Haggai 2:18 - Ohiatonhseratokénti

¹⁸ Sewanontonhnión꞉ko kén꞉en wenhniserá꞉te iewatáhsawen, né꞉ne tewáhsen kaié꞉ri niwenhniserakéhaton né wenhnì꞉tare ne tiotonhá꞉ton niwenhnitakéhaton. Tsi ná꞉he ne thóh tewenhniserátekwe tkenskwahráston ne Roiá꞉ner raononsatokentikówa, sewahnontonhnión꞉ko:

Haggai 2:18 ပူးပေါင်းရင်းမြစ်များ

Ezra 4:24

Tsi rothihiò꞉thekwe Nononhsatokentikó꞉wane tehothitahón꞉ne tánon kwáh iáh othé꞉nen thesohtihiò꞉tenskwe tsi nió꞉re ne tekení꞉haton shihiosehrathátie ne shihononhtí꞉io ne Rakó꞉raʼkwe Darius ne Persia nón꞉we.

Leviticus 19:25

Ók ne wískʼkhaton nihioserakehátsie enhwáton nahonsehsewáhiake. Tó꞉ka kí꞉ken oriwakwékon thóh nenhsewáiere, ne sewaronhtasónhas sénha wéso enwahianihiónten. Í꞉i ne Watiá꞉ner Sewaní꞉io íken.

Haggai 2:10

Ne tewáhsen-kaié꞉ri shiwenhniserakéhaton ne tiohtónhaton niwenhnítarahkwe, né꞉ne teiohserahkéhaton né꞉tho Darius, ne raowén꞉na Roiá꞉ner rahonhà꞉ke ne rotokénhse Haggai nontá꞉we, ratónhnionskwe:

Haggai 2:15

Ók ó꞉nenh, sewanontonhniónko tsi niahawenonhátie tsi niiotón꞉ne nohénton shontahontáhsawen ne watahtinenʼiaserónnion ne raononsatokentikówane ne Roiá꞉ner,

Zechariah 4:9

Wahèn꞉ron, “Zerubbabel tehostenró꞉the nononhsatokenhtí꞉ke, tánon ienhásha tsi rotenonhsonnihátie. Nó꞉nen kí꞉ken é꞉tho nenhiá꞉wenhne, nakonkweʼtahshón꞉ʼa enhonahterienʼtá꞉rahne tsi Í꞉i hiekwahtó꞉rion ne rononhà꞉ke.

Zechariah 8:12

Kwáh skén꞉nen tsi enhathihienʼthósehrons. Ne rahoná꞉wenhk ne wahthenenharísehres enkanenharahnihiónten, ne tsi ionwenhtsá꞉te entkáhnio ne kaienʼthó꞉tsheras, tánon kwáh wé꞉so tsi enhiokénhnoren. Kwáh akwé꞉kon enthekhéhion kih kahiathateríhtsheras nakonkweʼtahshón꞉a tsi niká꞉ien ne iatehonahthaténron.

Zechariah 8:9

“Sewaʼnikonhrahnirónhhak! Ó꞉nenh kwáh ne sahowén꞉nas sewahrónhkas ne rotitokenséhake ronahthatí꞉hon né꞉tho shikahá꞉wi shathatitstenróh꞉ten nahkonwenhskwáhren nahkenonhshatotentikó꞉wah.

Deuteronomy 32:29

Iáh tehathikwénies nahontkátho nonhtié꞉ren tsi ronhwathishén꞉nion; iáh tehathikwénies nahotinikonhraiéntaʼne tsi nihiá꞉wenhen.