Haggai 2:22 - Ohiatonhseratokénti

²² tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te.

Haggai 2:22 ပူးပေါင်းရင်းမြစ်များ

2 Chronicles 15:6

Né skanakeráhsera ieshesakotiwiʼsháhta ne tihotinakerahseráte, tánon ne skanáta kanatowánen iesheʼshahkotiwiʼsháhta ne tihotináthate, tsioríhwa ne Rawenni꞉io tsi ne tashakowihátie ne tahonhnikonhráren tánon nashakonikonhraronhiákente.

2 Chronicles 20:22

Nónen shontahontháshawen tahatiríhwaʼkwe, né Roiá꞉ner iashakotiénhse ne ratinenhrénhta ronhterí꞉ios né tahonhnonnahríkʼkon.

2 Chronicles 20:23

Né Ammonró꞉nons tánon ne Moabró꞉nons iahonwahnatiatónhti ne Edomró꞉nons ronterí꞉ios tánon kwáh thóh kénʼen tsi wahonwaná꞉tonhte, tánon ethòne ó꞉nen ronhnón꞉hak khók tionhsahatiʼkariahte tsi ní꞉ioht ne kário tsi natehóntere sahonteriʼioháton.

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 76:6

Nó꞉nen sasehterónkwen, Ó tse Ní꞉io í꞉ken ne Jacob, ne kosáhtens tánon ne rotisáhtens waʼhatihiatsénenhne waʼhonhníheie.

Exodus 14:17

Thóh nióre tsi enʼkhenontsisʼtanírahʼte ne Egyptró꞉nons kwáh thóh nienhónhne nahonwatísehʼre, tánon ne tenkathéntsa ne kaʼkweniensʼtátshera tsi enhiʼsènhni ne ronhnonhtí꞉io, ó꞉ni ne rahonkwetashón꞉ʼas ronhterí꞉ios, ó꞉ni ne rahosehreʼshón꞉ʼas ne konhterí꞉ios otsiónkwas, ó꞉ni ne rahonkweʼtashón꞉ʼas ne sakonató꞉res ne koshá꞉tens.

Exodus 14:28

Nʼonèkanos tontònkeʼte tánon taʼkarórohke ne otsiónkwas káseres, ne sakonahtó꞉res ne koshá꞉tens, ó꞉ni ratiʼkwékon ne Egyptró꞉nons ronhterí꞉ios né sakotíseron ne lsarerʼró꞉nons ne kaniatarahʼkheʼkó꞉wa; iáh ne saiáta tsiaʼtesohtaʼténron.

Exodus 15:19

NʼÍsraerʼró꞉nons ehtshiaʼhónhne ne kaniatarakheʼkowàhne ne tsi nónhwe nihionhontsátʼthen. Ók kíʼ nó꞉nen ne Egyptró꞉nons ne rahotiʼsehreʼsónhas notsiónkwas skátke ne koshátens ó꞉ni ne sakonató꞉ries kaniatarakheʼkowàhne niahónhne, ne Roiá꞉ner thonsaʼhané꞉kákha, tánon tahiakoróʼrohke.

Exodus 15:4

“Kaniatarahʼkhekoʼwàhne lasakohiaʼtónti ne Egypt raotiókwa ronhteríios ó꞉ni ne raotisereʼsónhas otsiónkwas; né kwáh thoʼnonhkwetí꞉ios ne ratiʼsenhnowánens Red Sea nónhwe nahatískohne.

Isaiah 19:2

Kwáh enkhetsirón꞉nien tsi natehóntere ne Egyptró꞉nons, tánon kwáh enhonteriʼióhaton, thenhontaʼtatkónthen, ne tehonhnonsaʼnekhánions thenhontatatʼkónthen, ne kanatowánens iaʼthenhontaʼtsatónhti, tsi kanakeraseraʼkérons thenhontatatʼkónthen;

Isaiah 60:12

Asèken né ronhnonhontsakeró꞉nons tánon né kanontiʼiótsheras né iáh tahiesahiótenhse kwáh kí enhatiʼiatáton; nétho ronhnonhontsakeró꞉nons kwáh thóh kénʼen tsi enhatiʼrihwahiésha.

Isaiah 9:19

Ne ne raonhakwáhtshera ne Sakoiá꞉ner ne ronterí꞉ios ratiʼronhiakerónons nohón꞉tsa otonhontsákʼtsa, ne nohóntsa wahó꞉teke, tánon nonkweshónhas ne wahonwanatsatatʼtsahátaʼkwe notsiráke; iáh ónhka ne tahtesonaʼthateniakénton.

Ezekiel 21:27

Ioriwaiesáhon, ioriwaiesáhon! Hén, ne Enkónhniate ne kanatowáhnen nakariwaié꞉sa. Ók iáh kíʼ kí꞉ken éhtho taiáwenhne tsi nióre énrahwe tsi nikáien rihiataráhkwen naharéwahthe ne kanatowáhnenh. Tsi kwáh rahónʼa entʼthíhion.

Ezekiel 26:16

Rahthikwékon ne Ronthinonhtí꞉ios ne ronhthihonwahiéntons kwáh entʼthònsnenhte ne rahonahnitskwáhrahne. Enhathirishiónhko ne wahkóses rahonahtsáthawis tánon ne tewahsehrihiethá꞉rons rahonatʼtsherónhnias tánon ohontsáke enhonhnitskwahkhéron ronhtihiatisónhkwah. Éhʼtho nióre tsi rohtíteronhs tsi nisahiátawenhs kwáh iáh tahathikwéni nahóntʼkawe tsi rothihiatisónhkwah.

Ezekiel 38:21

Kwáh entʼtherónhkwen ne Gog niatehioriwákes ne kakahronhniátshera. Í꞉i, ne Wakenonhtí꞉io Watiá꞉ner wakatáti. Ne rahonkwetashón꞉ʼas enhonthasaróhiake tsi natehóntere

Ezekiel 39:20

Nakathekwáhrahne kwáh tsi níkonh enhathikwéni ne ahónneke ne koshátens ó꞉ni ne rothisáhtens tánon ne ronhterí꞉ios. Í꞉i, ne Wakenonhtí꞉io Watiá꞉ner, wakatáti.”

Daniel 8:25

Ne tsi nihatsítsho, raweienáksen kwáh ki enhoterihwahténtiaʼse. Enhatatonníheke ó꞉ni iakotiohkowá꞉nen enshakoʼwéntho ne kwáh iáh oʼthé꞉nen thaontontró꞉ri. Kwáh ó꞉ni enhonenhróthase ne kwáh thaʼshátste ronnontí꞉io, né ne Rawenni꞉io. Rawenni꞉io kiʼ ne enhóhtonte né ne kwáh iaʼtenhoiáʼtihste.

Amos 2:15

Ne ronʼennénhawe iáh kíʼ thahatí꞉take nonhontsá꞉ke, tánon tsi nihá꞉ti ne tehotí꞉kaʼs iáh kíʼ thahatikwé꞉ni nahontatenónhstate khehs tsi nihá꞉ti ne kohsá꞉tens rotihsá꞉tens iáh kíʼ thahatinónhstate tsi ronnónhnhe;

Micah 5:10

Ne thóh enwenhniserá꞉teke, rá꞉ton ne Roiá꞉ner, kwáh enkhehiá꞉tonte ne satsenenhó꞉konhs koshá꞉tens tsi nón꞉we ní꞉sewes tánon kwáh enkerihwaʼtonhte ne sarereshón꞉as ohtiónkwas.

Micah 5:15

Tánon thóh kanhakwahtserá꞉kons tánon aterhiatitkontserá꞉kon kwáh ne enkaterihwathentiá꞉te ne karewathá꞉tshera rononhà꞉ke ne ronhnonhontsakeró꞉nons ne iáh tehontewenhnaráhkwa.

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Micah 5:9

Kwáh enietsitsanakétskwate eʼneken ne tsi tesewatatʼtions, tánon ratikwé꞉kon ne ieshá꞉shons kwáh kí enhonwanáhtonte.

Micah 7:16

Ne ronhnonhontsakeró꞉nons kwáh enhontkáto tánon enhontéhen kwáh raotishatstenhserakwé꞉kon; kwáh thenhontatsanarónnion tsi ratisakaróntons; tenhonhontákweke.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Zechariah 10:11

Nó꞉nenh thóh nón꞉we nenhontó꞉hetsthe ne kaniatarakeʼkó꞉wa ne tekanihkónhrare, Í꞉i ne Watiá꞉ner, enkenonhwáhrehke ne iononhthakwahronhthónties, tánon tsi nihionótes ne Nile kwáh enwastátʼten. Tsi niwahthatón꞉ni ne Assyria kwáh tenkonhwenhtsó꞉ten, tánon tsi nihioshatstenhserowá꞉nen ne Egypt kwáh enhiothónse nahoshatsténhsera.

Zechariah 10:5

Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.

Zechariah 12:9

Ne nenhkahá꞉wike kwáh onhkweʼtahkwé꞉kon enkhehiathónte nenhontheniénten niakonwahtiaʼtón꞉ti ne Jerusalem.

Zechariah 14:3

Ethò꞉ne ne Roiá꞉ner ienhahiá꞉kenhne tánon enhonterí꞉io nonhkweshón꞉ʼa, tsi ki ní꞉ioht tsi rohterí꞉io ne tiotohesthánion.

Zechariah 4:6

Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

Matthew 24:7

Aseken tenhotiriȣarheseron ne tehontonȣentsianekhaon tsinonkȣati ne raotisastensera: nok enhiontonkariakon, enkannratarineseron nok tenhiaonȣentsishonkȣanion.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Judges 7:22

Tsi nikaríhwes ne Gideon rahonkwetaʼshón꞉as rotihonrawáton, ne Roiá꞉ner washakahónhnien ne tehontátʼtsons rahotitsiókwah ronónhak khók thonsahontatʼkári rahonasareʼkówa wáhonste. Zarethan nòkwah niahatítatʼke kwáh tsi nióre ne Beth Shittah, ó꞉ni kwáh tsi nióre ne tsi tkanátaien ne Abel Meholah ákta ne Tabbath.

1 Samuel 14:16

Ne Saul tsi nón꞉we natehanenhraientákwa thóh nón꞉we Gibeah ne ne Benjamin tsi nishakotinikónraʼre nonkweʼshón꞉áhs tsi nihatiʼtatʼkenónties tsi natehonaniʼtonhniénhni.