saton: onka enhakeȣennarakȣe iah nonȣenton tharenheie.

Matthew 16:28

Oriȣiio tsi kȣarori, tsi otiake kentho ratiiatare ne iah taonniheie, tsiniiore ienhontkatho nʼOnkȣe Roienha enhataȣeiate raonakeraserakon.

Revelation 19:12

Ne raká꞉rakes kwáh né꞉ne otón꞉kwa ó꞉tsire, tánon wé꞉so rononwaró꞉rons; tánon thóh kashénhnare né꞉tho iáh ón꞉ka teiakoterièn꞉tare nahó꞉ten kén꞉tons kwáh rahonhatsí꞉wa khók roterièn꞉tare.

Hebrews 2:7

Tsi shehiatíson kénk nikaríwes iáh tóh tethonátʼthekwe tsi ní꞉ioht ne ratironhiakerónons; ne waʼsehianonhwaró꞉roke ne kahiatanerahkwáhtsera tánon ne tekarénhsaron,

Luke 9:27

Oriȣiio tsi kȣaroris, tsi ratiiatare nonȣa ne kentho ne iah tahonniheie ohenton nahontkatto ne Niio raoiatanerakȣatsera.

St. Mark 9:1

Ratonhakȣe oni tsi sakororihakȣe: Oriȣiio tsi kȣarori otiake kentho ratiiatare ne iah tahonniheie ohenton naontkatto aonȣe ne Niio Raonakerasera aosaststensera.

Matthew 6:28

Nahoten oni ahoriȣake toseȣatatonikonrhare natakȣennia ahoriȣake? Teseȣaiatoret tsiniiot tsi konteiarons nʼahontesonha: iah teiotiiote iah oni etkontiseriies;

Isaiah 11:1

Né thenkarénharon kwáh thóh nón꞉we nènhtewe tsi thóh iotsinahá꞉rote ne Jesse, tánon nonàhte kwáh thóh entewatehiáron nahoterá꞉ke.

John 8:51

Oriȣiio, oriȣiio tsi kȣaroris, onka enhakeȣennarakȣe, iah nonȣenton tharenheie.

Hebrews 1:9

Sehnorónkwah nahóten ne tkariwahiéri tánon skenrónni nahóten ne iáh tetkariwahiéri. Né ká꞉ti aoríhwa ne Rawenni꞉io, ne Shaʼní꞉io, í꞉se iahiatará꞉kwen nahisanontí꞉ioke tsi ní꞉ioht nón꞉kak akóren rónkwe, tánon sénha wé꞉so thowéron natʼtsenhnonhniátshera ne shonháke sénha tsi ní꞉ioht ne ronátsiakes roʼtinontí꞉ios.”

Hebrews 11:5

Tewehtákwenh seh wahonónstathe ne Enoch tsi iáh tehawenhéion. Khèʼkhok, Ni꞉ióʼne niahonwahiaténhawe, tánon iahónka tehiotón꞉on nahonshahonwahiataʼtshénrion, tioríhwa tsi Rawenni꞉io iaohiaténhawe. Norihwahtokénti wáhton né꞉tho Enoch nohénton shahonwahiatakaráhtaʼthe, thóh nikonrahieríhton ne Rawenni꞉io.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.