Genesis 6:17 - Ohiatonhseratokénti

¹⁷ Enkewehnó꞉tahste ne tsi ionhwentsá꞉te né꞉ne eniakóriohte kwáh tsi niá꞉kon ne iakónhnhe. Kwáh tsik nahó꞉ten akénhake nonhwentsá꞉ke tsi enkénheie.

Genesis 6:17 ပူးပေါင်းရင်းမြစ်များ

Genesis 2:7

Eʼthó꞉ne ne Roiá꞉ner Rawenni꞉io wá꞉thrakwe nokén꞉ra tánon wahoiaʼtón꞉ni ne rón꞉kwe: tsi tehanionkáronte nón꞉we niahotonhniserón꞉ti ne ne iónhnhe aonrí꞉sera tánon ne rón꞉kwe tontáhsawen wahatónhnhete.

Genesis 6:13

Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Genesis 6:16

Seronhkweʼnó꞉rok ne kahonwé꞉ia tánon shaʼté꞉kon iawén꞉re nikaweionhkará꞉ke teioronwén꞉tek ne taonkwatá꞉sehte tsi naʼtetiátere ne karonkweʼnà꞉ke tánon nahshontaʼkéhshonʼs. Áhsen naʼtesenaktané꞉ta. Tánon sehnhokahrón꞉ten ne kaiaʼtakta.

Genesis 6:7

Ka꞉ti ne Roiá꞉ner wahénron, “Kwáh ensekheiarékwahte kíʼ onhkweʼshón꞉ʼa ne kheiaʼtíson, tánon ó꞉ni ne kárioʼs ó꞉ni notsitenokón꞉a ne tsi iówerare, ne tsi skataterihwáhstani tsi kheiaʼtíson.”

Genesis 7:15

Kahón꞉wakon iaʼkontítaron skátne ne Noah, tekeʼní꞉shons né꞉ne akwé꞉kon ronnonhnhénion ne꞉ne ronnonniserá꞉ien tsi ronnónhne.

Genesis 7:17

Iaʼkakón꞉tahkwe onhwehnó꞉ton ne tsi ionhwentsá꞉te né꞉ne kaié꞉ri niwenhniseráhsen, tánon kwáh í꞉ken tsi waʼohnotéhshaʼne tánon nohné꞉kanos wakahonwakará꞉tate ón꞉ton ne kahonwé꞉ia onthonwá꞉kerahkwe é꞉ren niió꞉re é꞉neken ne tsi ionhwentsá꞉te.

Genesis 7:4

Ásekenʼh tsá꞉ta nón꞉ta niió꞉re kwáh entkaténniehte naiokén꞉nore ne tsi ionhwentsá꞉te né꞉ne kaié꞉ri niwenhniseráhsen tánon kaié꞉ri niwahshontáhsen nenhkarihwé꞉shonke; tánon kwáh tsi niaʼtehá꞉ti ne ronónhnhe ne tsi ionhwentsá꞉te ne kheiaʼtíson kwáh kíʼ ensekheiáhtonʼte ne tsi ionhwenhtsá꞉te.”

Genesis 9:9

“Ní꞉i iaʼtetià꞉ti, wakonnihátie nakaterihwahsehronniáhtshera tsi naʼtetiátere ó꞉ni tsi nienhsathwatsí꞉rine ne kén꞉ʼen ieniótiehteʼ,

Job Tánon ne Raoronhiakensera 22:16

Thonwatiratakwáhton nohénton iaʼká꞉hewe ne raoná꞉wen kawistáhets; ne tsi thenskwáhere tsi nón꞉we nihatí꞉taʼkwe ne waʼkakà꞉non ne onwenhóton.

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Exodus 14:17

Thóh nióre tsi enʼkhenontsisʼtanírahʼte ne Egyptró꞉nons kwáh thóh nienhónhne nahonwatísehʼre, tánon ne tenkathéntsa ne kaʼkweniensʼtátshera tsi enhiʼsènhni ne ronhnonhtí꞉io, ó꞉ni ne rahonkwetashón꞉ʼas ronhterí꞉ios, ó꞉ni ne rahosehreʼshón꞉ʼas ne konhterí꞉ios otsiónkwas, ó꞉ni ne rahonkweʼtashón꞉ʼas ne sakonató꞉res ne koshá꞉tens.

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Isaiah 54:9

Kwáh né꞉ne tsi nihotenhniseraʼténionsʼkwe ne Noah nakerihwá꞉ke: kwáh kí tsi niwakerihwanirá꞉ton nètho raoʼnekaókons ne Noah tsi kwáh iáh shé꞉kon thaʼhonsontnekawénhraʼte ne tsi ionwenhtsáte, ká꞉ti wakerihwaniráton tsi kwáh iáh shé꞉kon tahonsakonnákwahʼse tánon iáh tahonsakoniaʼtewenhnaiéntonʼwe.

Ezekiel 34:11

“Í꞉i, ne Wakenonhtí꞉io Watiá꞉ner, kwahró꞉ris tsi iatenwahtsiátisthe ensekʼkhehiathisáhke nakhitshénen tánon enkhehiatenhnikonhráhren

Ezekiel 34:20

“Káti ónenh, Í꞉i, ne Wakenonhtí꞉io Watiá꞉ner, kwahró꞉ris tsi kwáh tenkwahiató꞉rehthe tsi nahtesehwáhtere ne konhtishástsʼtes teiotinakaronhtónha ó꞉ni ne iotitsihióhas teiotinahkaronhtónha.

Ezekiel 5:8

Tánon káti Í꞉i, ne Wakenonhtí꞉io Watiá꞉ner, konró꞉ris tsi kwáh kónsons. Enkonríwenhthe tsi nónhwe ne ohontsakwékon ahieshá꞉ken.

Ezekiel 6:3

Thá꞉shon ne tsi ionhnontarónnions ne Israel kí꞉ken ateriwanhotátshera tsi nitsawénonh rahonháke ne Ronhnontí꞉io Roiá꞉ner. Kén nahó꞉ten ne Ronhnontí꞉io Roiá꞉ner ratónhnions tsi nòkwah ne tsi ionhnontarónnions ó꞉ni ne ionhniahrónhnions tánon ne ahonrahkwahkónsons: Ónenh kwáh thóh꞉wa ahonthakonhawíten nateriʼiósera ne shonháke, tánon enkeriwáhthonthe tsi nónhwe nikonwathisenhnhaienthákwah ne kahiatonhnisónhas.

Hosea 5:14

Asè꞉ken thóh nentiatoténhake tsi ní꞉ioht ne kénreks tsi nokwáh ne Ephraim, tánon kwáh né꞉ne kenhnitohiónha kénreks tsi nokwáh nonkweshón꞉as ne Judah. Iathenwatsátiste tsi enkhehiaʼtaratiónko tánon ethò꞉ne é꞉ren enskéte; kwáh ienkhehiaʼthénhawe, tánon iáh tahonsaieniá꞉kenhne.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Matthew 24:39

Nok iah othenon tehonnerhakȣe enȣennoton ken, tsiki niiore onen iahonnoton akȣekon oni iahakoiatenhaȣe; Etho kati oni neneh nenhiaȣenne nʼonen tentre nʼOnkȣe Roienha.

Luke 17:27

Teiakostskaonkȣe oni ienekirhakȣe, iakohniakskȣe oni teiontateniaktennihakȣe tsiniiore iahataȣeiate ne Noë rahohonȣakon; nok tonhnohton akȣekon oni ȣahakorio.

Romans 5:21

Kwáh káti, tsi ní꞉ioht ne kariwáneren wakaiatakwenihió꞉ne ne kenhéion, thóh káti nòn꞉ne ní꞉ioht ne Rawenni꞉io rahoténrat tsi kaiatakwení꞉io neh kariwakwarishóntsera, thóh niehionkwahiaténhas tsi nónwe ne ionnheónhwe natónnhets rahonháke ne Ié꞉sos Kerístos sonkwaiáner.

Romans 6:23

Naohkarhiátsera ne kariwáneren neh꞉ne tsi nieʼhiotʼthahínon ne kenhéion; nók ne Rawenni꞉io kwáh iáh ohthènen tehakaráiens tsi tatʼkáwas neh ionʼnheónwe atónʼnhes, neh tsi ratikwékon ne Kerístos Ié꞉sos Sonkwaiáner.

Deuteronomy 32:39

“‘Í꞉i, tánon akonhatsí꞉wa kók, ne Wakení꞉io; iáh ónhka nakò꞉ren ne Ní꞉io narónhneke. Khenonhwarià꞉kons tánon tekhehiá꞉wis natónnhets, khekarewátha tánon sehkhetsiéntha, tánon iáh ónhka thaiekwé꞉ni nahiehiotháthe tsi nakátiere.

Hebrews 11:7

Tewehtákwenh seh wahkakwéni ne Noah wahothóntene ne Rawenni꞉io tsi nihoronkaténnisʼkwe tsi nahorihoténshons ne tsi niaʼhawehnonhátie ne iáh tewáhtonskwe nahatʼkátho. Wahowénhnarahkwe ne Rawenni꞉io tánon wahaʼthonhión꞉ni tsi nónwe ne rahónha tánon ne raowáhtsire nenhatiniákenne. Tsi naháwenhne, tsi ionwentsiáte ontʼréwahthe, ónk ne Noah wahaiéna ne Ni꞉ióʼne nontáwe ne kariwahkwahrishóntshera tsi nitkáhas ne tewehtákwenh.

1 Tiér 3:20

Neh kí꞉ken natónnhets tsi niháti ne iáh tehonwawennarákwen ne Rawenni꞉io tsi nioʼnikonkátstekwe wasakoteráhrate tsi wentaténionskwe nètho Noah sihatʼthonionníhakwe ne rahonʼonwéia. Ne tóhkaʼra nihionkwétake ne kahónwakon wahontítha—satékon nihátikwe—shotiniakén꞉en tsi nòkwa ne onéka,

2 Tiér 2:5

Rawení꞉io iáh tehonónstaton ne ohontsiakáion, ók tahá-awe nahonnenʼnóton ne iáh tehotinihioseráien ne tsi ionwentsiáte; totʼniháti wasakonónstate né꞉ne Noah, tsi roteriwanóte ne kariwakwarisióntshera, tánon ne ó꞉ia tsiáta niháti.