Haggai 2:9 - Ohiatonhseratokénti

⁹ Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.

Haggai 2:9 ပူးပေါင်းရင်းမြစ်များ

Isaiah 60:7

Kontiʼkwé꞉kon ne tionhnóns꞉kwahrons ne Kedar kwáh enkonhwatiʼiataróroʼke ní꞉se sarihwá꞉ke, né teotinakarontónhas ratítsinn ne Nebaioth nón꞉we nenhtonwatiʼiaténhaʼwe né ensehiaʼteskónten; né enhonwatiʼiéna ne tsitʼtsenharákwah, tánon kwáh thenkerénhsaron tsi niʼiotkwéniens naʼkenonsatokentikówaʼne.

Isaiah 66:12

Asèken né aoríhwa rá꞉ton né Roiá꞉ner: Kwáh ienhkóhetsʼte naoiataterí꞉tshera nahonháke tsi ní꞉ioht né kaniataratátie, tánon né raotiʼkwahséhtsheras né rononhontsakeró꞉nons thóh nenhiotonháke tsi ní꞉ioht né teiotnekaré꞉nion kahionhatátie; tánon níse kwáh kí ensewanón꞉kera tánon ensewahiatenhawí꞉shon kanenhtsáke, tánon iensewashiʼnaiénthaʼke kakwitsáke.

Ezekiel 43:5

Né Roiá꞉ner Raonikonhratokénti onhtsiathakaráhthaʼte tánon atenhénrahkon niahontsiaténhawe, thóh nónhwe nakatʼkátho Nononsatokentiʼkówa kwáh kahnáhnon ne Roiá꞉ner raohiatanerahkwáhtshera.

Micah 5:5

tánon kwáh rahónha khók ne skén꞉non enkénhake. Nó꞉nen ne Assyriaró꞉nons enhionkhihionhontsó꞉renhne tánon ahatiratatséson nontionhontsá꞉kes, tsi ionkwanonshó꞉tons kwáh kí enhiakirihón꞉ten tsá꞉ta nihatikoraserá꞉kes niahonwanatsatón꞉ti tánon sha꞉tekon nihá꞉ti nasakotihéntenhse.

Haggai 1:8

Wás iasewanonhtá꞉raʼn ne tsi ionhniarónhnions iasewaronhtsá꞉kon tánon tasewakonhretsenháseron tánon sasehwanonhsón꞉ni nononsatokentoʼkó꞉wa, ne ká꞉ti nahónton ahonkerienʼtí꞉io tánon ahiontkwénienste, rá꞉ton ne Roiá꞉ner.

Haggai 2:3

Ónhka kenh tsi nítson ne iatesewathaténron nahisewatkátonhke kí kén꞉en kanónshote nohén꞉ton tkénhne tsi nihiononsanerakwáhtonhne? Onhká꞉ti nón꞉wa ní꞉ioht tsi tsisewatkátos? Tsi tesewaká꞉nere ne ken ne kwáh iáh othé꞉non thakénhake?

Zechariah 2:5

Ne Roiá꞉ner rorahrátston raónha ne tekensténrote nótsire neh tekanhathanákton nahonthashá꞉kohne tánon thóh nón꞉we nenhenterónthake skatʼke ne rahohiathanerahkwátshera.”

Luke 2:14

Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

John 14:27

Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Ne꞉ne Sák Rohiaton 2:1

Tewatenroshónhas, neh tsi theʼtsitewetákwen ne Sonkwaiáner Ié꞉sos Kerístos, rahónha Roianere ne kahiataterítsera, tóhsa nonwénton takontʼthihánionke tsi níʼioht tsi ahsekwénienste nónkwe ne taʼskatʼkáneren tsi nahiontʼkathotseróten.