Haggai 2:15 - Ohiatonhseratokénti

¹⁵ Ók ó꞉nenh, sewanontonhniónko tsi niahawenonhátie tsi niiotón꞉ne nohénton shontahontáhsawen ne watahtinenʼiaserónnion ne raononsatokentikówane ne Roiá꞉ner,

Haggai 2:15 ပူးပေါင်းရင်းမြစ်များ

Ezra 3:10

Nó꞉nen ne ratinonhsón꞉nis tahontháhsawen nahonhnón꞉ni tsi wahatitstenhrakwenhtháro tsi nón꞉we nenhkonhwénhskwahre Nononhsatokentihkó꞉wa, ne ratitsihénstatsis wakóses ronátstons wathatí꞉taʼne tánon iehonrawátstas ratihawánion, tánon ne Levites né꞉ne tsi ratitióhkwaien ne Asaph thóh wathatí꞉taʼne tehiotwashakwenón꞉ni ratí꞉hawe. Wahonwashén꞉naien ne Roiá꞉ner né tahiohianénhawe ne waterenhnothasónhas tsi nithonwaná꞉wi ne shihotenhniserathénionhkwe ne Ronhnonhtí꞉iokwe Táwit.

Ezra 4:24

Tsi rothihiò꞉thekwe Nononhsatokentikó꞉wane tehothitahón꞉ne tánon kwáh iáh othé꞉nen thesohtihiò꞉tenskwe tsi nió꞉re ne tekení꞉haton shihiosehrathátie ne shihononhtí꞉io ne Rakó꞉raʼkwe Darius ne Persia nón꞉we.

Psalms 107:43

Aiáwenhs tsi nihiákon ne iontenikonhratʼtókha ahionhnonthonniónhko kí naorihothénhsons, aiáwenhs ne ahonhnontónhnionwe ne Roiá꞉ner raonoronhkwáhtshera ne iorihwaʼtóken.

Isaiah 5:12

Rotinowahién꞉tons ne ne, kén nikanakwá꞉as, ó꞉ni né ohoró꞉ta ionhterenhnotákwah tánon ne otsítsa, ók sanontonhniónko nètho ne raohioténseras ne Roiá꞉ner, khés nasatʼkátho naohioténhseras ne ratsanákes ioriwakanonhníhon!

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Haggai 1:5

Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie.

Haggai 1:7

Káti rá꞉ton ne Sakoiá꞉ner ne ratironhiaʼkehró꞉nons: tesewaiaʼtó꞉ret tsi nitiónhnhetie.

Haggai 2:16

onhnisewaweienóthenhne? Nó꞉nen nón꞉kak wahón꞉we ne tsi iotónhiote nonátsa iahkoraráhtie tewáhsen nikawinotserá꞉ke enhiakotónhnien, ók oié꞉ri khok nikawinotsherá꞉ke wahakotónhnien; nó꞉nenh nónhkak iahá꞉hen tsitkanakwá꞉here nonenhará꞉keri niahienekotsénhte wísk niwáhsen nikaweró꞉kwahke iakoraratiéne ók tewáhsen khok nikaweróhkhwahke wahakonekaiéntane.

Haggai 2:18

Sewanontonhnión꞉ko kén꞉en wenhniserá꞉te iewatáhsawen, né꞉ne tewáhsen kaié꞉ri niwenhniserakéhaton né wenhnì꞉tare ne tiotonhá꞉ton niwenhnitakéhaton. Tsi ná꞉he ne thóh tewenhniserátekwe tkenskwahráston ne Roiá꞉ner raononsatokentikówa, sewahnontonhnión꞉ko:

Zechariah 8:10

Nohén꞉ton ne shikahá꞉wi iáh ónhka tewahthónskwe nahiekarahkwé꞉ni nahonwahthinhá꞉ne ne rohnón꞉kwe tó꞉ka ó꞉ni ne kaʼtsén꞉nen, tánon iáh ónhka ne skén꞉nonhk akénhake tsi nokwáh ne tehontakʼtsions. Kwáh wahkhehión꞉nien nonhkweshón꞉ʼa ne tahontatʼkónhten.

Zechariah 8:11

Ók ki nón꞉wa ó꞉nenh ó꞉ia nʼi꞉ioht tsi tesetkheriwásniese ne niatehonahthaténron ne ki onhkweshʼon꞉ʼa.

Romans 6:21

Kwáh oriwihioʼónwe iáh thènen tesewaienáhon onhnahóten nahioʼiánereke tsi naʼohrihoténsons nónwa tsi sewatéhens? Kenhéion iewathihénthos neh naohrihoténsons!

1 Corinthians 11:31

Tóhka né entitewahtiérenthe entewahtatʼkenhénʼion, iáh tahionkwáhrahne ne Rawenni꞉io rahorewahthá꞉tshera.