Hebrews 2:3 - Ohiatonhseratokénti

³ Onhkáti, ne ní꞉ioht, tsi aitewahié꞉na kénhʼne tóhka iáh taitewahtennikonráhratʼte né꞉e nikowáhnen kaiatakenátshera? Rahonhatsíwah ne Roiá꞉ner tohtierénton rorihowahnáton kí꞉ken kaiatakenátshera, tánon tsi niʼiákon ronwahtontéʼon ionkwahterihwahniráti tsi tóhkenske íken.

Hebrews 2:3 ပူးပေါင်းရင်းမြစ်များ

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 20:6

Né èhʼthoh entewenhniseráteʼke ne ratinákere ne kénhen kawenhokwát꞉tonhtse kwáh enhonhníron, Satkátho, kén kí꞉ken nihiawénhen tsi niháti rononhàke ionhkwahraratsheʼraiéntaʼkwe tánon rononhàke niahitewatátke nahionkiʼiénawaʼse tánon nahonsahionkhiʼiatotsaríhsi tsi nòkwah ne ronhnontí꞉io Assyria! Tánon nonkwáhtsakes, onhní꞉ioht tsi ahonsetewaniákenhne?”

Isaiah 51:5

Kwáh iostó꞉re ákta entékhaʼwe nakatesenhniéntshera, naká꞉wenk kaiatakenhá꞉tshera iehiohiaʼkénʼen tánon ne kenenhtsháke kwáh ne enhiakokʼkó꞉raste nonkweshón꞉has; ne tsi kawenhó꞉tons í꞉i wakèrare, tánon né꞉ne kenenhtsháke ronská꞉neks.

Isaiah 51:8

Asèken ne kokhó꞉wa kwáh thóh ní꞉ioht tsi eniakowáraʼke tsi ní꞉ioht tsi wakwe:niaks, tánon notsinonhwanhé꞉ta kwáh eniakowárake tsi ní꞉ioht tsíwaks nononhwé꞉rhon; ók nakatesenhniéntshera tsi né nénhwe enkénhake, tánon nakatanithenrá꞉tshera tsi wahenenhkwensatátie akowenhkhón꞉we enkénhake.

Isaiah 62:11

Né Roiá꞉ner teoteriwareniáton né tsi iehiotonhontiotʼtaníhon nió꞉re: Sewènhas nakoiénha Zion, “Satʼkátho, né sahiaʼtakenhátshera taiawenonhátie; né raoʼrihwasehrakwáhsera nikweʼkonhátie né rahónha, tánon né raóʼwenk kakaʼrihátshera raohénton ká꞉ien.”

Ezekiel 17:15

Ók ne Ronnonhtí꞉io ne Judah wahtharihóroʼke tánon Egypt iashakoténiete ne ronwahthá꞉tsiaʼse nashakotinóntʼsa kosáhtens tánon kanenhrowáhnenh ronterí꞉ios. Enhoteriwahténtsiaʼse onhtèken? Enhakwéni kén ne thóh naháiere? Iáh tahakwéni ne taháhiake nateriwahseronhniátshera tánon ne iáh tahonwahréwahthe!

Ezekiel 17:18

Tehohiákon ne roriwahniráhton ó꞉ni nateriwahseronhniátshera ne róhson. Akwékon kíʼ eh nihohieráhnion, ók kíʼ iáh ónenh thaʼhónton nahonsahaniákenhʼne.”

Matthew 23:33

Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

Matthew 4:17

Ethone oni onen ne Iesos tahatasaȣen ȣahateriȣanoton, oni ȣahenron; Saseȣatatreȣat aseken akta ihȣe ne Niio rahonakerasera.

St. Mark 1:14

Onen sihonȣannhoton ne Saȣatis, Kalilene sonsaraȣe ne Iesos Sakorihonniennihatie ne Niio rahonakerasera.

Luke 1:2

Tsikiniiot tsi ionkhirori nakȣa rononha ronatkathon oni sakonatatiskȣe nʼOȣenna.

Luke 1:69

Oni tsi ȣasontion enskat ne rosastenseroȣanen nasakoiatakennha Taȣit raȣatsirakon ȣahaiakenne.

Luke 24:19

Tontahenron, oh nekenh nahoten: tontaniron: Iesos ȣahi Nazaretronon raiatatake, Rotokensehakȣe, raȣeiennanoron, raȣennanoron oni rahohenton ne Niio oni akohenton nonkȣeokon;

Acts 2:22

“Sewatahónsatat kí꞉ken owennasónhas, neh sewahʼIsraerónons! Ié꞉sos ne Nazarethʼronon nahahiathótenʼne neh Rawenni꞉io kwáh tehióskwatʼte tsiʼsewenestén꞉ni ne ioriwanerakwathénions ó꞉ni sewatʼkáton, tsi rahonháke ne Ié꞉sos non nihohiotátiesʼkwe. Kwáh hiatesewahiá꞉ti sewateriéntare kí꞉ken nahorihótens, asèken kwáh kén꞉en tsi natesewátere éhʼtho niʼiawén꞉en.

Acts 4:12

Ne kaʼiatakeʼnhátsera raonháke khók non nen kahtsénrion; kwa tsi nihiohóntsia kwáh iáh ónka nakóren ne Rawení꞉io tethesakówi naʼiekwéni ahonsahionʼkhiniákente.”

Romans 11:14

Tóhkaʼ senónwa enkwéni ne nonkwesónha neh꞉ne sahakwaiáta nahathinósʼsa, nehʼne ahkarihónʼni tsi niwatiotenʼhen ne Rawenni꞉io ótsiake ensakonónsta꞉te.

Romans 2:3

Nók í꞉se ontiaténro, kwáh iatesháti ehnisaieránion tánon kíʼ kwáh nènne iaʼteseiatoréton nakorénsons! Ísere ontèken ensehseniákenʼne neh Rawenni꞉io rahoiatoretátsera?

1 Corinthians 1:21

Asèken tohrahorihwahkwahrishiontsherá꞉kon ne Rawenni꞉io oriwí꞉io rahónni tsi kwáh tsehionikonróktha ne ónhkwe ahonwahientérahne tsi nikéntons ne raonatʼthotʼkhátshera. Khé꞉khok, tsi nikéntons ne konwahnathónkwah “ononwahroríta” ateriwahnotháhtshera ionkwahteriwahnóte, Rawenni꞉io iatoriwahiéntase nashakoniákenthe tsi nihiákon ne tiakawetákwenh.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

1 Timothy 1:15

Ne kí꞉ken ne kwáh tóhʼkenske tsi niwáhton, ne kwáh iahiokontakwénhake ahiontiénawasthe ó꞉ni nahontahiakéthakwe: Kerístos Ié꞉sos tawéhnon tsi ionwentsiáte nasakoniákenthe ne iakoriwáhneren. Í꞉i nèn꞉ne ne kwáh tewahkenonkwísen tsi niháti,

Titus 2:11

Asèhken ne Rawenni꞉io rahwenéston ne rahoténrat né꞉ne aʼkoiatakehnhátshera nonkwetakwékon.

Hebrews 1:1

Tsi nitsawénon Rawenni꞉io wéso iorihwáhke sakotaráni ne ietʼtisotthonkonhkén꞉en tánon ó꞉ni wéso tsi nitsawéhnon ne rotitokenshéhakwe ó꞉ni shakotahráhni,

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Hebrews 1:2

nók kíʼ nonakènkha tsi niwenniseraténions raonháke ne roiénha nónwe nishonkwataránis. Raonháke nónwe nitsawénon tsi kashahánion ne kwáh tsík nahoténson, tsi nikáien ne Rawenni꞉io rohiatarákwen ne oriwakwékon ahowenkónweke ne tsi iehiótokʼte.

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Hebrews 4:1

Nónwah, Rawenni꞉io wahshonkwáhtatshe ne karahrátʼtsera nahónton aitewahiéna natorihsénhtshera tsi nihotʼró꞉ri. Ánion tewahtennikonráhren, káti, tóhsa ónkah tsi nítion naisewahrihwahnóron né iáh taisewahienásere nètho kahrahrátsʼton.

Hebrews 4:11

Ánion káh, káti, iatethewahtatʼtiáhat aitewahiéna nètho atoriséntshera, nekáti ne tóhsa ónhka tsi nítsion naionkwahriwahnóron tsi né nihotihiatawénhen tioríhwa tsi nitohnathotʼtaníhakwe naʼthokhátshera.

Hebrews 5:9

Tsi ónen watatónkothe, raónha ne kashatsténshera waháton ne ionnhehónwe kaiatahkeʼnhátshera né꞉ne tsi niiá꞉kon nenhonwahwénnarahkwe,

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

1 Sawátis 1:1

Iakwaiáthonse aoriwáke ne ionnheʼónwe owénna, neh꞉ne sikáien ne kwá sitiotásawe. Ionkwarónken, tánon kwá í꞉i tewakaráke ionkwatkáton; hen, ionkwatkáton, tánon ó꞉ni ne tewatshanáke ieioienáʼon.

Jude 1:17

Nok seweiárak, tehwatenrosónhas, tsi nahó꞉ten ietʼtsiró꞉ri né tiotohéston ne ratikwékonne ne Sonkwaiáner Ié꞉sos Kerístos.

Revelation 7:10

Teotihenréhtha tsi natehatiwenhnakaré꞉ni, ronhtón꞉nions, “Ne Kaiatakená꞉tshera ne raó꞉wenk nonkwáh Ní꞉io tsi raónha thóh renskó꞉te nanitskwá꞉rahne, ó꞉ni raónha ne teiotinaʼkarontónha owí꞉ra!”