Genesis 7:4 - Ohiatonhseratokénti

⁴ Ásekenʼh tsá꞉ta nón꞉ta niió꞉re kwáh entkaténniehte naiokén꞉nore ne tsi ionhwentsá꞉te né꞉ne kaié꞉ri niwenhniseráhsen tánon kaié꞉ri niwahshontáhsen nenhkarihwé꞉shonke; tánon kwáh tsi niaʼtehá꞉ti ne ronónhnhe ne tsi ionhwentsá꞉te ne kheiaʼtíson kwáh kíʼ ensekheiáhtonʼte ne tsi ionhwenhtsá꞉te.”

Genesis 7:4 ပူးပေါင်းရင်းမြစ်များ

Genesis 2:5

iáh oʼthé꞉nen tekaiéntakwe ne kaienthóhtshera ne tsi ionhwentsá꞉te iáh ó꞉ni ne kanenhaʼshón꞉ʼa oʼthé꞉nen tetká꞉nios, asékenh ne Roiá꞉ner Rawenni꞉io ne tsi iáh á꞉reʼkhok tehokennoréhston, tánon iáh ónka tehaonkwé꞉taien ne tahonʼkenhrawénrie;

Genesis 6:13

Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Genesis 6:17

Enkewehnó꞉tahste ne tsi ionhwentsá꞉te né꞉ne eniakóriohte kwáh tsi niá꞉kon ne iakónhnhe. Kwáh tsik nahó꞉ten akénhake nonhwentsá꞉ke tsi enkénheie.

Genesis 6:3

Eʼthó꞉ne ne Roiá꞉ner wahén꞉ron, “Iáh takheríhon nón꞉kwe tsi nénwe ahonnónhnheke; enhonniheiónhseke. Ken ienwatáhsawen iáh isi non ne énskat tewenʼniáwe tánon tewáhsen niiohserá꞉ke nenhonnonhnesonke.”

Genesis 6:7

Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.”

Genesis 7:10

Tsá꞉ta nónta ohnakén꞉ke nohné꞉kanos nawenhó꞉ton waʼkahnekó꞉ne ne tsi ionhwentsá꞉te.

Genesis 7:12

Waʼokén꞉nore ne tsi ionhwentsá꞉te kaié꞉ri niwenhniseráhsen tánon kaié꞉ri niwahshontáhsen.

Genesis 7:17

Iaʼkakón꞉tahkwe onhwehnó꞉ton ne tsi ionhwentsá꞉te né꞉ne kaié꞉ri niwenhniseráhsen, tánon kwáh í꞉ken tsi waʼohnotéhshaʼne tánon nohné꞉kanos wakahonwakará꞉tate ón꞉ton ne kahonwé꞉ia onthonwá꞉kerahkwe é꞉ren niió꞉re é꞉neken ne tsi ionhwentsá꞉te.

Genesis 7:3

tánon tsá꞉ta niioianakehátie notsiʼtenʼokón꞉ʼas ne tsi karonhiá꞉te, né꞉ne ratítsiʼn ó꞉ni notiʼnhéhtien, ne nakonwatinónhstate tsi niiotitiohkó꞉tens ne nohontsakwé꞉kon nón꞉we nakonnónhnheke.

Genesis 8:10

Tsá꞉ta nón꞉ta shé꞉kon sahatehrá꞉rate, tánon sók shé꞉kon átsteʼ ionsahoténniehte norí꞉te kahonweiá꞉tne naʼtontá꞉re.

Genesis 8:12

Eʼthó꞉ne shé꞉kon nó꞉ia tsá꞉ta nón꞉ta sahatehrá꞉rate, tánon átste ionsahoténniehte norí꞉te; ók ó꞉nen kiʼ iáh thatethawé꞉non.

Genesis 8:2

ók tsi nitiohnekó꞉takweʼne kwáh tiohnó꞉teʼskwe tánon ne ionenhstonhkwakahrónn꞉tonʼs tsi karonhiá꞉te sontehnhotónnion; tsi nitiokennó꞉ronhkwe ne tsi karonhiá꞉te waʼtká꞉taʼne,

Job Tánon ne Raoronhiakensera 22:16

Thonwatiratakwáhton nohénton iaʼká꞉hewe ne raoná꞉wen kawistáhets; ne tsi thenskwáhere tsi nón꞉we nihatí꞉taʼkwe ne waʼkakà꞉non ne onwenhóton.

Job Tánon ne Raoronhiakensera 28:25

Nó꞉nen ne oʼwé꞉ron táronh naoshatsténhsera, tánon waharákwahse nohné꞉kanos tsi nahónske;

Psalms 69:28

Sehrón꞉ko ne tsi ratisénhnare ne ionnhéhonwe kahiatónhsera; tó꞉sa skát꞉ne ratisénhnarat ne thonnonhkwetaiéris.

Jeremiah 28:16

Tánon káti ne Roiá꞉ner ráton tsi ahéren enhiaiatenháwiʼthe. Nohénton ne iahonthosehró꞉ten kíʼ iosehráhthe enshíheʼie tsioríhwa tsi waʼtshióʼtatʼtshe ne Roiá꞉ner.”

Amos 4:7

Tánon káti ó꞉ni takónʼneke nokennoréhsera ne shonhá꞉ke nó꞉nen shé꞉kon áhsen niwenhní꞉take sitiotatèn꞉ron naieienthó꞉ko; skaná꞉ta khók tsi nón꞉we ienkaténniehte nokennoréhsera, tánon iáh ne ó꞉ia tkaná꞉taien; skahèn꞉tak khók tsi nón꞉we neniokèn꞉nore, tánon tsi nón꞉we ne iáh teiokennó꞉ron ionatáten nenhné꞉e;

Revelation 3:5

Tó꞉ka enshateshén꞉ni, ní꞉se kwáh thóh ní꞉iot tsi ensatierónhnike tsi ní꞉iot ne ronónha né꞉ne wakó꞉ses í꞉ken, tánon ní꞉i kwáh iáh thaonsakonhsenhnará꞉ko ne kaiatonhserá꞉kon ne iónhne; tánon ní꞉i kwáh enkeriwaní꞉rate ne sashén꞉na raohén꞉ton ne Rakeʼní꞉ha ó꞉ni raotihén꞉ton ne raoronhiakerononó꞉kons.