Haggai 2:12 - Ohiatonhseratokénti

¹² Tóka shí꞉ken shaiá꞉ta rahá꞉wi ne kahwaratokentíston thóh kawenón꞉ni raotiaʼtawíhne ne waʼkóshes, tánon natsherón꞉niat ne kawarakwenonniáton iaʼaʼohseron thikánionʼk kanà꞉taro, khés ne tekakwhaiesthanion, khés nonenharakeri, khés né kénhie, khés tsik nakakhoténhake, iotokénhti ken ienwáton?” Ne ratsihénstatsis watharihwaʼserá꞉ko, “Iáh.”

Haggai 2:12 ပူးပေါင်းရင်းမြစ်များ

Exodus 29:37

Eh kíʼ nasehwáier né꞉ne tsáta nónhta nikaríwes. Ethóne ne ietsienharákwah kwáh thoʼkènʼen tsi entsotokentíke, tánon ónhka tó꞉ka ó꞉ni tsiknahó꞉ten iakaiéna kwáh kíʼ né enhiakokarónhiathe nahoshatsténsera ne iotokénti.

Ecclesiastes 10:1

Notsíks ne katʼtshétakon ronenhéion kaktseʼthakwékon kíʼ ne iontsiatakonhonsthákwa tsi enhonnonhseráksathe, tánon kénk níkonh ne tehiotenonhwaroríhthonthe enkakwéni ne éhren enhkaháwite natʼtokhátshera.

Ezekiel 44:19

Nohénhton niahatihiákenhne ne átste nonhtenhenráhti tsi nónhwe nonhkweshón꞉ʼa rónhnes, ónenk tsi né enthontiérenthe enhatiríshi natʼtserónhniat né ronátsthonʼne né sihotihióthe Nononhsatokentiʼkówahne tánon thóh enhonthakweniáien tsi hionákthaien ne onakthatokentíke. Ónenk tsi ó꞉ia enshontserónhniathe né nahathinónhsthaʼthe ne kahiathateríston raonatʼtsherónhniat né tó꞉sa ahiakokarónhni nonhkweshón꞉ʼa.

Leviticus 6:27

Nónhka akénhake tó꞉ka ó꞉ni ne thènen iakaiéna ne katshénen ahowáron kwáh íken tsi enhokaronhniáʼthe né tsi nihioshastsʼtenseroʼwánen tsi nihiotokénti. Tó꞉ka thènen akénhake natʼtserónhniat ne thahiotstharó꞉kwahon ne katshénen ahoné꞉kwahsa, ónenk tsi thóh nónhwe nenskanó꞉hareʼke tsi nónhwe nihiotokénti íken.

Leviticus 6:29

Tsík ónhka ne rónhkwe ne ratsihénstatsi rahowátsire enwáton nahatiwá꞉rake kí꞉ken iewatkáwen; kwáh íken tsi iotokénti íken.

Leviticus 7:6

Kwáh tsikʼónhka ne rónhkwe ne ratsihénsthatsi rahowátsire enwáton nahónhneke, ók ónenk kíʼ tsi thóh nónhwe nenhónneke tsi nónhwe nihiotokénti íken, tsioríhwa tsi nihiotokénti.

Matthew 23:19

Teseȣanonȣaraȣenrie oni teseȣaronȣekon! Kanikaien naha senha kanoron, tsiniiot neh kaere, ok ne neh Ietsienharakȣa kariȣanoronsta tsinahoten eh kaere?

Deuteronomy 33:10

Enhonwatirihón꞉nien ne shonkweʼtashón꞉as nahontewénhnaraʼkwe ne saianerénhsera; Enhonteskónthake ne tsi tienharáhkwa.