Haggai 1:1 - Ohiatonhseratokénti

¹ Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Haggai 1:1 ပူးပေါင်းရင်းမြစ်များ

1 Kings 10:15

thiká꞉te tsi nihonwakarhiakséhaʼkwe ne ronahthenhninonhseró꞉tons, tsi nihonatwistonhníhon tsi naʼtehonathatawíhon, tánon nowísta rotikarhiáktons ne Arabiaró꞉nons ronhtinonhtí꞉ios ó꞉ni ne ratikoráhsons ne Israerʼró꞉nonke wathonhontsáiens.

1 Kings 14:18

Nonhkweshón꞉as Nisraerʼró꞉nonke wahonwatsiónhnionshse tánon wahonwahiatháta, tsi kíʼ ne Roiá꞉ner nihotró꞉ri rahonháke ne rahonhátsera, né꞉ne rotokensáhakwe Ahijah.

2 Kings 14:25

Akwékon niashakosénhni tsi nikanakerasehráien ne Israerró꞉nonhke ahó꞉wenk, Hamath Pass thontásawen né nothoréke nòkwahti tsi nióre ne entiéne nòkwahti ne Dead Sea. Thóh kíʼ ní꞉ioht ne Roiá꞉ner, ne Sakoní꞉io Nisraeʼró꞉nonke, tsi rorarátston rahonháke ne rahonkwetaʼkénʼen ne rotokenséhaʼkwe Jonah né꞉ne ronikénhen ne Amittai né Gath Hepher nón꞉we nihanákerekwe.

1 Chronicles 3:17

Né kí꞉ken tsi niehonatwaʼtsiríhnon ne Ronnontí꞉ioʼkwe Jehoiachin, né꞉ne Babyloniaró꞉nons ronhwanó꞉tonhkwe. Né Jehoiachin tsáta nihonekenteronhtsheraʼiéntaʼkwe: né꞉ne Shealtiel,

1 Chronicles 3:19

Né Pedaiah tékeni tehonekenteronhtsheraʼiéntaʼkwe, né꞉ne Zerubbabel tánon ne Shimei. Né Zerubbabel né꞉ne sakohiohokonhkénʼen ne teniʼnekenteronhtseráke, né꞉ne Meshullam tánon ne Hananiah, tánon skaiáta roʼiatasetseraiéntaʼkwe, Shelomith konhwáiatsʼkwe.

Ezra 1:8

Mithredath thonthaháwen, ne tehatwisthanónhnakwe ne kanonhtiiótshera ahowísta, rahónha wahasehtánion ne Sheshbazzar rahorihwà꞉ke, né꞉ne rakó꞉ra kénhne ne Judah nón꞉we.

Ezra 10:18

Ne kí꞉ken ne ronhnónhkwes ratisenhnarónhnions ne rothiniakʼkhons thihiononhontsá꞉tes: Tsi raotitarasónha ne Joshua ó꞉ni ne rontatekenokónhas, raonekenterontserasónhas Jehozadak: Maaseiah, Eliezer, Jarib, tánon ne Gedaliah.

Ezra 2:2

Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

Ezra 2:63

Ne Sitaeró꞉non rakó꞉ra akwé꞉kon iáh teshakorihwá꞉wi nahoné꞉kon ratitsihénstatsis rahotí꞉khwa né wateskónthe tsi nió꞉re ne ratsishénstatsi enhorihwaiénhase ne Rawenni꞉io tsi nikarihó꞉ten ne onenhiasónhas Urim tánon Thummim.

Ezra 3:2

tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Ezra 3:8

Káti ne tekeníhaton siwenhnitakéhaton ne shihioséhrate ne sonhsahón꞉newe tsi nón꞉we nikanonhsóh꞉thakwe Nononhsatokentikó꞉wa ne Jerusalem nón꞉we, tahonthásawen wahothihiò꞉ten. Né꞉ne Zerubbabel, Joshua, tánon ne ronátiaʼkes ne rahononhkweʼtashón꞉as, ne ratitsihénstatsis, ne Levites, tsi nahá꞉wenhne ratikwé꞉kon ne ronanahkerá꞉kwenhne ne sóh꞉ti ne Jerusalem, wahontsatáren tsi wahonsnié꞉non ne kahioʼténhsera. Ratikwé꞉kon ne Levites né tewáhsen natehonosehrihià꞉kons khés ne sénha thotí꞉ions ne wahonwatirihónten nahothihiò꞉ten ne kahioʼténhsera tsi enskanonhsonhníhake Nononhsatokentihkó꞉wa.

Ezra 4:2

Káti wahonwatkénhsera ne Zerubbabel tánon ne ononhtsikowatʼtsions ne tsi rathitióhkwaiens tánon wahonhní꞉ron, “Áhion thakwahrí꞉hon nakwahtsathárase tsi enskanonhsonhníhake Nononhsatokentihkó꞉wa. Ne sahahiátha sakwahshén꞉naiens ne Rawenni꞉io tsi ki ní꞉se ní꞉ioht tsi tsisewashén꞉naiens, tánon ki tsi shakwá꞉wis tsi shakwahteskonhtháni kwáh tsi nikarì꞉wes ne rakó꞉ra Esarhaddon ne Assyria nón꞉we kén꞉en tesonhkwahthó꞉rion nahiakwahnákereʼke.”

Ezra 4:24

Tsi rothihiò꞉thekwe Nononhsatokentikó꞉wane tehothitahón꞉ne tánon kwáh iáh othé꞉nen thesohtihiò꞉tenskwe tsi nió꞉re ne tekení꞉haton shihiosehrathátie ne shihononhtí꞉io ne Rakó꞉raʼkwe Darius ne Persia nón꞉we.

Ezra 5:1

Thóh shikahá꞉wi tenihiá꞉se ne rotitokénhse, né꞉ne Haggai tánon ne Zechariah ne roʼní꞉ha né꞉ne Iddo, tahiatháhsawen wahiatháti rahoshén꞉nakon ne Sakowenní꞉io Nisraerró꞉nonke rahotihén꞉ton ne Sitaeró꞉nons ne Judah nón꞉we nihatinákere tánon ne Jerusalem.

Ezra 5:3

Tsi shí꞉ken ní꞉ioht ne kwáh oksáhok ne rakó꞉ra Tattenai ne tsi iaʼtewatsénhtos nokwá꞉ti ne Euphrates, tánon ne Shethar Bozenai, tánon ne skátke ronaterihón꞉tons Jerusalem wahón꞉newe tánon wahatirihwanónhton: “Ónhka ietsihianerenhserá꞉wi nahonsehsewanonhsón꞉ni kí꞉ken Ononsatokentihkó꞉wa tánon ne iahonsehsewásha?”

Ezra 6:14

Ne Sitaeró꞉nons sakotihenténhse wahotiianerásthen tsi shatinonhsón꞉nis Nononsatokentihkó꞉wa, ronhwatinikónhrare ne rotitokénhse né꞉ne Haggai tánon ne Zechariah. Wahatinonhshí꞉sa Nononhsatokentihkó꞉wa kwáh ki tsi nisakorihwatháti ne Rawenni꞉io ne Israerró꞉nonhke ó꞉ni ne Cyrus, Darius, tánon ne Artaxerxes, raónha rakó꞉ra kénʼne ne Persia nón꞉we.

Nehemiah 12:1

Tánon ne kí꞉kens ne ratiʼtsihénstatsis tánon ne Levites ronónha thoné꞉non skátne ne Zerubbabel, né꞉ne roʼní꞉ha ne Shealtiel, tánon Joshua, Seraiah, Jeremiah, Ezra,

Nehemiah 12:10

Tánon Joshua raónha ne kaʼní꞉sera í꞉ken ne Joiakim, tánon ne Joiakim né꞉ne ieshoiènha ne Eliashib, ne Eliashib né꞉ne ieshoién꞉ha ne Joiada,

Nehemiah 5:14

Kwáh ó꞉ni, thóh wenhniserá꞉te thontáhsawen ní꞉i wahontsiá꞉tarako ne raotikó꞉ra akénhake ne tsi watonhontsá꞉ien ne Judah, thóh thontáhsawen ne tewáhsen shiioseraʼtekwe tsi niió꞉re ne tekeníhaton shiioserátekwe ne Artaxerxes shionontí꞉iokwe, né꞉ne tékeni iawénhre niʼioseráke, Í꞉i tánon ne iatiathatekénha iáh tehionkené꞉kon ne raonatáro ne rakó꞉ra.

Nehemiah 7:7

Ne rathí꞉kweʼkonhatse ne Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nahum, Baanah. Tsi nihá꞉ti nonkweʼshón꞉áhs ne Israerró꞉nonhke ne kí꞉ken:

Nehemiah 8:9

Eʼthò꞉ne Nehemiah, rahón꞉ha rakó꞉rakwe, tánon Ezra ne ratsihenstowá꞉nenkwe rahiá꞉tonskwe, tánon ne Levites raónha ne sakoʼnikonraienthaténhniskwe nonkweʼó꞉kons washakawénhase ratikwé꞉konʼs nonkwehó꞉kón꞉s, “Ón꞉wa wenhniserá꞉te ne iotokénhtiʼi꞉ken rahonhà꞉ke ne Roiá꞉ner séwah Ní꞉io. Tó꞉sa sewatiónhnion tánon tó꞉sa tesewasénhto; tiorì꞉wa tsi watonsénhtho sahonaʼtónhtene nahowenhnaó꞉kons ne kaianerénhsera.”

Exodus 4:13

Ók watariwahsehráko ne Mahís, “Ó Atiá꞉ner, asaʼthontátsheke ónhkak akòren iasehiató꞉ri.”

Haggai 1:12

Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner.

Haggai 1:14

Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken,

Haggai 1:15

ne tewáhsen-kaié꞉ri shiwenhniserahkéhaton ne shiwenhní꞉tare, ne iáh-iá꞉khaton niwenhnitakéhaton ne tekeníhaton siioseratá꞉se sionontí꞉iokwe ne Darius.

Haggai 1:2

Ken nahó꞉ten ráton ne Sakoiá꞉ner ne ratironhiaʼkeró꞉nons: Kí꞉ken onhkweshón꞉as rónton iáh aré꞉kho tsehióhe nahonsakanonsónhnike ne Roiá꞉ner raonónhsa.

Haggai 1:3

Eʼthò꞉ne ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnions:

Haggai 2:10

Ne tewáhsen-kaié꞉ri shiwenhniserakéhaton ne tiohtónhaton niwenhnítarahkwe, né꞉ne teiohserahkéhaton né꞉tho Darius, ne raowén꞉na Roiá꞉ner rahonhà꞉ke ne rotokénhse Haggai nontá꞉we, ratónhnionskwe:

Haggai 2:20

Ne raowén꞉na ne Roiá꞉ner tontá꞉we tekení꞉haton ionshontératste rahonhà꞉ke ne Haggai né꞉ne tewáhsen-kaié꞉ri siská꞉rakwe ne tiotonháton siwenhnì꞉tare ratónhnions:

Haggai 2:21

Stá꞉ras né Zerubbabel, ne rakó꞉ra ne Judah, né꞉tho ó꞉nen thó꞉wa akáwake ne tsi karonhiá꞉te ó꞉ni tsi ionwenhtsá꞉te,

Haggai 2:4

Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons.

Zechariah 1:1

Ne satekonháton sihwenhnì꞉tahre ne tekeníhaton shihioserahtáhtshe, né꞉tho Darius shihakó꞉ra ne Persia, ne Roiá꞉ner taháwenh ne raotheriwahnhothátshera ne rotokenshéhakwe Zechariah (b), né꞉ne roʼní꞉ha Berechiah né꞉ne roʼní꞉ha ne Iddo:

Zechariah 3:1

Ne ó꞉iah atettsénsehre ne Roiá꞉ner wahakenaʼtónhase ne Ratsihenstowá꞉nen Joshua í꞉rahte rahohénton ne Roiá꞉ner rahoronhiakeró꞉nonh. Tánon é꞉tho ne rahiatákʼta ne Joshua í꞉rate ne Sakoriwaros, rothatehweiennenhtà꞉on nahorihwáhro.

Malachi 1:8

Nó꞉nen ne ièntstatshe ne Roiá꞉ner ne katshé꞉nen ne iáh teká꞉ken ne ahsateʼskón꞉ten, iáh kenh tekarihwáksen nétho? Tánon nó꞉nen ne entéhshiehste ne kontshinoʼkáhtha tánon ne iotinonhwáktani, iáh kenh tekarihwáksen nétho? Sateʼnién꞉ten ne iahá꞉tstats ne sakó꞉ra; ahawerienʼtí꞉io ónhte kenh ne sonhá꞉ke khehs naiʼnéhsten kaiaʼtateríhtshera? rá꞉ton ne Sakoiá꞉ner ne ratironhiaʼkehró꞉nonʼs.

Luke 3:27

Johanna roienha, Rhesa roienha, Zorobabel roienha, Salathiel roienha, Nere roienha.