Haggai 1:2 - Ohiatonhseratokénti

² Ken nahó꞉ten ráton ne Sakoiá꞉ner ne ratironhiaʼkeró꞉nons: Kí꞉ken onhkweshón꞉as rónton iáh aré꞉kho tsehióhe nahonsakanonsónhnike ne Roiá꞉ner raonónhsa.

Haggai 1:2 ပူးပေါင်းရင်းမြစ်များ

2 Kings 12:7

Káti iahó꞉nonke ne Jehoiada tánon nó꞉ia ratitsihénsthatsis tánon washakorihwanóntonhse, “Onh niʼiohtʼtséren tsi iáh thetsisewanonshaserónhnis nononsatokentiʼkówa? Kén ienwatásawen iáh ó꞉nen í꞉se tahonsehsewatenhnikonhráren nowísta né sewaiénas; ó꞉nenk tsi entsóhenste, né ká꞉ti nahónton nahonshakakwahthákwenhke.”

Ezra 4:23

Kwáh káti tsi niiostó꞉re kí꞉ken kahiatónhsehra ne thoteniéhton ne Rakó꞉ra Artaxerxes wahonwatiwenhnanót꞉thase ne Rehum, Shimshai, tánon ne tehonaterihwasónhteres, Jerusalem iathoskén꞉ni tánon tahonwananónhtonhse ne Sitaeró꞉nons ne tahathí꞉tane tsi shonatenatonhnihátie ne kanatowá꞉nen.

Nehemiah 4:10

Tánon ne Judah, “Wahénron rahotishatsténhsera ne rotiriehniákete wahontesastenserók꞉ten, tánon tsi niwé꞉so nononwénhsera tehiotháron iáh tahónton nahonsetewasonhtón꞉ni.”

Proverbs 22:13

Nón꞉kwe ronnentóhrha tió꞉konteʼ kanónhskon ratì꞉teron; rón꞉ton tókaʼ nón꞉wa kèn꞉reʼks eniakoié꞉na tókaʼ átste nienhón꞉ne.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Ecclesiastes 11:4

Tó꞉ka né ensateráhrate ne tsi iahó꞉the tánon tsi niwenhtó꞉ten né kwáh ahontakariwahiérike, iáh kíʼ nonhwénhton ne thé꞉nen tsiashiéntʼtho iáh ó꞉ni nonhwénhton thé꞉nen tashientwáhko.

Ecclesiastes 3:3

tsi nienkáhewe nahionthatenonhwarhiákon tánon tsi nienkáhewe nahonsahionthatetiénthe, tsi nienkáhewe nakariwénhthonke ne kanahtowánens tánon tsi nienkáhewe nahonsakakwahtakwénhke.

Ecclesiastes 9:10

Iasátrek kwáh tsi nahó꞉ten ahisahióten, asèken iáh othé꞉nen tehioteriwahtiéren, iáh thaʼhóten tahonhnonthonhniónheke, iáh thahóten thakariwisákonhke, iáh tahó꞉ten thakarihonhniénhnike ne tsi tionhwenhtsáien ne kenhéion—tánon thóh nónhwe niahisenonhátie.

Haggai 1:1

Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Haggai 1:3

Eʼthò꞉ne ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnions:

Numbers 13:31

Ók kíʼ ne ronhnónhkwe ne Caleb roʼnénon wahonhníron, “Iáh, iáh tshiatekaiéri tsi nitewashátste; né ronhnónhkwe né nónhwe sénha roʼnónha ratiʼshátste tsi ní꞉i ní꞉ioht.”