Genesis 9:23 - Ohiatonhseratokénti

²³ Eʼthó꞉ne ne Shem, tánon ne Japheth atiá꞉tawi iahníhawe, waʼkthiatirón꞉ten natiá꞉tawi tánon tsi naʼtehiatnenhsátere wahniié꞉na, tánon ohná꞉ken wahiahténtiáʼte tsi ionsahiatá꞉weiaʼte naʼtohserá꞉kon tánon wahonwà꞉rahse tsi raoʼnotstóskonk thikèn꞉ne ne ronwaʼníha; ákte niehonatierá꞉ton, iáh kiʼ tehonwá꞉ken ne ronwaʼníha tsi raonehóhskonʼk thikèn꞉ne.

Genesis 9:23 ပူးပေါင်းရင်းမြစ်များ

Genesis 9:22

Tánon ne Ham ne roién꞉ʼa ne Canaan, wahó꞉ken ne roʼníha raonehóhskonk thí꞉ken, tánon iahshakohró꞉ri ne tehniiáhse rontateʼkenʼokón꞉ʼa ne átste ítneʼs.

Genesis 9:24

Nó꞉nen ne Noah shonsahatnekó꞉kewe tánon waháttoke tsi nihoierá꞉se ne kenʼnierá꞉ʼa roién꞉ʼa,

Exodus 20:12

“Skweniénstat ne ianíha ó꞉ni ne sanisténha, né káti nahónton ahionhníse ashón꞉nheke nonhwenhtsàke né tkonhiawíre.

Leviticus 19:32

“Sekweniénstak ne tiaʼkahonkwetáhion tánon tesherénhsaron. Kaʼkweniensthenhtserákon tsi takwawénhnarak; Í꞉i ne Watiá꞉ner

Romans 13:7

Sewakáriak, káti, nahóten neh sewatkárote; ietsikáriaks ne iaʼtesewaiáti ó꞉ni ne sewaienthátseras iotkárote, ó꞉ni sewénest ne kakweiensthátsera tánon ratikwékon ietʼtsikwéniens.

Galatians 6:1

Tewatenrosónhas, tóhkaʼ ónhkak naiakohiathotaréʼon tsík nahiotónhake tsi nahiakotiérenke ne wahétʼken, tsi nítion ne sewanikonróskon tehiotonwentióʼon nahonsatsisewatakwarísi; nók ónenk tsi enthisariwaiérike. Tánon sathatennikonrá꞉ren, nehne tóhsa nón níse aiesanikonrotáko.

1 Timothy 5:1

Tóhsa ietʼtsihiatʼthéten ne thotíʼions, nók thóh ní꞉ioht tsi iatiewénnarat tsi shíken ní꞉ioht ne raónha iaʼníha akénhake. Neh kenʼnithotiʼiónsas thóh ní꞉ioht tsi teietʼtsikánerat tsi shíken ní꞉ioht ne sewatatekéna akénhake,

1 Timothy 5:17

Neh rathiretsiárons ne rathihiotenserí꞉ios tehiotonwentióʼon nahonwathikenʼénhionse tsi tehonaténtion tahontsiáseren ne rahothikarhiáktsera, sénha tsi nikáien ne kwáh ronakwísron tsi ronterihwanót꞉tha ó꞉ni tsi sakotirihonniénnis.

1 Timothy 5:19

Tóhsa sewatahónsatat neh thènen ahonwarihwàro ne rahretiárons nek thokàken ishinónwe ne tehionkwétake aierihwanírathe.

1 Tiér 2:17

Kwáh niaʼtehionkwétake sekweniénstak, senorónkwak nakorénsons ne tiaʼkawetákwen, skweniénstak ne Rawenni꞉io, ó꞉ni skwewniénstak ne Ronnontí꞉io.

1 Tiér 4:8

Ne kwáh éneken iothohetstákwen, tasewanikonrakontakwénhak tsi tesewatatenorónkwak, tioríwa kanoronkwátsera karorótstha ne wéso kariwánerens.