Genesis 9:27 - Ohiatonhseratokénti

²⁷ Aiá꞉wens ne Rawenni꞉io ahotenatowanáhten ne Japheth, tánon ronwaríhon tho renʼterón꞉tak raoʼtohserá꞉kon ne Shem; tánon ánion né Canaan ronwatenahskónniaʼt.”

Genesis 9:27 ပူးပေါင်းရင်းမြစ်များ

Genesis 10:2

Ne raonekenhteronʼtsheraʼshón꞉ʼas ne Japheth: ne ne Gomer, Magog, Madai, Javan, Tubal, Meshech, tánon ne Tiras.

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 9:28

Ne sontóhetste tsi iowehnó꞉tonhkwe; ne Noah áhsen tewenʼniáwe tánon wísk niwáhsen niiohserá꞉ke nikarí꞉wes srónhnhehkwe.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 66:19

tánon kwáh éntien naʼtenienténhtshera né tsi rónhnes. Thóh enkheiathó꞉tion iekheiaténiente né niaʼtehonathaténron ohontsakwékons, Tarshish nienhónhne, Put, tánon Lud—ronónha né tonhenhnatiʼhéntʼthos—ienhónhne ó꞉ni né Tubal tánon Javan, ó꞉ni né tsi kawenótons ionhontsaiéntons nahinónhson ít꞉ken né꞉ne iáh teonaronhká꞉onh tsi nitsenhnowánen khès nahonatʼkátonhke natiaʼtanerakwáhtshera; tánon kwáh enhatirihó꞉wahnaʼte natiaʼtanerakwáhtshera né tsi ienakeré꞉nion nonkweshón꞉has.

Hosea 2:14

Ne káti aorì꞉wa, kwáh thenkerenhkénni, tánon iahonwenhtsathénhake nientsiathénhawe, tánon entkateweiénton tsi entʼtharase.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Acts 17:14

Kwákh óksaʼk ne rothiriwiʼióstons kaniatarakekówaʼne ionsahonwatóri ne Kór tánon tòkah niháti wahonteróhsen; nók ne tenihiáse ne Silas tánon ne Timothy Berea neh nónwe nennéhseʼke.

Romans 11:12

Ne rahotiriwanerahákʼtsera ne Sitaeró꞉nons takáhawe ne kahiathaterítseras natsiokowatseras ne tsi ionwentsiate, tánon tsi wahothitensteten ne rahotiriwiʼiosthóntsera neh wahakokwatsésten ne iáh tehathisitaeronons ne nahotsiokowáhtseras ne kahiataterítseras. Sénha enʼiawetowánen ne kahiatateríhtsera neh tsi niháti ne rothiʼienteráʼon ne kaienawasétsera ehrathiʼiátare ne Sitaeró꞉nons.

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

Ephesians 2:19

Ne káti, í꞉se ne iáh tesewasitaeʼró꞉nons iáh seh thitsonhontsáte tèken khés ó꞉ni ne kakʼnón꞉we thaonthesewé꞉non; ó꞉nen ne skát꞉ne sewaʼnákeʼre ne Rawení꞉io raʼotió꞉kwa ó꞉ni sewahiá꞉tare ne Rawenni꞉io raʼowatsíraʼkon.

Ephesians 3:13

Kwaʼnekènnis, káti, tóhsa tasewanikónren ne tsi í꞉se sewariwáke tsi wakeronhiáken; asèken í꞉se ensewatʼtsennónniate.

Ephesians 3:6

Ne kariwaséton nètho kariwíʼios, iokwénion thetsaron ne iáh thehathisitaerónons ó꞉ni ne Sitaeró꞉nons nahathiʼiéna ne Rawenni꞉io rahohiathateríhtsera; rahthikwékon neh sakaierónta nónwe nihathihiátare tánon satehonáwenk tsi nihorahráston ne Rawenni꞉io tsi tehahonkóton rahonháke ne Kerístos Ié꞉sos.