Haggai 1:8 - Ohiatonhseratokénti

⁸ Wás iasewanonhtá꞉raʼn ne tsi ionhniarónhnions iasewaronhtsá꞉kon tánon tasewakonhretsenháseron tánon sasehwanonhsón꞉ni nononsatokentoʼkó꞉wa, ne ká꞉ti nahónton ahonkerienʼtí꞉io tánon ahiontkwénienste, rá꞉ton ne Roiá꞉ner.

Haggai 1:8 ပူးပေါင်းရင်းမြစ်များ

1 Kings 6:1

Kaiéri tewenhniáwe nihiosehráke shiʼtiotohétston nonhkweshón꞉as Nisraerʼró꞉nons shaʼtethonathénhtion ne Egypt, né꞉ne kaiéri nihiosehráke nikaríhwes shiʼhononhtí꞉io ne Solomon ne Israerʼró꞉nonke, né tekeníhaton siwenhnithakéhaton, né꞉ne Ziv siwenhnítarahkwe, ne Solomon tahatháshawen wahanonhsónhni Nononhsatokentiʼkówa.

1 Kings 9:3

Né Roiá꞉ner wahawénhase, “Honkatʼthóntene ne saterénhnaient. Wakenonhsatokentíste kí꞉ken Ononsatokentikówa tsi nónhwe nenhionksenhnaienthákwahke né꞉ne tsi nénhwe enkénhake. Kwáh káti enkathenhnikonhráren tánon tiókonte tsi entké꞉ne.

1 Chronicles 22:19

Ó꞉nen kíʼ tsióthenhs ne Roiá꞉ner Saní꞉io í꞉ken né꞉ne kwáh seriashakwé꞉kon ó꞉ni satonhnhetsheraʼkwé꞉kon tsi akénhake. Tashatáʼsahwen satenonsónhni Nononsatokentiʼkówa, né ká꞉ti nahónton thóh nón꞉we náshien Naterihwaseronniátshera ne Roiá꞉ner Raneró꞉kwah tánon ne oiásons nahorihoténhsons ne iotokéntis ne ionsthákwah tsi ahonwasénhnaien.”

2 Chronicles 7:16

tsioríhwa tsi ʼI꞉i wakeráhkwen tánon tsathatokenhtíston tsi nón꞉we nenhiontsenhnaʼientákwahke tsi nénhwe enkénhake. Kwáh enkatenhnikonhráren tánon entké꞉ne ne tiókonte enkenhenhake.

Ezra 3:7

Nonhkweshón꞉as tahiontkawánion nowístas nahonwatikháriakse ne tehatitstenhró꞉thas tánon ne ratiskwenhkarakétas tánon ó꞉ni kákhwa tahontkawáhnion, nienekiráhthas, tánon ne iakenhiewáhtha kénhies ne iahonteniéhthonhke tsitkaná꞉thaiens ne Tyre tánon ne Sidon ne tahonthatawí꞉heke ne onenhthakwénhte okhonré꞉tsas ne Lebanon nón꞉we nahonthakónhne, né꞉ne kaniatarakheʼkó꞉wa nón꞉we nahontahatíhawe tsi nió꞉re ne Joppa. Orihwakwé꞉kon kí꞉ken thóh nahá꞉wenhne tsi ki nihoriwanonhwéhon ne rakó꞉ra Cyrus ne Persia nón꞉we.

Ezra 6:4

Nashonthákes tsi enwashonthonhní꞉hake tiothinénhra thenkaronthaientʼthótonhke tió꞉konte ne asénhaton nienhiotinenhrakehátonke nosténhra. Tsi nienkakáhrathe kanonhtiiótsera enhkakahrià꞉ke.

Exodus 29:43

Thóh nónhwe natenhiakwahtátken nonhkweshón꞉ʼas ne lsraerʼró꞉nons, tánon ne tehiokaráiak kaswatʼthétshera ne tsi kíteronh né enhiotoʼkéntisthe ne watenáthaien.

Isaiah 60:13

Naoʼiatanerakwáhtshera né Lebanon kwáh kí shonháke nentkáhaʼke, né otshohkó꞉ton karónta, né kashaʼkwahnihiónthas karónhtas, tánon né onénhta karónhta, né nakaraséstonhke naʼkenonsatokentiʼkówahne; tánon kwáh enkerá꞉seste tsi nón꞉we naʼtekarasitarákwah.

Isaiah 60:7

Kontiʼkwé꞉kon ne tionhnóns꞉kwahrons ne Kedar kwáh enkonhwatiʼiataróroʼke ní꞉se sarihwá꞉ke, né teotinakarontónhas ratítsinn ne Nebaioth nón꞉we nenhtonwatiʼiaténhaʼwe né ensehiaʼteskónten; né enhonwatiʼiéna ne tsitʼtsenharákwah, tánon kwáh thenkerénhsaron tsi niʼiotkwéniens naʼkenonsatokentikówaʼne.

Isaiah 66:11

nètho ní꞉se ahónhton asewanón꞉kera tánon nahiʼsewenhrienhtí꞉io tsi nénhtewe né iawerientí꞉iot kanontáke; né ní꞉se ahónton nasnekíra né kwáh í꞉ken nawerientiʼióshera tsi nénhtewe né ionerákwat wenskwenhá꞉ke.

Haggai 1:7

Káti rá꞉ton ne Sakoiá꞉ner ne ratironhiaʼkehró꞉nons: tesewaiaʼtó꞉ret tsi nitiónhnhetie.

Haggai 2:7

tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons.

Haggai 2:9

Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.