Genesis 6:11 - Ohiatonhseratokénti

¹¹ Ók ne ronatiaʼkéhshonʼs kwáh nén꞉ne rononkweʼtahétkenʼs raohén꞉ton ne Rawenni꞉io, tánon ne tsi ionhwentsá꞉te ne tít꞉kahé꞉re ne iáh othenen teskaianerenhseráien.

Genesis 6:11 ပူးပေါင်းရင်းမြစ်များ

Genesis 10:9

Kwáh í꞉ken tsi ratoratskó꞉wa kén꞉ne raohén꞉ton ne Roiá꞉ner, “Kwáh tsi ní꞉ioht ne Nimrod ratoratskó꞉wa í꞉ken raohén꞉ton ne Roiá꞉ner.”

Genesis 13:13

Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

Genesis 6:10

Tanon ne Noah áhsen nihonekenteronʼtsheraièn꞉tahkwe, ne꞉ne Shem, Ham, tanon ne Japheth.

Genesis 7:1

Ethò꞉ne ne Roiá꞉ner wahawénhase ne Noah, “Wá꞉s kahón꞉wakon iashatíta, í꞉se tánon ne swatsirekwé꞉kon, asèkenʼh waʼkatkátho tsi shón꞉hahak khók tehshonkweʼtaié꞉ri nakhén꞉ton nón꞉wa nikaháwi.

2 Chronicles 34:27

tánon sehsewatatréhwaʼte tánon ehtàke sesehwathatónhni natkénton, wesehwarahtiónko ne sehwatserón꞉nia tánon tesewaséntʼthos, né sehsewarihwáronhke tsi ní꞉ioht tsi tkherón꞉kwahkwe tsi nenhtréwaʼte ne Jerusalem tánon nahonkweʼtaʼshón꞉a. Onhkatʼthónhteʼne ne sewaterénhnaiet,

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 55:9

Tesehianitonhniáten tsi nihotítare ne iónkswenhs; katkáthos iáh thahóten teskaianerenhseráien tánon ratinathakáras.

Exodus 32:7

Ne Roiá꞉ner wahawénhase ne Mahís, “Tesasteríhen tánon thóh hionsáse, tsioríwa ne shonkwetashón꞉has, tsi nikáien ne thetesehiatinekénʼen ne Egypt, wahatiriwánerake tánon wahontkénron.

Isaiah 60:18

Né kariwakʼsenhókons iáh shé꞉kon tahonsaiakotʼthón꞉teke ne satonhwenhtsáke, né karihwaieshá꞉tsheras khés natkenronhniátsheras ne tsi nón꞉we nisateristhatátie; né enshenátonhkwe ne tsi sathenhenró꞉tons kaienawashé꞉tshera, tánon ne tsi sathenhenrakarónhtons kanonweratón꞉tshera.

Jeremiah 6:7

Tsi ní꞉ioht ne ionáhwehrohʼte tiókonte ionekaien ne kanekí꞉io, thóh káti ní꞉ioht ne Jerusalem tiókonte áse iahonnihátie nahorihwahetkénsehra. Wakátʼthonte aterihiósehra ó꞉ni kariwahiesáhtshera ne tsi kanahthowáhnen; kanhratharinétsheras tánon iontkarewahthánions nék khók katʼkáthos.

Ezekiel 28:16

Teshaweiennahráhonhne snínonhskwe tánon shatennínonhskwe, tánon né weshasárine ne sewahteriwahtewáhthon ó꞉ni kariwáhneren. Káti takonhianónhthonse nahéren ahonshá꞉sehte ne tsi wakatenonhtháhere, tánon ne raronhiakerónon ne ianikónhrahre wahiatékwahte tsi nónhwe nikáiens ne tehiokaráhiat owistanoronhsónhas.

Ezekiel 8:17

Ne Roiá꞉ner wahakénhase, “Rónhkwe iaiénha, satkáthos kén tí꞉ken? Kí꞉ken nonhkweshón꞉ʼa ne Judah iáh tehonerientí꞉ios tsík nihonahtieráhnion ne hioteriwahtehasónhas ne wasatkathóseron kénʼen tánon tsi natehiorenihonhátie ne kariwaksenhokónhas tsi nikanahkeráhsehra. Iáh, ónenk tsi entʼthónʼne tánon kwáh tsík tienhatiʼieráhnion kwáh kénʼen kanónhskon NʼOnonsatokentiʼkówa tánon ónenh sénha enhionkenahkónhni. Satkátho tsi ní꞉ioht tsi wahonkenikonhrahkaréwahte ne꞉ne kwáh tsi nahiotónhon nahionkeriwahientháten!

Habakkuk 1:2

O Saiá꞉ner, tonakariwésonke ne kwáh tahkasénhtho ne kaienawaséhtshera aorihwà꞉ke, tánon ní꞉se kwáh iáh tasatahonsáthate? Khehs takasénhtho shón꞉hake “Ne kaniakatsténhsera aoioténhsera!” ók ní꞉se kwáh iáh tasatewenhnaro?

Habakkuk 2:17

Asè꞉ken tsi nikonhwateniaskatstén꞉ni ne Lebanon kwáh kíʼ ní꞉se eniesatón꞉te; sehnonwarhiaʼkhónhnion ne kontiʼtshé꞉nens ó꞉nenh kíʼ ne entiesaterónhkwen. Thóh kí꞉ken nenhiawénhseron né enkarihón꞉ni tsi nisehiaséhton nonkweshón꞉as ne tsi ionhonhtsá꞉te, tánon tsi nisehiateniakatsthén꞉ni nonkweshón꞉as ne kanatowanénhkes nón꞉we nihatiʼterónhton.

Habakkuk 2:8

Tiorì꞉wa tsi nihiakotiohkowá꞉nen nonhkweshón꞉as senénhskwen, ratikwé꞉kon ne iatehonathaténhron nonkweshón꞉as kwáh entiesanénhsko— tiorì꞉wa tsi nisehnonwarhiaʼkónhnion nonkweshón꞉as ne tsi ionhontsá꞉te, tánon tsi nisehiateniakatsthén꞉ni nonkweshón꞉as ne tsi kanatowá꞉nenhs.

Luke 1:6

Nok rotiianerekȣe rahohenton ne Niio, oriȣakȣekon oni rotiriȣaieritonhatiene tsini ȣatenienten oni tsini kariȣataton ne Roianer raoriȣasonha, iah tehotinnhiseraien.

Romans 2:13

Rawenni꞉io iáh ne thèken tsi sakotakwarísions nonkwesónha tsi natehóntere ne rahónha tòhka kén ne tsi ronatahonsatáton ne kaianerénsera, nók ne tsi rathísere ne kaianerénsera tsi nihiotshate.

Romans 3:19

Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

Deuteronomy 31:29

Wakaterien꞉tare nó꞉nen enwakihé꞉ionhke nonhkweshón꞉as kwáh enhatiriwanérake tánon enhatiriwáhson tsi nahoʼténhsons kherihonhnién꞉ni. Tánon ienkáhewe ne enhatihié꞉na ne kariwaieshá꞉tsheras, tiorì꞉wa tsi wahonwanaʼkón꞉ni ne Roiá꞉ner tsi ne kenh niahatí꞉iere tsi nahó꞉ten ne roriwáston.”

Judges 2:19

Ók nó꞉nen enhrénheie ne sakohéntenhse, nonhkweshón꞉as né enshonterihwathénhtsaʼte norihwakáions tánon sénha wahétken tsi nenhsatiʼieránion tsi ní꞉ioht ne thatiwatsiráthakwe. Né enkonhwatiʼiótenhse ó꞉ni enkonhwatisénhnaien nóia niʼiohokónhas, tánon ronatenonhtsistaniráton iehothikonhthákwen ne rahotirihwahetkenhserákons.