Haggai 1:13 - Ohiatonhseratokénti

¹³ Ethò꞉ne ne Haggai, ne rorihwakarenién꞉nis ne Roiá꞉ner, washakotháhrase nonkweshón꞉as tsi nihotherihwanietonhátie ne Roiá꞉ner, rá꞉ton, skátne í꞉tewes ní꞉se, rá꞉ton ne Roiá꞉ner.

Haggai 1:13 ပူးပေါင်းရင်းမြစ်များ

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

2 Chronicles 15:2

tánon thóh niaháre ne tahiatátʼken ne Asa. Iahonáton, “Takwahtahónsatat, Sanontí꞉io Asa, tánon sewakwáhkon ne Judahró꞉nons ó꞉ni ne Benjaminró꞉nons! Ne Roiá꞉ner ensewakwekónhake ki tsi nikaríhwes ní꞉se ensewé꞉rehke nahisewakwekónhake. Tó꞉ka entsisewahiatíshaʼke, iáh thatsisewaríhon natsisewahiatatʼtsénhri, ók kíʼ tó꞉ka entsisewatswathénien, kwáh kíʼ entsisewatewénhtheʼte.

2 Chronicles 20:17

Iáh ní꞉se tatehiotonhontsóhon nahisewaterí꞉io kí꞉ken ateriʼiósera. Kwáh nek khók ne sewathatenakthaserónhnien thóh tesewátanh tánon sewateráh꞉rat; ensewakʼkátho ne Roiá꞉ner entetsítion naʼtesenhniétsera. Tiónhkwe ne Judah ó꞉ni ne Jerusalem, tó꞉sa nahisewarahiátakwe khés nahisewáteronhne. Wáhs iasewaterí꞉io, tánon ne Roiá꞉ner ensewakwekónhake!”

2 Chronicles 32:8

Ónhkwe né akoshastsʼténhsera ró꞉ien, ók ní꞉i Roiá꞉ner onhkwah Ní꞉io enshonkwahiénawaʼse tánon enshonkwahterí꞉iohse.” Nonhkweshón꞉as waʼhakonikonhrahníra tsi nikawenhnoténshons ne ronnonhtí꞉io Hezekiah ne Judah waʼhenrónhnion.

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 42:19

Ónhka ne teieronhwèkon ne ók nakenhá꞉tshera, khés ne tehionhontaʼkwékon kwáh tsi ní꞉ioht nakonkwé꞉ta ne rakerihwakareʼniénhnis tsi nikáien iehiʼiatórion? Ónhka ne teieronhwékon kwáh né꞉ne akonkwéta ne riniahésen, khés taieronhwèkonh kwáh tsi ní꞉ioht ne raonhá꞉tshera ne Roiá꞉ner?

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Jeremiah 15:20

Kwáh enkonhiasonthónnien ne iohníron otsínekwar tehiowístahron karísthatsi enkénhake tsi nióre ne ne rónnhereh eh nenhiáwenhne. Ensehwaterí꞉io, ók iáh kíʼ tahieshaʼsénni. Kwáh entenikwekónhake nahonthakónhne ó꞉ni nakonhiathanónhsthate.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 30:11

Enkwahiató꞉renʼne tánon enkwahniákenʼthe. Kwáh kanenhrahkwékon enkhehiáthonʼte tsi nónhwe iaʼtekwahreniáthonʼne, ók iáh kíʼ níse thakonhiáthonʼthe. Iáh kíʼ thakonhríhon ne tó꞉sa asatréwahthe; ók kíʼ nónen enkonhréwahthe, entkarihwaʼiérihke. Í꞉i, ne Watiá꞉ner, wakatáti.”

Ezekiel 3:17

“Rónhkwe iaiénha, wahénronh, Í꞉i enkonhiónʼnien nasatkaráhren ne Israerʼró꞉non raoʼtitiókwah raotiriwáhke. Ensheʼhiohésthaʼse nahsehronhkáhten tsi nenhtkónʼnion.

Haggai 2:4

Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Matthew 18:20

Aseken tsinonȣe nihonatkonnison teniiase ok neʼsʼ nasen nihati, eh se kiatare.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

2 Corinthians 5:20

Tionkhiiatenniéhton ne ahshakwatatiá꞉se ne Kerístos, ó꞉ni ne Rawenni꞉io tshisewanitén꞉taʼse ne ahskwatahónhsatate nonkwaterihwahnotáhtshera. Kerístos shakwatatiá꞉se, ó꞉ni kwáh tionkwaʼnikonhrahsaʼáhton tsi kwariʼwanontón꞉nis sasewarihwahserón꞉ni tsi naʼtesewátere ne Rawenni꞉io.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

2 Timothy 4:22

Ne Roiá꞉ner senikweʼkónhak tsi sónnhe. Ne Rawenni꞉io rahoténrat sewakwékon sewakwekónhak.

Judges 2:1

Ne rahoronhiakerónon ne Roiá꞉ner Gilgal nónhwe tahaténhti tánon Bochim niaháre tánon washakawénhase Israerʼró꞉nons, “Thohʼthakwahiatínekenhwe ne Egypt tánon thohʼnónhwe takwahiaténhawe ne tsi ionhontsáien ne kheʼhiarahratsʼténhni ne ietsisotʼthonkonhkénʼen. Wakíron, ‘Iáh nonhwénhton thaʼtátiake nakaterihwasehronhniátshera tsi nòkwah ní꞉se.