Genesis 8:21 - Ohiatonhseratokénti

²¹ Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Genesis 8:21 ပူးပေါင်းရင်းမြစ်များ

Genesis 3:17

Tánon wahawénhahse ne rón꞉kwe, “Ne tsi Wahsheiatahónhsatate ne tisení꞉teron, tánon wahsá꞉iake neʼthó keʼhrhite tsi niká꞉ien ne konhró꞉ri, ‘Ne tóhsa ahshá꞉iake,’ ne tsi tho nahshá꞉tiere, enionhontsáksenʼne i꞉se wahserihón꞉ni; kwáh ioioʼtenhserahní꞉ron ensaioʼténhsheke tsi ní꞉ioht tsi enhsatonhnhihsáksheke tsi nihsónhnes;

Genesis 4:12

Nonenh thensatonhontsarihte, kwáh iáh othé꞉nen thaontakahawe nahoshaststénhsera; ensanahthenhawison tanon enhsonhontsaié꞉sha.”

Genesis 6:13

Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Genesis 6:17

Enkewehnó꞉tahste ne tsi ionhwentsá꞉te né꞉ne eniakóriohte kwáh tsi niá꞉kon ne iakónhnhe. Kwáh tsik nahó꞉ten akénhake nonhwentsá꞉ke tsi enkénheie.

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

Genesis 6:7

Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.”

Job Tánon ne Raoronhiakensera 14:4

Ónhka aiekwé꞉ni ne shé꞉kon ne ahonsahiakonniá꞉te nahonsahiotkwenienstón꞉hake nahó꞉ten ne iáh tehiotkwénienskwe? Iáh ónhka thaiekwé꞉ni.

Psalms 51:5

Kwáh shontakenhʼnákerate shikonkwetahétken; shiwakeriwáʼneren nakenisténha sahonkatewé꞉ton.

Psalms 58:3

Né ronhnonkwetahétkens kwáh shontahonhnákerate shihonhnonkwetahétken; shontahonhnákerate satehonterientawénries, ronhnowenhthánions.

Psalms 58:4

Kanonkwahtserák꞉sen ronanitskerón꞉tses tsi ní꞉ioht ne kaniarák꞉sen, tsi ní꞉ioht ne kaniaraseró꞉hen tewaʼthahonthakwéstha,

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Exodus 29:25

Ethóne shaʼséhkwah tánon ietsienharakwáhke sátʼtshaʼat, éhneken tsi watéskonhte ne katshénen, né꞉ne káhkhwa hionktáti. Né tehiahonserateníhon kíʼ ken hionktáti wakerientihióstha.

Proverbs 20:9

Ónhka kenh enhakwé꞉ni nahén꞉ron akwé꞉kon ioiánere tsi ranonhtónnionhs; é꞉ren rohawíhton tsi rorihwanéren?

Ecclesiastes 7:20

Kwáh iáh ónhka nonhwenhtsáke ienáhkere ne tiókonhte iohiá꞉nere tsi nahiakotiéren tánon iáh nonhwénhton tatehionterientawénhries.

Isaiah 47:12

Saterihwató꞉kens tsi nókwah ne sathenhennaráhtsera tánon tsi niʼsewatsiokowánen ne sewathenhénhnaras, né tsi thóh nón꞉we nisahioténhen ne kén shiʼtisahiónha; nontiérenk enwáton nahisaterihwaténtiases, nontiérenk ne tensaréniaʼte katerónhtshera.

Isaiah 47:15

Thóh nonʼní꞉se nenhiotónhake tsi niháti ne skát꞉ne sewahiothénʼen, tsi nihá꞉ti tesewaterihwasonterekwe ne shiʼtisahiónhakwe; ratiʼkwékon wathontáwenre tsi nisahaʼténion; iáh kí ónhka nahonsaʼiesaniákenʼte.

Isaiah 48:8

Iáh nonwénhton tesehwahrihwáronhke, iáh nonwénhton tesehwarihwaientérikwe, Tsi niʼtsiotásawen norihwakáion né sewahontakéshons iáh teiotenontónkwenhne. Asèken wakateriéntaraʼkwe ní꞉se tsi iáh tahiʼsewariwatokénhake, tánon kwáh shontesehwanákerate shiʼietsinatónkwah sehwarihwanón꞉we.

Isaiah 53:6

Tewaʼkwékon thóh nitewahiató꞉tens tsi ní꞉ioht ne teiotinakaronhtónhas ne kénk tsehionénon; tewaʼkwékon thóh nihionkwahierenhátie tsi nitionkwahnikonró꞉ten, tánon ne Roiá꞉ner rahónha wahoterihwahkerónhaʼse ne karihwanerahát꞉tshera ne tewakwékon onkwahrihwàke.

Isaiah 65:6

Satkátho, thóh kahiá꞉ton nakʼkénhton: Kwáh iáh sák takataʼtónh꞉ni, ók kwáh ensetkárhiaʼke; Kwáh í꞉ken tsi ensetkárhiaʼke thóh tsi rotikwítsote

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 18:12

Tsi tenhatiʼriwahsehráko, ‘Iáh, nonhtiéren tsi éhthoh nahiakwáhiereh? Kwáh iakwahkwékon thóh nienhióton tsi enhionkwahnonhtsistaníronʼke ó꞉ni enhiatsionkwetakʼsénhake tsi nentsiakwanónhwehne.’”

Jeremiah 8:6

Kwáh wakatahonshí꞉ioste, ók iáh kíʼ oriwí꞉io tsi tesehwahthatí꞉on. Kwáh iáh ónhka ne tsi nítion tehtsisehwathateriwásthani ne sehwariwahetkénsehras; kwáh iáh tsi nítion tesehwaʼriwahnónhton, ‘Onh nahó꞉ten tahonkaterientahweriéhon?’ Kwáh tsi sehwahiatátʼtions tsi nithisehwanónhwes tsi eh nisehwahiérah, tsi ní꞉ioht ne kosáhtens tehiotskénnion nahonteriʼiósehrah.

Ezekiel 20:41

Nónenh tetkwahiatínekenwe ne tsi kanakerahserahkéronhs tsi nonhwéson iateietʼtsiʼiareniáton tánon skátke sakwahiataró꞉rohke, kwáh entiéna ne sewariwiʼiosehokónhas ne sewatʼtsahathánion, tánon nonhkweshón꞉ʼa enhontkáto tsi watiatatokénti.

Leviticus 1:13

Ónenk tsi ensenó꞉hare ne kahiathaʼkónsons ó꞉ni nonàken kashinakésons, tánon ne ratsihénsthatsi enhotátʼtse ne Roiá꞉ner nahonteskónhthake tánon akwékon enwatʼtsahatónhaʼke ne ietsienharákwahke. Ne tewenhseratheníhons ne tkaiéston kákhwa ne rawerientiʼióstha ne Roiá꞉ner.

Leviticus 1:17

Enhaiéna ne rahonerahónhtsas tánon enharáhtions ne rahoierónhta tsi tenhakháshion, iáh thaʼharáhtion ne rahowèhia, tánon ethóhʼne rahiathaʼkwékon tsi enhátʼtsahathe ne ietsienharáhkwahke. Ne tsi tewenhseratheníhons ne rawenhrientiʼióstha ne Roiá꞉ner.

Leviticus 1:9

Ónenk tsi ensehnó꞉hare ne kahiathaʼkónsons tánon ne onàken kashinaʼkésons, tánon ne roʼterihwatsʼteríston ratsihénsthatsi kahiathakwékon tsi enhateskónhten ne ietsienharákwahke. Tsi tewenhserateʼníhons kí꞉ken kákhwa ne tkaiéston né rawerientiʼióstha ne Roiá꞉ner.

Leviticus 26:31

Kwáh né enkónhniaʼte ne sewanatowánens nakarihwahiésa, enkerihwenhtonháton tsi nónhwes nishaʼterenhnaientáhkwas, tánon iáh thakatʼthónthaʼte natiéna ne sarihwiʼiosehokónhas.

Leviticus 4:31

Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.

Leviticus 8:28

Ethòne ne Mahís sashakhó꞉kwa ne ká꞉khwas tánon ietsienharákwahke wahát꞉tsahaʼte, é꞉neken thóh thaharónhnion ne tsi watéskonte, né꞉ne tsi wahonwatiʼrihwaní꞉ratʼtse aorihwáke. Né kí꞉ken ne ká꞉khwa aorihwáke tsi iahóntkaʼwe, tánon tsi tewenhseratiníhons ne wahawerienhtí꞉iosʼthe ne Roiá꞉ner.

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Matthew 15:19

Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

John 3:6

Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

Romans 3:23

Kwáh onhkwetaʼkwékon iakoriwáneren tánon aíhnon nióre thónʼnes ne Rawenni꞉io rahononsthatserákon.

2 Corinthians 2:15

Asèken tho nitewaiaʼtò꞉ten tsi ní꞉ioht ne kwáh tewenserákon ne teshonkwahwi Kerístos rahonhà꞉ke ne Ni꞉io, tsitenwaré꞉ni tsi í꞉iens ne onkweʼshón꞉ʼa, ne ne tsi niká꞉ien ne tiakotatrewaton tánon tsi niká꞉ien ne iakoniatatonʼon.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

1 Sawátis 5:19

Ionkwateriéntare tsi Rawenni꞉io ní꞉i rahonkwetasónha iawerohátsien nonhontsiakwékon tsi neh rasáriʼne ne ranikonrakʼsen.

1 Samuel 26:19

Ónenh kiʼ nón꞉wa tserí꞉hon natiá꞉ner ne ronnontí꞉io nahothónhte ne raowenhnasónhas ne raonhá꞉tsera. Tó꞉ka raón꞉ha ne Roiá꞉ner wahiónhnien naskatʼkónten, aiá꞉wenhs ahoienkwaráswoh; ók tó꞉kaʼ ónkwe, aiá꞉wenhs ahatiriwaiésha raohén꞉ton ne Roiá꞉ner, asèken wahontiatinékenhwe ne kén wenhniseráte ne ne tó꞉sa othènon ahontiatáhetste ne rahohóntsa ne Roiá꞉ner, ‘rontón꞉nions wáhs, neh teseriwásnies ne thiʼhátite ní꞉ios.’