Genesis 6:13 - Ohiatonhseratokénti

¹³ Ne Rawenni꞉io wahawénhahse ne Noah, “Iaʼtewakerihwaientá꞉se kwáh ratikwé꞉kon nonkwehshón꞉ʼa tsi enkheión꞉niaʼke. Asèken ne tsi ionhwentsà꞉te kwáh ne thitkáhere ne raotiweiennakshéntshera.

Genesis 6:13 ပူးပေါင်းရင်းမြစ်များ

Genesis 49:5

“Simeon tánon ne Levi ne nenʼ neʼ eh iatateʼkén꞉ʼa í꞉ken; ionteriiohstáhkwa iátstha ne ne ahiaterihwahténtiaʼte karihwakaʼténhtshera.

Genesis 6:14

Satathoniónnien ne í꞉sats ne kwáh tkarontí꞉ioʼs, senaktonniánion ne kahón꞉wakon, tánon shnehtáhro ne kanónhskon nonkwáti tánon ne átste nonkwá꞉ti.

Genesis 6:4

Neʼthó sontakahá꞉wis tánon sénha nohnaʼkèn꞉ke, ratikkowá꞉nensʼkwe ratiʼterón꞉tahkwe nonhwentsá꞉ke, thó꞉non nithonathwatsirí꞉non né꞉ne ón꞉kwe kén꞉ne ne tsonathonwí꞉senʼs tánon ne rathironhiaʼkehró꞉nons. Né꞉ne kwáh rontatshináhstahkwe kén꞉ne ó꞉ni ratishennowanénʼne ne wahónnise tsi náhe tkén꞉ne.

Genesis 7:21

Kwáh tsi niaʼtewatonhnhehtserà꞉ke ne rontoriá꞉nerons nonhwentsá꞉te tsi waʼakowéntho kwáh tsi niaʼtekatsitenʼserà꞉ke, tionhnhónskwaronʼs, niaʼtekarió꞉takes, ratikwé꞉kon ne iotiʼonwahráhratieʼs nonhwentsá꞉ke, ó꞉ni kwáh niaʼteionkwé꞉take tsi waʼaé꞉heie.

Genesis 7:23

Ne Roiá꞉ner kwáh akwé꞉kon niaʼshakóhtonhte tsi nahó꞉ten ne iónhnhehkwe ne tsi nonhwentsá꞉ke onkweʼshón꞉ʼas, tánon ne kontitshé꞉nenʼs, tánon ne konté꞉sereʼs tánon notsiʼtenʼokón꞉ʼa ne tsi iówerare; kwáh wahonwanáhtonʼte ne tsi ionwenhtsá꞉te. Nek khók iatehshonatatén꞉ron tsi nihá꞉ti ne Noah ratikwekónhne ne kahón꞉wakon.

Genesis 7:4

Ásekenʼh tsá꞉ta nón꞉ta niió꞉re kwáh entkaténniehte naiokén꞉nore ne tsi ionhwentsá꞉te né꞉ne kaié꞉ri niwenhniseráhsen tánon kaié꞉ri niwahshontáhsen nenhkarihwé꞉shonke; tánon kwáh tsi niaʼtehá꞉ti ne ronónhnhe ne tsi ionhwentsá꞉te ne kheiaʼtíson kwáh kíʼ ensekheiáhtonʼte ne tsi ionhwenhtsá꞉te.”

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

Isaiah 34:1

Ákta í꞉sewek, Ó tionhontsakeró꞉nons, naisewathóntene; Ó tsiónkwes, sewatenhnikonhrá꞉ren! Áhnion nohóntsa ióthonhthen, tánon akwékon ne thóh kananóntʼtons; ne tsi ionhontsáte, tánon akwékon tsi nahó꞉ten né thóh nón꞉we nitewètha.

Jeremiah 51:13

Í꞉se ne tiónkwe ne kanahtátʼtha sehwenhterónhton sewahkwáhtse tsi níkonh sehwahteniataʼréhnions, kowáhnenh sehwáhien ne iotkeronhtáhkwah, ók ne sáhkwenk ne tsi ieiótʼthe ónhweh. Ne tsi sónnhe enkahiákon kwáh tsi ní꞉ioht ne ónhkak wahesehrihiétiaʼke.

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Amos 8:2

Wahèn꞉ron, “Amos, nahó꞉ten satkátos” Tánon waí꞉ron, “á꞉there titkáhere nakenhnakékha kahiksónhas.” Ethò꞉ne ne Roiá꞉ner wahakénhase, “Ne tsi iehiotót꞉te iahónwe rononhà꞉ke nakonkweʼtashón꞉as nʼIsraerʼró꞉nons; kwáh iáh shé꞉kon nonhwénton tahonsatkhenikonhrénhse.

Hebrews 11:7

Tewehtákwenh seh wahkakwéni ne Noah wahothóntene ne Rawenni꞉io tsi nihoronkaténnisʼkwe tsi nahorihoténshons ne tsi niaʼhawehnonhátie ne iáh tewáhtonskwe nahatʼkátho. Wahowénhnarahkwe ne Rawenni꞉io tánon wahaʼthonhión꞉ni tsi nónwe ne rahónha tánon ne raowáhtsire nenhatiniákenne. Tsi naháwenhne, tsi ionwentsiáte ontʼréwahthe, ónk ne Noah wahaiéna ne Ni꞉ióʼne nontáwe ne kariwahkwahrishóntshera tsi nitkáhas ne tewehtákwenh.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.