Genesis 9:16 - Ohiatonhseratokénti

¹⁶ Ne nó꞉nen naʼén꞉na tsi iotshatarónnion nón꞉we ní꞉weʼs, kwáh kiʼ enkatkáhtho tánon enhkehiá꞉raʼne ne꞉ne tsi nén꞉we enká꞉take naterihwahseronniáhtshera tsi naʼtehóntere ne Rawenni꞉io tánon ne ronnonhnhénion, tánon kwáh tsi nahó꞉ten ne iónhnhe ne tsi ionhwentsá꞉te.”

Genesis 9:16 ပူးပေါင်းရင်းမြစ်များ

Genesis 17:13

Tetsá꞉ron ne sanónhskon ronennakerá꞉ton tánon né rónwatiiaʼtahní꞉non né sahwísta wáston, ó꞉nenk tsi enhonwatiʼwahrakwé꞉taron. Ne ká꞉ti nakaterihwahseronniáhtshera sawahrónhne nón꞉we neniotatén꞉ronke né꞉ne tsi nén꞉we enkénhake.

Genesis 17:19

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 9:17

Eʼthó꞉ne ne Rawenni꞉io sahawénhahse ne Noah, “Ne kí꞉ken weʼnéhstha naterihwahseronniáhtshera ne wákson tsi naʼteiakwáhtere tánon ne ronnonhnhénion tsi ionhwentsá꞉te.”

2 Samuel 23:5

Ne kí꞉ken ne kwáh í꞉ken, tsi thóh ní꞉iot ne Ní꞉io tsi sakohiatateríston natwátsire, Asèken rakonhnienhni ne tsi nénhwen enkénhake ateriwaseronhniá꞉tshera, roriwasherónhni nètho tsi kwáh iáh thatahonsakahiákhon. Kwáh kén iáh ne taharikwakanónhni nakaiáneraste akwé꞉kon natsenawasetsheras ó꞉ni nakahkanéktshera.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Jeremiah 32:40

Kwáh tsi nénhwe tsi enkáhtake nenhiakwahtsiaʼnerensehrónni. Kwáh iáh nonhwénhton thakátkahwe nahó꞉ten ne ioiánereh tsi naʼkhehiatiérahse, tánon enkhhiónnien kwáh rahonerhiashaʼkwékon tsi enhionkhetianísehke, eʼnahontáʼwe ne kwáh tó꞉sa nonhwénhton ne ahonshaʼhionkatkahrahténi.

Ezekiel 34:26

“Kwáh enkhehiatatéristhe tánon enkheríhon nakonhthiterónhtake aktónhtse nakenonhthatokentíke. Thóh nónhwe nenhkhehiathatéristhe tsi nenhiotsatarahtséʼsehke nokenhnorésehra nónenh tehonathonhóntsiohse.

Ezekiel 37:26

Enhiakwatsanerenserónhni né꞉ne kariwahnhírats ne raotinonhstátʼtshera tsi nénhwe. Kwáh enkhekwatákwahse tánon wéso ahonahtiokowáhna, tánon kwáh oriwí꞉io enkónhni nakenonhsatokénti tsi nénhwe enkátaʼke.

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.