Genesis 6:2 - Ohiatonhseratokénti

² ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

Genesis 6:2 ပူးပေါင်းရင်းမြစ်များ

Genesis 12:11

Ó꞉nen kwáh thó꞉ha shiahatáwehiaʼte ne Egypt, wahshakawénhahse ne ró꞉ne Sarai, “Kwáh ioiánere tsi wakaterién꞉tare ní꞉se tsisathonwí꞉sen tsi nihsatkahthohtsherí꞉io naiesá꞉ken.

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 26:35

tánon ne tekeniiáhse tekenón꞉kwe kwáh í꞉ken tsi waʼthonwatiʼnikonhkáriahte ne Isaac tánon ne Rebekah.

Genesis 27:46

Eʼthó꞉ne ne Rebekah wahonwènhahse ne Isaac, “Wakenonhwaktaní꞉tha tanon tewakhwihsenhehiá꞉tha ne tkarihón꞉nis nétho Hitró꞉non tekenón꞉kwe. Tóka ne Jacob ne ahatateniákten skaiá꞉ta ne Hitró꞉non ión꞉kwe tsi nikeniiaʼtó꞉ten kíʼ ken, sénha kíʼ ioiánere akíheie.”

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 4:26

Ne Seth wahoneʼkenterontseraién꞉taʼne, Enosh wahoná꞉tonkwe. Eʼthó꞉ne nonkweʼshón꞉ʼa taiontáhsawen wá꞉ʼonste ne Roiá꞉ner raosénna nó꞉nen enhonterén꞉naien.

Genesis 6:1

Nonkweʼshón꞉ʼa ó꞉nen ohontsakwé꞉kon teiakorénion tánon kontiksaókónʼa wakonná꞉kerate,

Genesis 6:3

Eʼthó꞉ne ne Roiá꞉ner wahén꞉ron, “Iáh takheríhon nón꞉kwe tsi nénwe ahonnónhnheke; enhonniheiónhseke. Ken ienwatáhsawen iáh isi non ne énskat tewenʼniáwe tánon tewáhsen niiohserá꞉ke nenhonnonhnesonke.”

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

Ezra 9:12

Wahontʼkhiró꞉ri ne tó꞉sa nonhwénton tahiakwathateniakʼthen né꞉tho onhkweshón꞉as tánon tó꞉sa nonhwénton ahiakhiié꞉nawaʼse nahotihianerásthen khés ne ahonaterihwathénhtsiase tó꞉ka tehionkwahtonhontsó꞉ni nahiakwatʼtsenhnonhniáthakwe nonhóntsa tánon nahonsahiakhihiotésthase tsi nienhiakwatwatsí꞉rihne ne tsi nén꞉we.

Job Tánon ne Raoronhiakensera 1:6

Nón꞉wa ne thóh wenhniserá꞉teʼkwe nó꞉nen ne ratironhiakeró꞉nons tahónhne nahonthaténeste raohénton ne Roiá꞉ner tánon ne Sakoriwaros tá꞉re nonhnè꞉e washakotsatárahse.

Job Tánon ne Raoronhiakensera 31:1

“Waʼkatatianerenhseronhnién꞉ni ne khá꞉rake; onkáti ní꞉ioht tsi akʼkenhé꞉ion ne kawí꞉non?

Exodus 34:16

Né sehienhokónhas nonhtiérenk ne enhotíniake thíken tiʼhiononhontsátes konhnónhkwe, né enhonwanasárihne ne iáh tahonsahotiriwatokénhake tsi nó꞉kwah ní꞉i tánon né enkonhwatisénhnaien ne iáh tekonhnónnhe niʼiohokónhas.

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Malachi 2:11

Ne Judah ne onterihwahténtiaʼte ne ioterihwátteronʼs, tánon tsi naʼkaieránion ne ne iáh tetkarihwaié꞉riʼs í꞉ken ne Israeronónke ó꞉ni ne Jerusalem nón꞉we; aseʼkénh ne Judah ioʼtaksá꞉ton ne raononhsatokenhtiʼkó꞉wa ne Roiá꞉ner, ne ne ranorónhkhwah, tánon ne rotateniáktén꞉ni nakoién꞉ʼa ne thihhaontsá꞉te ní꞉io.

Malachi 2:15

Iáh kenh shaià꞉taʼk khok ne Rawenni꞉io tehaiaʼtíson? Tetsá꞉ron noʼwá꞉ron tánon natónhnhets tsi ráonha raó꞉wenk í꞉ken. Tánon nahó꞉ten ne shaià꞉taʼ khok ne Rawenni꞉io rahská꞉neks? Ne ne Rawenni꞉io shakoioʼokón꞉ʼa akénhake. Katíʼ sewatatkaʼén꞉ion, tánon tóhsa ónhka ne tsi nítson naesewaʼnikonhráten ne ión꞉kwe ne sewatateniaktén꞉ni ne kenʼsitisaión꞉ha.

1 Corinthians 7:39

Ne ioniákon tsiontʼtonwísen iáh tewahtatewenhníʼio tsi náhe rónnhe ne róne; ónk tóhkaʼ enrénheie ne róne, Ethò꞉ne kíʼ ensewahtatewenhní꞉ioʼne tsik ónhka ne rónkwe ahonshahotíniake tsi nitewaskáneks, nók nek khók tóhka Rohriwiʼióston.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

Deuteronomy 14:1

“Í꞉se ne tsónhkwe ne Roiá꞉ner sewaNí꞉io rahonkweʼtashón꞉as. Káti nó꞉nen enieʼtsihiatsiónhnionhse ne iakawehié꞉hion, tó꞉sa sewatatreniá꞉nion tó꞉sa ó꞉ni sewathatenónhkaron, tsi nihatihié꞉ra notiàkes.

2 Tiér 2:14

Kwáh iáh tahóten nóhia tatehontkathonniónkwah nók nek khók nahonatesennaiéntaʼne nahontenakwaiésathe; tsi nihonthonkarhiák꞉tha ne kariwáneren iáh tiatehothiʼiérise. Sakonaterístaiens ne iakotsihióha. Thoʼní꞉ioht tsi karihonniénni ne rahonerhiá꞉ne nahonatetʼtsénhake. Thóh nón nihatihiatóron ne Rawenni꞉io rahorewathatsherákon!

1 Sawátis 2:16

Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.