Haggai 2:21 - Ohiatonhseratokénti

²¹ Stá꞉ras né Zerubbabel, ne rakó꞉ra ne Judah, né꞉tho ó꞉nen thó꞉wa akáwake ne tsi karonhiá꞉te ó꞉ni tsi ionwenhtsá꞉te,

Haggai 2:21 ပူးပေါင်းရင်းမြစ်များ

1 Chronicles 3:19

Né Pedaiah tékeni tehonekenteronhtsheraʼiéntaʼkwe, né꞉ne Zerubbabel tánon ne Shimei. Né Zerubbabel né꞉ne sakohiohokonhkénʼen ne teniʼnekenteronhtseráke, né꞉ne Meshullam tánon ne Hananiah, tánon skaiáta roʼiatasetseraiéntaʼkwe, Shelomith konhwáiatsʼkwe.

Ezra 2:2

Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

Ezra 5:2

Nó꞉nen ne Zerubbabel ne roʼní꞉ha né꞉ne Shealtiel tánon ne Joshua ne roʼní꞉ha ne nénhne ne Jehozadak wahonathón꞉teʼne ne rahonateriwanothá꞉tsheras, thontahiatháhsawen nahonsahiatenonhsón꞉ni Nononsatokentihkó꞉wa ne Jerusalem nón꞉we, tánon ne tenihiá꞉se rotitokénhse wahonwatisnié꞉non.

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Ezekiel 21:27

Ioriwaiesáhon, ioriwaiesáhon! Hén, ne Enkónhniate ne kanatowáhnen nakariwaié꞉sa. Ók iáh kíʼ kí꞉ken éhtho taiáwenhne tsi nióre énrahwe tsi nikáien rihiataráhkwen naharéwahthe ne kanatowáhnenh. Tsi kwáh rahónʼa entʼthíhion.

Ezekiel 26:15

Ne Ronhnontí꞉io Roiá꞉ner kén nahó꞉ten róien nahénron tsi nòkwah ne kanatowahnenhkéne Tyre: “Ne nónenh iesahshastsʼtenserahkénhnion, nonhkweshón꞉ʼa ne atsátʼthontse rathinahkerénion kwáh í꞉ken tsi enhonahteronhiénten tsi natehothihenréhtha ne ronhwahnahwénhtʼthos.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Haggai 1:1

Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Haggai 1:14

Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken,