Genesis 8:20 - Ohiatonhseratokénti

²⁰ Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

Genesis 8:20 ပူးပေါင်းရင်းမြစ်များ

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 13:4

ne ne tsi nón꞉we nihaón꞉ni ne ietsenhahráhkhwa ne tiotierénhton; tánon eʼthó꞉ne ó꞉nen ne Abram iahaná꞉ton ne Roiá꞉ner raohsén꞉na.

Genesis 22:2

Né Rawenni꞉io wahén꞉ron, “Iatshiaténhaf néʼtshièn꞉ʼa, énskaʼ khók sanekenhteronʼtsherá꞉ien ne ne Isaac, tsi niká꞉ien ne etshenorónhkhwa, tánon tsi tiohóntsaien ne Moriah niahá꞉sene. Thóh tsi tionontáhere nón꞉we iatʼshenonhwariá꞉kon tánon sátshaʼaht ne raoieròn꞉ta né enhséktatshe.”

Genesis 22:9

Nó꞉nen shiahá꞉newe tsi tiotenatakwèn꞉rare tsi nón꞉we nihonaʼtón꞉ni ne Rawenni꞉io, nʼAbraham thóh nón꞉we nahrón꞉ni ne ietsenhahráhkhwa tánon wahakwatakwenhá꞉ton tsi ni꞉ioht tsi wahaientahrón꞉nion. Waʼthonentsterènkhon ne roièn꞉ʼa Isaac, tánon ietsenharahkwà꞉ke wahoiaʼtá꞉ren, é꞉neken tsi nihoientahrónnion.

Genesis 26:25

Sók kíʼ thóh nónwe nahrón꞉ni ne ietsenhahráhkhwa tánon wahohsèn꞉naien ne Roiá꞉ner, tánon èʼthó nón꞉we nahataʼtohseró꞉ten. Tánon thóh nón꞉we ne Isaac raohnhatseraʼókon sahonthnawerón꞉ni.

Genesis 33:20

Thoʼnónwe warón꞉ni ne ietsenharáhkwa tánon né꞉ne El-Elohe-Israel wahanátonkwe.

Genesis 35:1

Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.”

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

Genesis 4:4

Eʼthó꞉ne ne Abel tahoiaʼténhawe ne tontié꞉renhte wahotewiraièn꞉hahse teiotinaʼkarontón꞉a owí꞉ra wahoʼwéntho tánon né꞉ne kwáh ioʼwahráreʼsen iahá꞉wen ne Roiá꞉ner. Ne Roiá꞉ner kwáh í꞉ken tsi wahawerientí꞉io tánon wahaié꞉na ne Abel tsi nahó꞉tahtshe,

Genesis 7:2

Iaʼsheiaʼtenháhseron tsá꞉ta niioianakehátie né꞉ne ionatenahskwakkwénienʼs né꞉ne naón꞉ton naieʼwá꞉rake tánon nahonwátatshe né Roiá꞉ner né꞉ne ratítsiʼn tanon notiʼnhéhtien; tánon tsoíana né kontitsénens ne iáh teionatenahskwatkwéniens, né꞉ne ratí꞉tsiʼn tánon nonhétien;

Genesis 7:3

tánon tsá꞉ta niioianakehátie notsiʼtenʼokón꞉ʼas ne tsi karonhiá꞉te, né꞉ne ratítsiʼn ó꞉ni notiʼnhéhtien, ne nakonwatinónhstate tsi niiotitiohkó꞉tens ne nohontsakwé꞉kon nón꞉we nakonnónhnheke.

Genesis 8:19

Tánon kontikwé꞉kon ne konhtitshé꞉nens, kontikwé꞉kon ne konté꞉sereʼs, tánon tsi niaʼtekatsiʼtenʼserá꞉ke, kwáh tsi nahó꞉ten ne kontoriá꞉neronʼs tsi ionhwentsá꞉te, skontihwatsirátshonʼs tsi sakontitáhko ne kahón꞉wakon.

Job Tánon ne Raoronhiakensera 1:5

Tánon nó꞉nen ne kakhwárakwe ioteweienhnenhtà꞉on, nétho Job ienhaterihwaniéte tánon enshasakorihwatokentísten. Tánon noronhkè꞉ne nenhatkétsko tánon ne ienhatháte tsi ní꞉kon roteskónte niataʼkaié꞉ri tsi niháti; asè꞉ken ne Job wahèn꞉ron, “Tó꞉ka nakenekenhterontseraʼshón꞉as wahatirihwánerake tánon ahonwhasentenhnike né Rawenni꞉io raonerhiá꞉ne.” Ká꞉ti ne Job kwáh tió꞉konte ki thóh nihaiérakwe.

Exodus 10:25

Mahís watariwaʼseráko, “Ètho kíʼ ó꞉nenk tsi enskwaríhen ne kontiʼtshénen nahiakwariwaiériʼte ne kariwihioʼsehokónhas ó꞉ni tsi enhiakihiateskónhten nasakwátatʼtse ne Roiá꞉ner ónhka Ní꞉io.

Exodus 29:18

Ietsienharakwáhke rahiatakwékon sátʼtsahat ne teiotinakaronhtónʼa rátsinn né꞉ne ká꞉khwa ahoriwáhke tsi ienwakʼkhá꞉wen. Tsi natenwenhserathenihon kíʼ ken iewakʼtkáwen enwaʼkerientí꞉iosthe.

Exodus 29:25

Ethóne shaʼséhkwah tánon ietsienharakwáhke sátʼtshaʼat, éhneken tsi watéskonhte ne katshénen, né꞉ne káhkhwa hionktáti. Né tehiahonserateníhon kíʼ ken hionktáti wakerientihióstha.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Hebrews 13:10

Né rohkháres ne teshahkoriwásnieʼse tsi ronterennaiéntakwah ne Sitaeró꞉non iáh tehohianerenseráhien ne ahráhke né thènen wahthéskonʼte ne tsi tewahtienharáhkwah.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.